ISAIAH 44:24 - BUKUIT NE TILIIL Sireet ne Dutero Kanon

²⁴ Mwaei Kamuktaindet ne Toroor, katyagindeng'ung', ineendet ne kimimiin eng' moet, kole, aa Kamuktaindet ne Toroor, ne yaei tuguuk tugul; aneege ne aiitoi kipsengwet; ne aiitoi ng'wony; ng'oo ne mi kobooto?

Bukuit Ne Tilil

²⁴ Mwaei Kamuktaindet ne Toroor, katyagindeng'ung', ineendet ne kimimiin eng' moet, kole, aa Kamuktaindet ne Toroor, ne yaei tuguuk tugul; aneege ne aiitoi kipsengwet; ne aiitoi ng'wony; ng'oo ne mi kobooto?

BUKUIT NE TILIL

²⁴ Mwaei Jehovah, katiagindeng’ung’, inendet ne kimimiin eng’ moet, ko u ni kole, A Jehovah, ne yaei tuguk tugul; anege ne aiitoi kipsengwetisiek; ne aiitoi ng’ony; ng’o ne mi kobota?

ISAIAH 44:24 ပူးပေါင်းရင်းမြစ်များ

Kitabuutap JOB 26:7

Iitoi murot kaataam ole ma mi kiy, ak kosonginin ng'wonyut eng' ole ma mi kiy.

Kitabuutap JOB 31:15

Ineendet ne kiyaa eng' moet, ko tos ma Ineendet ne kiyaei chiichooto agine? Tos ma Ineendet ne kimimiech eng' moet?

Kitabuutap JOB 37:18

Tos imuuchi iite sengwetyet kobooto ineendet, ne kiim ko uu kioit ne ki kichoot si kitanyi?

Kitabuutap JOB 9:8

Ineendet ineegei ne iitoi kipsengwet, ak kotyechei peek che mildogei che po nyanjet.

TIENWOGIKAL 104:2

Inyee ne itugegei lapkeiyet ko uu ngoryeet; iitoi kipsengwet ko uu ngoryeet,

TIENWOGIKAL 136:6

ineendet ne ki iito ng'wonyut eng' peek parak, amu tebyei rireenennyi koigeny;

TIENWOGIKAL 71:6

Ki atienengei kong'etee ko kagisicho; Inyee ne ki imoong'wa eng' moetap iyoonyu ne kisicho. Neng'ung' kalasunennyu kotugul.

TIENWOGIKAL 78:35

Ki ibwaat icheek kole Kamuktaindet ko rwandennywa, ak kole katyagindennywa Kamuktaindet Ne Toroor Miising'.

ISAIAH 40:22

Ineendet ko ne tebee ole pooch yiemutyetap ng'wony, ak uu che menyei olooto, talamik; ne iitoi kipsengwet ko uu angeet, ak koiito kipsengwetisyechooto ko uu emait ne ki menyei:

ISAIAH 41:14

Meiywei, inyee Jakobo, ne ii kutyet, ak okweek piigap Israel; atoretiin, mwaei Kamuktaindet ne Toroor, ak katyagindeng'ung' ko Ineendet ne Tiliil ne po Israel.

ISAIAH 42:5

Mwaei ko uu nooto Kamuktaindet, Kamuktaindet ne Toroor, ne ki toi koyai kipsengwet ak koiito; ineendet ne kiito ng'wonyuni, ak che mang'une olooto; ineendet ne igoochin kabuuset piik che menyei ng'wony, ak kogoochi `kabuuset icheek che pendote.

ISAIAH 43:1

Ago mwaei anyun Kamuktaindet ne Toroor ne kiyain kole ee Jakobo, ak ineendet ne kimimiin, ee Israel: kole, meiywei, amu ki atyachin; ki aguurin eng' kaineng'ung', ii nenyu.

ISAIAH 43:14

Mwaei Kamuktaindet ne Toroor, katyagindeng'wong', Ineendet ne Tiliil ne po Israel, ko uu ni, kole: Ki ayookte ng'olyoot kwo Babilon agobo okweek, ak achooru icheek tugul ko uu che mweoti, chooto po Kaldeik, eng' melisyek che poiboitune.

ISAIAH 43:7

age tugul ne kimwaitoe kainennyu, ineendet ne ki atau ayai agobo toroornatennyu; ki amimii; ee, ki ayai.

ISAIAH 44:2

Mwaei Kamuktaindet ne Toroor ne kiyain, ne kimimiin eng' moet, ne toretin, kole, meiywei, ee otwogindennyu Jakobo; ak inyee Jesurun, ne ki alewen.

ISAIAH 44:6

Mwaei Kamuktaindet ne Toroor, Laitoryatap Israel, ak ko katyagindennyi Kamuktaindet ne Toroor ne po lugoosyek, kole, aa ne po tai ak ne po let; ama mi Kamuktaindet age kobatena.

ISAIAH 45:12

Ki ayae ng'wony, ak ki atau ayai chiito kotebee olooto: anee, ee, eunekyuk, che kiito kipsengwet, ak ki ang'at lugosyekwak tugul.

ISAIAH 45:18

Amu mwaei Kamuktaindet ne Toroor ne ki toi koyai kipsengwet kole, Ineendet ko Kamuktaindet ne kimimii ng'wony ak koyai; ki igimit, ki ma yai koek puch, ki yai si kobiit kemeny: aa Kamuktaindet ne Toroor; ama mi age.

ISAIAH 45:7

Ayae lapkeiyet, ak ayae mesundeito; ayae kaalyeet, ak ayae yaityet; aa Kamuktaindet ne Toroor, ne yaei tuguuchuuto tugul.

