ISAIAH 41:25 - BUKUIT NE TILIIL Sireet ne Dutero Kanon

²⁵ Koang'eet age ne punu murot kaataam, ak kagoit; punu ineendet ne kuure kainennyu ole chorunei asiista: ak nyoonjin pounik ko uu ye nyoonjin meneet, ak ko uu cheptereniot ne tyechei meneet.

Bukuit Ne Tilil

²⁵ Koang'eet age ne punu murot kaataam, ak kagoit; punu ineendet ne kuure kainennyu ole chorunei asiista: ak nyoonjin pounik ko uu ye nyoonjin meneet, ak ko uu cheptereniot ne tyechei meneet.

BUKUIT NE TILIL

²⁵ Koang’eet age ne bunu murot ne bo katam, ak kagoit; bunu inendet ne kuure kainennyu ole chorunei asista: ak nyonjin bounik ko u ye nyonjin menet, ak ko u cheptereniot ne tiechei menet.

ISAIAH 41:25 ပူးပေါင်းရင်းမြစ်များ

2 SAMUEL 22:43

Ki atonaton anyun icheek komengegitu koigei temburyegap ng'wony, ki atyech ko uu ng'atateek che mi ortinwek ak aiyeste.

ISAIAH 10:6

Ayooktoi kobargei ak pororyet ne ya, ak agoochini kobargei ak piik che anereekyini, si koluul ak koip parunenik, ak ketyech icheek ko uu ye kityechi ng'atateek eng' ooreet.

ISAIAH 21:2

Kagiboorwo ng'ang'utyet ne ng'waan; iberberisyei kaberberindet, ak kong'emisyei ng'emindet. Togoste, ee Elam, yiemisye ee Media! Kaawong'u tigenoikyik tugul.

ISAIAH 41:2

Ng'oo ne ki ing'eet ineendet ne punu kong'asiis, ne kuurei eng' imanda konyo keelyekyik? Igoitoi pororyosyek eng' tainnyi, ak kogoochi ineendet koboi laitorinik; igoochin icheek koigei temburyek eng' rotwennyi po chok, ko uu meteteek che arureni, eng' taitap kwangennyi.

ISAIAH 44:28

ne mwaei agobo Cyrus kole, ineendet ko mestowondennyu, ak koyaei ineendet tuguuk tugul che achame: mwaei kogeny agobo Jerusalem kole, tuun kiteechei, ak komwachin Hekaluut koleenjin, Tuun kilumei lumeiyweguk.

ISAIAH 45:1

Mwachin `Kamuktaindet ne Toroor Cyrus, nenyi ne iilaat, ne aname eunnyi ne po tai, koterteer pororyosyek eng' tainnyi, ak atyach suenutigap laitorinik; si ayaat kurgotik eng' tainnyi, ama kigerei ormariichok, komwaei kole;

ISAIAH 45:13

Ki ang'eet ineendet eng' imanda, ak alititi ortinwekyik tugul: ineendet ne teechei nganasennyu, ak kotyach piikyuk che ki kimut, ma eng' alet anan melekto, mwaei Kamuktaindet ne Toroor ne po lugoosyek.

JEREMIA 1:14

Yeityo koleenjo Kamuktaindet ne Toroor, “Mang'une yaityet murot kaataam, konyonjin piik tugul che po emet.”

JEREMIA 50:3

Amu nyoonei pororyet eng' murot kaataam kobookyin, ne yaei emennyi koek karaatya, ama menyei chii olooto: kagomwei, kagoba tugul, chii ak tyony.

MIKAH 7:10

Yeityo kogeer anyun punyondennyu, ak kotuch `teweernateet ineendet ne ki leenjo, “Mi ano Kamuktaindet ne Toroor Kamuktaindeng'ung'?” Abaoryani eng' konyekyuk agobo kabutennyi; ak ketyekyin ng'wony ko uu ng'atateek che mi ortinwek.

SEKARIA 10:5

Ak koigei piik che nyigoonen, che tyechei puunikwak eng' ng'atateegap ortinwek eng' pooryeet; ak kobargei, amu mi Kamuktaindet ne Toroor kobooto icheek: ak kotoptobenso piik che ketei paraisisyek.

NG'ANG'UTYET 16:12

Ak kiroong'ji malaikaiyat ne po lo taabeennyi aineet ne oo, nooto ko Yufrets; ak ki teenyo peekyik, si kobiit kochobok ooreetap laitorinik che punu kong'asiis.