ISAIAH 44:22 - BUKUIT NE TILIIL Sireet ne Dutero Kanon

²² Ki aiste pistaosyeguk, ko uu pooldet ne oo, ak ki aiste tengekwogiguk, ko uu pooldet: weekyage; amu ki atyachin.

Bukuit Ne Tilil

²² Ki aiste pistaosyeguk, ko uu pooldet ne oo, ak ki aiste tengekwogiguk, ko uu pooldet: weekyage; amu ki atyachin.

BUKUIT NE TILIL

²² Kiaiste bistaosieguk, ko u boldet ne o, ak kiaiste tengekwogiguk, ko u boldet: weekyage; amu kiatiachin.

ISAIAH 44:22 ပူးပေါင်းရင်းမြစ်များ

2 SAMUEL 12:13

Koleenji `Daudi Nathan, “Koayachi Kamuktaindet ne Toroor tengekto.” Kowolji `Nathan Daudi koleenji, “Kagoisto Kamuktaindet ne Toroor agine tengektong'ung'; memee.

2 ATEPTAP PEETUUSYEK 6:21

Ak igas soomutigap otwogindeng'ung' ak piiguk Israel, ye saaei kotokyingei yuto. Ee kas anyun eng' ole imenye eng' kipsengwet; ak ye igas, inyochi kaat.

NEEMIA 4:5

Amat ketuch tengektonywa, amat kibukto ng'oogistonywa eng' taing'ung' amu ki kotachin eng' taitap teegik.

Kitabuutap JOB 37:11

Igoochin ineendet pooldet ne nyigiis peek; Iitoi poldetap kalyelennyi.

TIENWOGIKAL 103:12

Ko uu ye loochin kong'asiis ak cherongo, ko uu nooto kigoistoenech chalwogikyok kolooegitu.

TIENWOGIKAL 109:14

Ingobwaatak tengektap kwanisyekyik eng' Kamuktaindet ne Toroor; amat kibukto tengektap kamet.

TIENWOGIKAL 130:8

Ak kityaachi ineendet Israel eng' tengekwogikyik tugul.

TIENWOGIKAL 51:1

Rirenage, ee Kamuktaindet, ko uu chamyeng'ung' ne tala; tindiny pistoennyu ko uu chaang'indap rireenosyeguk.

TIENWOGIKAL 51:9

Ung'e togeng'ung' ng'oogiswekyuk, ak itindiny tengekwogikyuk tugul.

KOMONG'U 18:9

Ki paibait Jethro amu myeeindo tugul ne kiga koyachi `Kamuktaindet ne Toroor Israel kosar icheek komang'une eunegap Misiriik.

ISAIAH 1:18

“Obwa anyun, keng'alaal,” mwaei Kamuktaindet ne Toroor. “Agot ngo piriireen tengekwogikwok, koleelagitu ko uu pooldet ne leel; agot ngo piriireen miising', koigeitu koroorigap keechiirek.

ISAIAH 1:27

Tuun kityaachi Zion eng' kirwooget, ak kityaache eng' imanda piikyik che sigu.

ISAIAH 31:6

Oweekyigei ineendet ne ki ongelelji miising', ee lagogap Israel.

ISAIAH 33:24

Ak ma tuun mwaei ne meng'iisyei kole, “Amyani”; kinyochin kaat tengekwogigap piik che menyei olooto.

ISAIAH 41:14

Meiywei, inyee Jakobo, ne ii kutyet, ak okweek piigap Israel; atoretiin, mwaei Kamuktaindet ne Toroor, ak katyagindeng'ung' ko Ineendet ne Tiliil ne po Israel.

ISAIAH 43:1

Ago mwaei anyun Kamuktaindet ne Toroor ne kiyain kole ee Jakobo, ak ineendet ne kimimiin, ee Israel: kole, meiywei, amu ki atyachin; ki aguurin eng' kaineng'ung', ii nenyu.

ISAIAH 43:25

Anee, ee aneendet ne aistoi pistaosyeguk, amu kainennyu; amabwaati tengekwogiguk.

