ISAIAH 37:20 - BUKUIT NE TILIIL Sireet ne Dutero Kanon

²⁰ Ara anyun, ee Kamuktaindet ne Toroor, Kamuktaindennyo, sarwech eng' eunnyi, si konai laitornatosyek tugul che po ng'wony kole ii Kamuktaindet ne Toroor, inyee inyegei.

Bukuit Ne Tilil

²⁰ Ara anyun, ee Kamuktaindet ne Toroor, Kamuktaindennyo, sarwech eng' eunnyi, si konai laitornatosyek tugul che po ng'wony kole ii Kamuktaindet ne Toroor, inyee inyegei.

BUKUIT NE TILIL

²⁰ Ara anyun, ee Jehovah Kamuktaindennyo, soruech eng’ eunnyi, si konai bounatosiek tugul che bo ng’ony kole i Jehovah, inye inyege.

ISAIAH 37:20 ပူးပေါင်းရင်းမြစ်များ

1 LAITORINIK 8:43

igas eng' kipsengwet oldang'ung' ole imenye, ak iyai ko uu tuguuk tugul che kaguurchin chiichooto po pororyosyek; si kobiit konai kaineng'ung' piik tugul che po ng'wony, koiywein, ko uu ye iywein piiguk Israel, ak si kobiit konai kole kooi ki ateech kemwaitoe kaineng'ung'.

1 LAITORINIK 8:59

Ak ingoriikyi ng'aleechuchuk Kamuktaindet ne Toroor, Kamuktaindennyo, peet ak kemoi, chu kasoome eng' taitap Kamuktaindet ne Toroor, si kobiit koyachi otwogindennyi kiit ne machei, ak kiit ne machei piikyik Israel, ko uu ye machei eng' peetuut age tugul,

1 LAITORINIK 8:60

si kobiit konai piik tugul che po ng'wony kole, Kamuktaindet ne Toroor ko Kamuktaindet; ma mi age.

TIENWOGIKAL 46:10

“Osisye ak onai ole aa Kamuktaindet! Kitoroora eng' kwenutap pororyosyek, kitoroora eng' ng'wony.”

TIENWOGIKAL 59:13

Iwong'u icheek eng' nereegek, iwong'u anyun, kot koma komi! Si konai piik kole pounisyei Kamuktaindet eng' Jakobo, agoi ole poochin ng'wony.

ISAIAH 25:9

Ak tuun kimwaei eng' peetuunooto keele, “Ogeero, niito ko Kamuktaindennyo; ki kigen ineendet, ak sarwech ineendet. Niito ko Kamuktaindet ne Toroor; ki kigen ineendet, kigasigei ak keboiboitu eng' yetunennyi.”

ISAIAH 33:22

Amu Kamuktaindet ne Toroor ko kirwoogindennyo, ne koonech ng'atuutik, Kamuktaindet ne Toroor ko laitoryandennyo; ineendet ne sarwech.

ISAIAH 35:4

Oleenji icheek che aragendos, “Ogimegitu, amoiyweisye! Keero nyoonei anyun Kamuktaindeng'wong' ak yaaktaetap mugetuut, kobooto kageeretap Kamuktaindet; nyoonei kosarwok.”

ISAIAH 37:16

Ee Kamuktaindet ne Toroor ne po lugoosyek, Kamuktaindetap Israel, ne tebee kerubisyek, ii Kamuktaindet, inyee inyegei, ne po laitornatosyek tugul che po ng'wony; ki iyai kipsengwet ak ng'wony.

ISAIAH 42:8

Aa Kamuktaindet ne Toroor, kainennyu nooto; amagoochini toroornatennyu chiito age, amagoochini kanamonik che kiwaei, kalasunennyu.

ISAIAH 45:5

Aa Kamuktaindet ne Toroor, ama mi age; ma mi Kamuktaindet age kobatena: agermenin, nganda tomo inaa:

EZEKIEL 36:23

Ak atabaan kainennyu ne oo ne ki kimurwon eng' kwenunnywa; si konai pororyosyek kole aa Kamuktaindet ne Toroor, mwaei Kiptaiyat Kamuktaindet ne Toroor, ye aegu ne kitabaanat eng' okweek eng' tainnywa.

EZEKIEL 39:21

Ak ande toroornatennyu kwenutap pororyosyek ak kogeer pororyosyek tugul kirwoogennyu ne kaayai, ak eunnyu ne ki agonoor icheek.

JOEL 2:17

Ingoriiryo tisiik, kiboitinigap Kamuktaindet ne Toroor, eng' kwenutap keterut ak kaptisisyet, ak ingomwa kole, ee Kamuktaindet ne Toroor, riiree piiguk, amegoochi poroteng'ung' kechot, kot koboi pororyosyek icheek: amu nee anyun si komwa pororyosyek kole, mi ano Kamuktaindennywa?

MALAKI 1:11

Amu oo kainennyu eng' pororyosyek kobooch ole charunee asiis agoi ole roroktoe; ak kigoitoi eng' komosta age tugul nyamdutik che kibeelei agobo kainennyu, kobooto kagoochinet ne tiliil: amu oo kainennyu eng' pororyosyek, mwaei Kamuktaindet ne Toroor ne po lugoosyek.