ISAIAH 43:20 - BUKUIT NE TILIIL Sireet ne Dutero Kanon

²⁰ Konyita tyong'igap timiin, lelwek ak tyong'igap songolik: amu agoonu peek eng' surkwen, ak ainoosyek eng' surkwen, si anaga piikyuk, chechuuk che ki alewen:

Bukuit Ne Tilil

²⁰ Konyita tyong'igap timiin, lelwek ak tyong'igap songolik: amu agoonu peek eng' surkwen, ak ainoosyek eng' surkwen, si anaga piikyuk, chechuuk che ki alewen:

BUKUIT NE TILIL

²⁰ Konyita tiong’ikab timin, lelwek ak tiong’ikab songolik: amu agonu beek eng’ ong’atet, ak ainosiek eng’ surkwen, si anaga bikyuk, chechuk che kialewen:

ISAIAH 43:20 ပူးပေါင်းရင်းမြစ်များ

1 ATEPTAP PEETUUSYEK 16:13

ee okweek kesweegap Israel kiboityondennyi, okweek lagogap Jakobo, chechiik che kigelewen.

TIENWOGIKAL 104:21

Pooriseni neranigap ng'etuunyik ye mi logeennywa, ak cheeng'ei amitwogikwak eng' Kamuktaindet.

TIENWOGIKAL 148:10

Tyong'ik ak tuuga tugul; tuguuk che ichuutegei ng'wony ak toriitik che tirirendos!

TIENWOGIKAL 33:12

Iberuurot pororyet ne Kamuktaindennywa Kamuktaindet ne Toroor; piik che ki kolewen koek porotennyi!

ISAIAH 13:22

Ak koteiyo suik eng' irimoikwak, ak koteiyo lelwek eng' kooriikwak che korooron che po laitorinik. Kagoriik peetuunnyi, ama ketesei peetuusyekyik.

ISAIAH 30:25

Ak kobiitu ainoosyek ak kereruusyek che mi peek eng' tulweet age tugul ne oo ne kooi, ak eng' tulweet age tugul ne ming'in ak ko toroor, eng' peetuutap parisyet ne oo, ye ibutos teeksosyek che kooen.

ISAIAH 32:2

Egu chiito ole kiung'egei eng' usoonet, ak eng' usoonet ne oo; ko uu ainoosyegap peek eng' ole yaamaat, ko uu urwetap rwandet ne oo eng' emetap ng'etatet.

ISAIAH 33:21

Ago tuun tebyei Kamuktaindet ne Toroor kobootech eng' olooto eng' etunatennyi, ye mi ainoosyek che paroen ak kereruusyek, ole ma punei moingetap peek ne kekwerye eng' mugangok che kiwase peek, ama punei yooto meeliit ne karaaran.

ISAIAH 35:7

Ak koek `ng'aniek che ilyeldos tamboiyot ak koek `emet ne yaamaat kong'igap peek. Ak eng' ole ki menyei lelwek, ko egu `susweek saoset ak mutweek.

ISAIAH 41:17

Cheeng'ei peek piik che ponoon ak che ma tinyei kiy, ago ma mi, ak koyaamei ng'elyepta amu melelda; awoljini, anee Kamuktaindet ne Toroor, ma metoi anee Kamuktaindetap Israel.

ISAIAH 41:18

Ayaate ainoosyek eng' komoswek che torooreen ole churat, ak ayaat kondametusyegap peek eng' kwenutap atebwosyek: ayae surkwen koek tamboiyot, ak emet ne yaamaat kobiitune kong'igap peek.

ISAIAH 43:19

Ogeero, ayae kiit ne leel; piitu anyun nguno; tos monae? Ayae ooreet eng' surkwen, ak ainoosyek eng' surkwen.

ISAIAH 48:21

Ma am melelda icheek ye ki kimuti kobun ong'atosyek: ki igoochi peek korootune rwandet konaga icheek: ki pet rwandet kogeny, ak kitumgei peek.

ISAIAH 49:10

Ma kasei rubeet anan koam melelda; ama kobeelei icheek maat, anan kobir asiista: amu indochin icheek ineendet ne riiree, imuti kobun kong'igap peek.

ISAIAH 65:15

Ak omete kaineng'wong' koek chubisyet eng' chechuuk che ki alewen, ak kobarin Kiptaiyat Kamuktaindet ne Toroor; ak koguur otwogikyik eng' kainet age:

JEREMIA 31:9

Pwoonei koriiryonu, ak amutune saautik: agoochini kobendat eng' ole neegit ainoosyek, eng' ooreet ne litit eng' ole ma kinachi: amu aa kwanda eng' Israel, ak taaitanyu Ephraim.

JOEL 3:18

Ak saune peetuunooto divaik che anyiny tuloonook, ak rootune cheego tuloonook che mengeechen, ak koroot peek che chaang' eng' kereruusyek tugul che po Judah; ak komong' kondametutap peek eng' kootap Kamuktaindet ne Toroor, ak koobis atebweetap Shitim.

MARIKO 13:20

Ak nda ki ma til Kiptaiyat peetuusyek konwagitu, ta ma kisaru chii: ago kitil peetuusyek amu che lewenotin che ki lewen.

JOHANA 4:10

Kowolji Jeso koleenji, “Nda kengen konunetap Kamuktaindet, ak ineendet ne kalenjin, ‘Inaga peek aee,’ ta kaisoom ineendet, ak ta kagogoonin peegap saboon.”

JOHANA 4:14

ago age tugul ne eei peek che agoochini koma koamei melel agoi; ago egu peek che agoochini kondap peek eng' ineendet, che kuutu agoi saboondap koigeny.”

1 PETERO 2:9

Ago okweek ko oo pororyet ne kigelewen, oo che poisyei eng' tiseinateet ne po kaplaitoryat, pororyet ne tiliil, piik che punjin Kamuktaindet, si kobiit obarte telunatosyek che po ineendet ne kiguurok omang'une mesundeito omong'ji lapkeiyennyi ne kikweng'e.

NG'ANG'UTYET 17:14

Paregei chuuto ak Aarwet ak koterteer Aarwet icheek, amu ineendet ko Kiptaiyatap kiptainik, ak ko Laitoryatap laitorinik; ak icheeget che mi kobooto ineendet, che ki kiguur ak che ki kilewen ak che kiyani.”

NG'ANG'UTYET 21:6

Ak koleenjo, “Kagosulda! Aa Alpha ak ko aa Omega, taunet ak kagesunet. Agoochini puch ineendet ne amei melelda che po kondametutap peegap saboondo.

NG'ANG'UTYET 22:17

Mwaei Kabuuset ne Tiliil ak murereet kole, “Nyoo!” Ak ineendet ne kasei, komwa kole, “Nyoo!” Ak ineendet ne amei melelda, konyo; ak ineendet ne machei, koip peegap saboon puch.