ISAIAH 44:25 - BUKUIT NE TILIIL Sireet ne Dutero Kanon

²⁵ Ne walei tartetap kiplembechonik koek puch, ak kogoochin che ng'oorsei koiiywenso; ne weechi piik che utaatiin koba let, ak koyaei naennywa koek perberyo:

Bukuit Ne Tilil

²⁵ Ne walei tartetap kiplembechonik koek puch, ak kogoochin che ng'oorsei koiiywenso; ne weechi piik che utaatiin koba let, ak koyaei naennywa koek perberyo:

BUKUIT NE TILIL

²⁵ Ne walei kaborunoikab kiplembechonik koek buch, ak kogochin che ng’orsei koiiywenso; ne weechi bik che ng’omen koba let, ak koyaei naenywa koek berberindo:

ISAIAH 44:25 ပူးပေါင်းရင်းမြစ်များ

2 SAMUEL 15:31

Ak ki kimwachi Daudi keleenji, “Mi Ahitopel kobooto njaamigap Absalom.” Ak ki sa Daudi kole, “Ee Kamuktaindet ne Toroor, asoomin ale, wal kirwoogetap Ahitopel koek perberyo.”

2 SAMUEL 16:23

Eng' peetuusyechooto anyun, ko ki uu kirwoogetap Ahitopel ne ki irwoochi, kirwoogetap chii ne teebei eng' ng'olyootap Kamuktaindet. Ki uu nooto anyun kirwoogutik tugul che po Ahitopel eng' Daudi ak eng' Absalom.

2 SAMUEL 17:23

Kingo keer Ahitopel kole mata koosup chii kirwoogennyi, koiito sigiryennyi ak kong'eet kwo kaa, kot koit nganasennyi. Kirarchi keet piigap koonnyi yeityo kwo kogeetkei, ak kime. Ara ki kitupchi poortanyi kereritap kwandanyi.

1 LAITORINIK 22:37

Kingo me anyun laitoryat ko ki kisut konyo Samaria, ak ki tup icheek ineendet eng' olooto.

2 ATEPTAP PEETUUSYEK 18:11

Kimaotenso maotik tugul ko uu nooto ak icheek, kole, “Togoste Ramoth-gilead ak iboor, amu indoi Kamuktaindet ne Toroor nganasanooto eutap laitoryat.”

2 ATEPTAP PEETUUSYEK 18:34

Kitesak lugeet peetuunooto, ak kitiigei laitoryatap Israel eng' chepkichutinnyi kotokyigei piigap Syria agoi koskoleny. Ye kingo neegit kororokto asiista, kome ineendet.

TIENWOGIKAL 33:10

Walei Kamuktaindet ne Toroor ruchinaigap pororyosyek koek puch; yaei kabwaatutigap piik koek che ma tilei kiy.

KOMONG'U 9:11

Ak ki ma imuuch kotononso piik che ng'oomen che ng'oorsei eng' taitap Musa, amu ondirichooto. Ki nam ondirik piik che ng'oomen che ng'oorsei ak icheek ko uu Misiriik.

ISAIAH 19:3

Ak tuun kiyaei koek puch kimnateet Misiri eng' kwenunnyi, ak ang'em kirwoogutikyik; ak koba kocheeng' kanamonik ak piik che abusisyei, ak che poisyee oik, ak pooniik.

ISAIAH 29:14

Ara anyun, ayae poisyet ne kitang'aang'jin eng' kwenutap pichu, poisyet ne kitang'aang'jin ak kekwong'ee. Ak kobet utaatyetap piikwak che utaatiin, ak keuny kaguiyetap piikwak che ng'oomen.

JEREMIA 49:7

Ng'aleegap Edom: Mwaei Kamuktaindet ne Toroor ne po lugoosyek ko uu ni, kole: Tos ma komi utaatyet eng' Teman? Tos ki kobet kirwooget eng' che ng'oomen? Tos ki kobek ng'omnatennywa?

JEREMIA 50:36

Mi rotwetap chok paragutap piik che ichaugei, si koberberitu: mi rotwetap chok paragutap piikyik che nyigoonen, ak koaragenso icheek.

JEREMIA 51:57

Ak agoochini kobogityo pounikyik ak murenikyik che ng'oomen, kobooto kirwoogikyik ak kiptainikyik, ak murenikyik che nyigoonen; ak koruiyo rwondo ne po agoi, ama kogosu, mwaei Laitoryat ne kainennyi ko Kamuktaindet ne Toroor ne po lugoosyek.

HOSEA 9:7

Kagoit peetuusyek che kiitu pireet, kagoit peetuusyek che kiyaaktoisye; naei Israel nooto, “Perber maotyot, amei iywek chiito ne tinyei Kabuuset ne Tiliil” amu ooindap tengektong'ung', ko oo puunyoonding'ung'.

MIKAH 3:7

Ak kolilaanso keerik, ak kotoptobenso piik che ng'oorsei; ak kagonamgei kuut tugul, amu ma mi waluunet ne punu Kamuktaindet.

SEKARIA 10:2

Amu ki komwa terapik tangoita, ak ki kogeer piik che ng'oorsei lembechek, ak ki komwa icheek karwotitaosyek che po lembech, igoigoisyei puch; pendoti ko uu keechiirek, kinyaliili amu ma tinyei mestowot.

KAITOSYEK 23:23

Ma mi iman pondit ne kimuuchi kebane Jakobo, ama mi ng'oorset ne kimuuchi keng'ore Israel. Kimwaei nguno agobo Jakobo ak Israel, keele, ‘Ki yai ne tya Kamuktaindet!’