ISAIAH 48:20

Omande eng' Babilon, omwei eng' Kaldea; obarte eng' cheetap tyendo, omwaite niito, omwa kogasak agoi ole pooch ng'wony: omwa ole, Kigotyach Kamuktaindet ne Toroor Jakobo otwogindennyi.

ISAIAH 51:11

Ak koweegegei che po Kamuktaindet ne Toroor che ki kityaach, ak kobwa Zion kotyenonu; ak tebee metowekwak poiboiyetap koigeny: nyooru kaagaasetapkei ak poiboiyet, ak komwei arageneet ak tigenet.

ISAIAH 52:9

Oboiboitu, otyense tugul, okweek komoswek che kigemeto che po Jerusalem; amu kigogaigai `Kamuktaindet ne Toroor piikyik, ki kotyach Jerusalem.

ISAIAH 55:7

ingometo kiptengekyot ooreennyi, ak ingometo ineendet ne ma po iman, kabwaatutikyik: ak ingoweekyigei Kamuktaindet ne Toroor, si koriiree; ak ingoweekyigei Kamuktaindennyo, amu nyochin kaat iman.

JEREMIA 18:23

Ago, ingen inyee Kamuktaindet ne Toroor, kirwoogennywa ne irwoochi kole kobara; menyochi kaat tengektonywa, amebukte chalwoktanywa eng' taing'ung': ago ingeriich eng' taing'ung'; yachi ko uu nooto eng' peetuutap nereegeguk.

JEREMIA 3:1

Mwaei icheek kole, Ngot koon chii osotyonnyi, ak kobagaakta ineendet ak koek osotyotap chiito age, ko tos ta koweekyigei chiichooto kwonyooto kogeny? Tos ma imurwoni emet miising'? Ago ki iyai kugoinatet kobooto chamanik che chaang', ago tos oweekyage kogeny? Mwaei Kamuktaindet ne Toroor.

JEREMIA 33:8

Ak aun icheek eng' tengektonywa tugul, che ki koyaiywo; ak anyochi kaat amu tengekwogikwak tugul, che ki koyaiywo, ak che ki kongeleljinena.

JEREMIA 50:20

Ki cheeng'ei tengektap Israel eng' peetuusyechooto ak eng' kenyisyechooto, mwaei Kamuktaindet ne Toroor, ama kinyooru; ak ki cheeng'ei tengekwogigap Judah, ama kinyooru: amu anyochini kaat icheek che abagaaktoi kong'et.

EZEKIEL 16:63

si kobiit ibwaat, ak itoptoben, ametwegu kogeny, amu kalilaneng'ung'; ye kanyoun kaat tuguuk tugul che ki iyai, mwaei Kiptaiyat Kamuktaindet ne Toroor.

MIKAH 7:18

Ng'oo Kamuktaindet ne uu inyee, ne nyochin kaat piik amu tengekto, ak kosiirtoe pistoetap piik che ki ng'et che po porotennyi? Mateptoi nereegekyik agoi, amu paibaitune rireenet.

SEKARIA 1:3

Mwachi anyun icheek ileenji, mwaei Kamuktaindet ne Toroor ne po lugoosyek kole: Oweekyagei, mwaei Kamuktaindet ne Toroor ne po lugoosyek, asi aweekyogei, mwaei Kamuktaindet ne Toroor ne po lugoosyek.

SEKARIA 3:4

Ak ki wol ineendet koleenji icheek che kitonone tainnyi, Oreegune ineendet ngoroikyik che murwonen. Ak ki mwachi ineendet koleenji, Keero, kaistoenen tengektong'ung', ak alaagun ngoroik che korooron.

1 KORINTOEK 6:20

amu ki kialenak kamanuutyet: otoroor Kamuktaindet anyun eng' poorwekwok.

NG'ATUTIK 32:43

“Oboiboitu okweek pororyosyek, kobooto piikyik: amu yaaktoi mugetuut che po korotiigap otwogikyik, yaakyin mugetuut puunikyik, Ak koyai kagaigaet agobo emennyi ak piikyik.”