ISAIAH 45:8

Osau, okweek kipsengwet, ak ingorong' poolik imanda: ingoyaatak emet, si kobiit koip poolik yetunet, ak ingogoochi imanda kobiityo tugul; anee Kamuktaindet ne Toroor ne ki ayae nooto.

ISAIAH 48:13

Ee, kilum eunnyu lumeiywotap ng'wony, ak kiito eunnyu ne po tai kipsengwet: ye aguur icheek, kotononso kibagenge.

ISAIAH 48:17

Mwaei ko uu ni Kamuktaindet ne Toroor, katyagindeng'ung', Ineendet ne Tiliil ne po Israel: Aa Kamuktaindet ne Toroor Kamuktaindeng'ung', ne ineetin iboor, ne indoun eng' ooreet ne kanyool ibun.

ISAIAH 49:1

Ogasa, ee ngeguusyek; ak oep iit, okweek pororyosyek che omi ole loo; kiguura Kamuktaindet ne Toroor kobooch ami moo; ki mwa kainennyu kobooch ami moetap kamennyu:

ISAIAH 49:26

Ak abae icheek che usin poorwekwak; ak kobogityo eng' korotiikwak, ko uu ye pogiti chii eng' divaik che leelachen: si konai piik tugul kole, aa Kamuktaindet ne Toroor yetindeng'ung', ak ko katyagindeng'ung', Ineendet Ne po Kamuktaet ne po Jakobo.

ISAIAH 49:7

Mwaei ko uu ni Kamuktaindet ne Toroor, katyagindetap Israel, ak ko Nenyi ne Tiliil, ineendet ne sasei piik, ineendet ne wechei pororyet, ne otwogindetap pounik: Tuun keerei laitorinik ak kong'eetyo; ak kogutung'so pounik; amu Kamuktaindet ne Toroor ne kiyani, Ineendet ne Tiliil ne po Israel, ne ki lewenin.

ISAIAH 51:13

ak ki iutye Kamuktaindet ne Toroor Yaindeng'ung', ne kiito kipsengwet, ak kolumda lumeiywegap ng'wony; ak iyweisyei kotugul, peetuut komugul, amu koroomnatetap usiindet ye chobegei si kong'emis? Mi ano koroomnatetap usiindet?

ISAIAH 54:5

Amu Yaindeng'ung' ko manong'otyondeng'ung'; Kamuktaindet ne Toroor ne po lugoosyek kainennyi ak Ineendet ne Tiliil ne po Israel ko katyagindeng'ung'. Kiguure ineendet Kamuktaindetap ng'wony komugul.

ISAIAH 54:8

Ki aung'enen togeennyu ne matya eng' nereegek che ing'irtogei; ago ariirenen eng' talasyet ne po koigeny, mwaei Kamuktaindet ne Toroor katyagindeng'ung'.

ISAIAH 59:20

Ak konyo katyagindet Zion, ak konyonji icheek che po Jakobo che metoi pistoet, mwaei Kamuktaindet ne Toroor.

ISAIAH 60:16

Ichuchuni kogeny cheegap pororyosyek, ak irerye kinaigap laitorinik: si kobiit inai ile anee Kamuktaindet ne Toroor, ko aa yetindeng'ung', ak ko katyagindeng'ung', Ineendet Ne po Kamuktaet ne po Jakobo.

ISAIAH 63:16

Amu ii kwandanyo, agot ngo ma ingenech Abraham, ama naech Israel; ee, Kamuktaindet ne Toroor, inyee ko ii kwandanyo; kaineng'ung' ko katyagindennyo kobooch keny.

JEREMIA 10:12

Ki yai ng'wony eng' kamuktaennyi, ki igimit ng'wonyuni eng' utotyennyi, ak kiito kipsengwet eng' naennyi.

JEREMIA 50:34

Kiim katyagindennywa; kainennyi ko Kamuktaindet ne Toroor ne po lugoosyek: ng'alaaldochin ineendet icheek komyee, si kobiit kogoochi kamuung'et ng'wony, ak koim piik che menyei Babilon.

JEREMIA 51:15

Ki yai ng'wony eng' kamuktaennyi, ki igimit ng'wonyuni eng' utotyennyi, ak kiito kipsengwet eng' naennyi:

SEKARIA 12:1

Nyigiisindap ng'olyootap Kamuktaindet ne Toroor agobo Israel.

JOHANA 1:3

Ki kiyai tuguuk tugul eng' ineendet; ak ma mi kiy agot agenge ne ki piit ama eng' ineendet. Kiy ne ki yaak

GALATYEK 1:15

Ago ye kingo cham Kamuktaindet, ne kiitabaana, kobooch moetap kamennyu, ak koguura eng' myeeindonyi,

EPESOEK 3:9

ak kiguiyechi piik tugul kiit ne uu tononjinetap ung'ootyet ne kiga kiuny kobooch kenyiisyek che ki kosiirto, eng' Kamuktaindet, ne ki toi koyai tuguuk tugul;

HEBRANIK 1:2

ko ne kagong'alaalwech eng' peetuusyechu po let eng' Weeriinnyi, ne kigonde koek ne namei tuguuk tugul, ak ki yai ineendet ng'wony agine eng' ineendet;

NG'ANG'UTYET 5:9

Ak kotyeni tyendo ne leel, koleen: “Nyoljinin inam bukuit, ak iyat ng'ooksosyekyik, amu ki kibarin, ak eng' korotiguk ko ki ialji Kamuktaindet piik kobun pororyet age tugul, kutit age tugul, piik alak tugul ak emet age tugul.