ISAIAH 41:11 - BUKUIT NE TILIIL Sireet ne Dutero Kanon

¹¹ Keero, ililandos tugul che nereekyinin ak kotoptobenso: egu puch ak kobetyo.

Bukuit Ne Tilil

¹¹ Keero, ililandos tugul che nereekyinin ak kotoptobenso: egu puch ak kobetyo.

BUKUIT NE TILIL

¹¹ Keero, ililandos tugul che nerekyinin ak kotoptobenso: egu buch ak kobetyo.

ISAIAH 41:11 ပူးပေါင်းရင်းမြစ်များ

KOMONG'U 11:8

Yeityo kochoorgei anyun otwogichuguk kobwa ole ami ak kong'uruukso eng' tainnyu eng' konyit ne oo, koleen, ‘Mande inyee ak piik tugul che isubin.’ Ye ibata nooto, awe amande anyun.” Kingo pata kwo Musa eng' ole mi Pharaoh eng' nereegek che laldos.

KOMONG'U 12:29

Kingo it kemoi kween, kobar Kamuktaindet ne Toroor kiboretook tugul eng' emetap Misiri kobooch taita ne po Pharaoh agoi taita ne po luulenet ne ki rataat eng' korgoreet ak tugul che kitwatei tyong'ik.

KOMONG'U 23:22

Ago ngigas iit ng'aleekyik, ak iyai tugul che amwaun, aegu anyun puunyootap puuniguk, ak aegu usiindetap che usin.

ISAIAH 17:13

Ruaei pororyosyek ko uu rwaetap peek che chaang', ago kerei kong' ineendet icheek, ak komwei kolooegitu. Ak keon ko uu meteteek che ibei usoonet eng' tuloonook, ak ko uu ye arureni temburyek eng' kipchurchuryet.

ISAIAH 29:5

Ago kergeitu chaang'indap puuniguk ak ng'ung'unyek che pusbus, ak kogergeit chaang'indap che imuisei ak meteteek che arureni. Piitu, ee eng' cheiset,

ISAIAH 29:7

Ak kogergeit chaang'indap pororyosyek tugul che paregei ak Jerusalem, icheek tugul che paregei ak ineendet ak irimennyi, ak che inyalili ineendet, ak karwotitoet, ne ng'ang'utyet ne po kemoi.

ISAIAH 29:8

Kergergeitu ak ye irwotitoi chiito ne amei rubeet, koleen amisyei; ago ye kosu, komi puch saboondanyi, anan korgergeit ak ye irwotitoi chiito ne amei melel, koleen eeisei; ago ye kosu, ko tanui, ak machei saboondanyi koee, uu nooto anyun chaang'indap pororyosyek tugul che paregei ak tulweetap Zion.

ISAIAH 34:12

Kuurei icheek piik che taagunotiin kobwa laitornatet, ago ma piitu chii eng' olooto; egu puch pounikyik tugul.

ISAIAH 40:17

Uu puch pororyosyek tugul eng' tainnyi; kiiti icheek keele uu puch eng' ineendet, ak tangoita.

ISAIAH 40:2

Ong'alaalji Jerusalem eng' kagaigaet, ak omwachi eng' kutit ne oo oleenji, kagogeskei poryennyi, kagenyochi kaat tengektanyi. Kagotaach eng' eutap Kamuktaindet ne Toroor pireet konyil aeng' agobo tengekwogikyik tugul.

ISAIAH 41:24

Ogeero, oo po puch, ak poisyeng'wong' ko po puch: kiwechei ineendet ne lewenok.

ISAIAH 41:29

Ogeer tugul o, tangoita poisyonikwak ak ko puch: usoonet ak toiyet kanamonikwak che kitanyi.

ISAIAH 45:24

Leenjino age, Mi eng' Kamuktaindet ne Toroor ineegei imanda ak kimnateet: pwaanjin `piik ineendet ak kolilaandos icheek tugul che ki nereekyi ineendet.

ISAIAH 49:25

Ago mwaei Kamuktaindet ne Toroor kole, kirebe che kiimeen luulenikwak, ak kityaachi tugul che ki kiluulei, che po che imuisei: amu kibortosi ak ineendet ne poryenen, ak asaru lagoguk.

ISAIAH 49:26

Ak abae icheek che usin poorwekwak; ak kobogityo eng' korotiikwak, ko uu ye pogiti chii eng' divaik che leelachen: si konai piik tugul kole, aa Kamuktaindet ne Toroor yetindeng'ung', ak ko katyagindeng'ung', Ineendet Ne po Kamuktaet ne po Jakobo.

ISAIAH 54:15

Keero, ngot kong'eet chii pooryeet, koma punwa: ibuti age tugul ne ing'eetyinin pooryeet.

ISAIAH 54:17

Ma kiberuuri karnet age tugul ne kiyaei si kogirinden; ak igikyini ng'elyepta age tugul ne kirindoin eng' kirwooget. Niito poroteetap otwogigap Kamuktaindet ne Toroor, ak imandanywa ne punwa, mwaei Kamuktaindet ne Toroor.

JEREMIA 12:17

Ago ngot koma cham kogas, atutu pororyonooto. Atutu anyun ak ang'em,” mwaei Kamuktaindet ne Toroor.

JEREMIA 2:3

Ki itabanat Israel agobo Kamuktaindet ne Toroor, tongoanigap ruratennyi. Tugul che amei ineendet kiityin ng'oogisto, nyoonjin yaityet icheek,” mwaei Kamuktaindet ne Toroor.

SEKARIA 12:3

Ak ayae Jerusalem eng' peetuunooto koek koita ne nyigiis ne iimi piik tugul; nyooru perutik che chaang' icheek che kanabi koyato: ak koyumjigei ineendet pororyosyek tugul che po ng'wony.

POISYONIGAP CHE KIYOKTOI 16:39

Ki pwa anyun kogaigai icheek. Kingo kagomut icheek kobwa saang' kosoom kole koba eng' nganaseet.

NG'ANG'UTYET 3:9

Agoochini che po sinagogitap Setani, icheeget che mwaei kole ki Yahudik, ago ma icheek, kenu, keero, agoochini icheek kobwa kogutuny eng' keelyeguk, ak konai kole ki achamin.