ISAIAH 36:18 - BUKUIT NE TILIIL Sireet ne Dutero Kanon

¹⁸ Oriipkei si ma igaigaak Hezekiah, koleenjok, Sarwech Kamuktaindet ne Toroor. Tos kigosar age eng' kamuktaigap pororyosyek, emennyi eng' eutap laitoryatap Assyria?

Bukuit Ne Tilil

¹⁸ Oriipkei si ma igaigaak Hezekiah, koleenjok, Sarwech Kamuktaindet ne Toroor. Tos kigosar age eng' kamuktaigap pororyosyek, emennyi eng' eutap laitoryatap Assyria?

BUKUIT NE TILIL

¹⁸ Oripge si maigaigaak Hesekia, kolenjok, Soruech Jehovah. Tos kigosor age eng’ cheptalelisiekab bororiosiek, emennyi eng’ eutab laitoriatab Asuria?

ISAIAH 36:18 ပူးပေါင်းရင်းမြစ်များ

TIENWOGIKAL 12:4

Che ki le, “Kiterteeri eng' ng'elyebwekyok; ki tinyei kutusweek, ng'oo ne poiywech?”

ISAIAH 10:11

tos mayachini Jerusalem ak kanamonikyik ko uu ye ki ayachi Samaria ak kanamonikyik?”

ISAIAH 10:7

Ago ma ibwaati ko uu nooto, ama mi muguleldanyi ko uu nooto; ago machei muguleldanyi kong'emis, ak kowong' pororyosyek che chaang'.

ISAIAH 36:10

Ak tos katogosu kebarge ak emoni ang'em, ama mi kobooto Kamuktaindet ne Toroor? Kimwaiwo Kamuktaindet ne Toroor, koleenjo, Togoste obargei ak emoni ak ing'em.

ISAIAH 36:15

Amocham kong'atak Hezekiah omang'u Kamuktaindet ne Toroor kole, sarwech iman Kamuktaindet ne Toroor; ma kigoochin nganasani eutap laitoryatap Assyria.

ISAIAH 36:17

agoi anyo amutak obe emet ne kergei ak neng'wong', emet ne mi peek ak divaik, emet ne mi amitwogik ak mbareenigap sabibuk.

ISAIAH 36:7

Ago ngot ileenjo, Kimang'u Kamuktaindet ne Toroor, Kamuktaindennyo: ko tos ma ineendet ne chechiik komoswek che torooreen ak kapkorosusyek che ki koisto Hezekiah, ak koleenji Judah ak Jerusalem, Osae eng' taitap kaptisisyoni?

ISAIAH 37:10

omwachini Hezekiah, laitoryatap Judah, oleenjini, Amengoberberin Kamuktaindeng'ung' ne imang'u, koleenjin, Ma kigoitoi Jerusalem kwo eutap laitoryatap Assyria.

ISAIAH 37:11

Keero, ki igas kiit ne ki yachi laitorinigap Assyria emotinwek tugul, eng' ng'emet ne king'em icheek kogees: kesaruun inyee?

ISAIAH 37:4

Abeere imuuchi kogas Kamuktaindet ne Toroor Kamuktaindeng'ung' ng'aleegap Rabsake, ne kagoyok laitoryatap Assyria kiptaiyandennyi, konyo kochot kamuktaindet ne sabei, ak koger kong' ng'aleek che kagas Kamuktaindet ne Toroor Kamuktaindeng'ung': ara anyun saa agobo piik che ng'etunotiin.

EZEKIEL 31:5

Kitororit anyun koindonyi kosiir keetiik tugul che po mbar; ak kitesagis mooriikyik, ak kogoeegitu mooriikyik amu peek che chaang', ye kingo ywaakta.