ISAIAH 46:9 - BUKUIT NE TILIIL Sireet ne Dutero Kanon

⁹ Obwaat tuguuk che po tai che po keny; amu aa Kamuktaindet, ama mi age; aa Kamuktaindet, ama mi age ne kegerge;

Bukuit Ne Tilil

⁹ Obwaat tuguuk che po tai che po keny; amu aa Kamuktaindet, ama mi age; aa Kamuktaindet, ama mi age ne kegerge;

BUKUIT NE TILIL

⁹ Obwat tuguk che bo tai che bo keny; amu a Kamuktaindet, ama mi age; a Kamuktaindet, ama mi age ne kegerge;

ISAIAH 46:9 ပူးပေါင်းရင်းမြစ်များ

Kitabuutap JOB 10:13

Ago ki iung'ee tuguuchooto muguleldang'ung'; angen ale mi niito kobooten.

TIENWOGIKAL 111:4

Ki yai Kamuktaindet ne Toroor poisyonikyik che kikwong'ee si kibwaataat; po Kamuktaindet ne Toroor myeeindo ak ko nyiitaat rireenet.

KOMONG'U 15:11

Ee Kamuktaindet ne Toroor, tos ngoro ne uu inyee eng' kamuktaik? Tos ng'oo ne uu inyee, ne konyitot eng' tiliilindo, ne kiywei eng' kalasunet, ne yaei kwang'utik?

KOMONG'U 8:10

Ak ki wol kole, “Mutai.” Koleenji Musa, “Ingoyaak ko uu ng'olyoondeng'ung', si kobiit inai ile ma mi age ne uu Kamuktaindet ne Toroor, Kamuktaindennyo.

KOMONG'U 9:14

Amu ayookyini korotwek che ng'woneen muguleldang'ung', otwogiguk, ak piiguk, si kobiit inai ile ma mi age ne uu anee eng' ng'wony komugul.

ISAIAH 41:26

Ng'oo ne ki komwa ng'olyoondoni kobooch taunet, si kobiit kenai? Ak ne kisip komwa, si kobiit kemwa keele, Po ineendet imanda? Ee, ma mi agot agenge ne mwaei, ee, ma mi agot agenge ne ibooru, ee, ma mi agot agenge ne kasei ng'aleekwok.

ISAIAH 41:27

Amwachini korook Zion, aleenjini, Keero, keer icheek o; ak agoochini Jerusalem ineendet ne ibu logoiywek che myach.

ISAIAH 42:9

Ogeero, kagosulda tuguuk che po tai, ak amwaitoi tuguuk che leelach, amwaiwok kotomo kobiit.

ISAIAH 43:10

Oo paorinikyuk, mwaei Kamuktaindet ne Toroor, ak otwogindennyu ne ki alewen; si kobiit onai ak oyana, ak oguiye ole aa ineendet; ma mi Kamuktaindet age ne kisip keyai eng' anee, ama kobiitu age eng' let.

ISAIAH 45:14

Mwaei Kamuktaindet ne Toroor kole, nyonjinin poisyetap Misiri, kobooto tuguugap mung'areetap Kush, ak piigap Sabe, piik che kooen, ak punjinin; isubun; pwonjinin ko ratotiin; ak kobutyi keelyeguk, kosoomin, kole, Iman mi Kamuktaindet kobooten; ama mi age, ma mi Kamuktaindet age.

ISAIAH 45:18

Amu mwaei Kamuktaindet ne Toroor ne ki toi koyai kipsengwet kole, Ineendet ko Kamuktaindet ne kimimii ng'wony ak koyai; ki igimit, ki ma yai koek puch, ki yai si kobiit kemeny: aa Kamuktaindet ne Toroor; ama mi age.

ISAIAH 46:5

Orogendoa ng'oo, ak oaechinena ng'oo, ak oyaniena ng'oo si kobiit kegergeitu?

ISAIAH 48:3

Ki amwaite tuguuk che po tai kobooch keny; ee, ki mang'une kutinnyu, ak ki abarte: ki ayai achokyi, ak ki isulda.

ISAIAH 65:17

Ogeero, atau ayae kipsengwet che leelach ak ng'wonyut ne leel: ama kibwaati tuguuk che po tai, ama kochutei metit.

JEREMIA 49:19

Ogeero, togosu ineendet ko uu ng'etundo kobunu Jordan ko kanyi peek miising' kobargei ak meng'ooteet ne kiim: ago achee, aoone komwei ineendet; ak age tugul ne kileweni, agoochini koboi ineendet: amu ng'oo ne kegerge? Ak ng'oo ne ng'atwa peetuut? Ak ng'oo mestowot ne tononi eng' tainnyu?

JEREMIA 50:44

Ogeero, togosu ineendet ko uu ng'etundo kobunu Jordan ko kanyi peek miising' kobargei ak meng'ooteet ne kiim: ago achee aoone komwei ineendet: ak age tugul ne kileweni, agoochini koboi ineendet: amu ng'oo ne kegerge, ak ko ng'oo ne ng'atwa peetuut? Ak ko ng'oo mestowot ne tononi eng' tainnyu?

JEREMIA 6:16

Mwaei Kamuktaindet ne Toroor kole, otononie eng' ortinwek ak ogeerte, oteep ortinwek che po keny, ole mi ooreet ne myee, ak obendate nooto, si osich kamuung'et eng' saboonwekwok. Ago ki wol kole, “Ma kibendote ortinwechooto.”

JOEL 2:27

Ak onai ole ami kwenutap Israel, ak onai ole aa Kamuktaindet ne Toroor Kamuktaindeng'wong', ama mi age: ak ma kolilaandos piikyuk kogeny.

1 KORINTOEK 8:6

ago eng' acheek komiitei Kamuktaindet agenge, ineendet Kwanda, ne punu tuguuk tugul ak acheek eng' ineendet; ak Kiptaiyat agenge, Jeso Kristo, ne mi tuguuk tugul amu ineendet, ak acheek eng' ineendet.

NG'ATUTIK 32:7

Ibwaat peetuusyek che po keny, ak iruchi kenyiisyegap ibinwegap tai. Teebe kwandang'ung' si koboorun. Teebe poisyeguk si komwaun.

NG'ATUTIK 33:26

“Ee Jesurun, ma mi ne uu Kamuktaindet, ne laanyei kipsengwet si kotoretin, ak laanyei parak eng' telunatennyi.