ISAIAH 36:16 - BUKUIT NE TILIIL Sireet ne Dutero Kanon

¹⁶ Amogas ng'aleegap Hezekiah: amu mwaei laitoryatap Assyria kole, Yai kaalyeet kobooto, ak omong'u obwanjo; ak ingoam chii age tugul eng' okweek sabibukyik, ak ingoam chii age tugul logoegap mogoonikyik, ak koee chii age tugul peegap keriingennyi:

Bukuit Ne Tilil

¹⁶ Amogas ng'aleegap Hezekiah: amu mwaei laitoryatap Assyria kole, Yai kaalyeet kobooto, ak omong'u obwanjo; ak ingoam chii age tugul eng' okweek sabibukyik, ak ingoam chii age tugul logoegap mogoonikyik, ak koee chii age tugul peegap keriingennyi:

BUKUIT NE TILIL

¹⁶ Amogas ng’alekab Hesekia: amu mwaei laitoriatab Asuria kole, Yai kalyet kobota, ak omong’u obwanja; ak ingoam chi age tugul eng’ okwek sabibukyik, ak ingoam chi age tugul logoekab mogoonikyik, ak koee chi age tugul beekab keringennyi:

ISAIAH 36:16 ပူးပေါင်းရင်းမြစ်များ

TAUNET 32:20

‘Keero, nyoonei eng' let otwogindeng'ung' Jakobo.’ ” Amu ki le, “Amuuchi agaigai eng' kagoochinet ne wendi eng' tainnyu, ye ibata amuuchi ageer togeennyi tamangap kocham kotaacha.”

TAUNET 33:11

Asaain ale, taach inyee che kagoonin che kagigetun; amu ki yaiywo Kamuktaindet ne myee, ak amu atinye che yamo.” Ak ki igaigai kot kocham kokweri.

2 SAMUEL 8:6

Ki inde anyun Daudi irimosyek Syria ne po Damasko. Ki ek piigap Syria otwogigap Daudi ak ki ip kagoochinoik. Ki igoochi `Kamuktaindet ne Toroor Daudi katerteeret eng' komosta age tugul ne ki wo.

1 LAITORINIK 4:20

Ki chaang' Judah ak Israel, ko uu ng'aniek che mi nyanjet eng' chaang'indo, ki amisyei icheek ak koeisei ak koboiboegei.

1 LAITORINIK 4:25

Ki meng'iis Judah ak Israel eng' chametapkei, ki tebee chii tugul kelutap keetinnyi ne po sabibuk, ak mogoywennyi, kobooch Dan agoi Beer-sheba, eng' peetuusyek tugul che po Solomon.

2 LAITORINIK 18:31

Amat ogas ng'aleegap Hezekiah. Kamwa ko uu ni laitoryatap Assyria, kole: Oyai kaalyeet kobooto ak omong'u obwa ole ami. Yeityo koam chii tugul che po sabibukyik ak che po mogoywennyi ak koe chii tugul che po peegap keriingennyi,

2 LAITORINIK 5:15

Ki week kwo ole mi chiitap Kamuktaindet, ineendet ak piikyik tugul che ki mi ak ineendet, ak ki nyo ak kotonon eng' tainnyi: ak kole, “Kaanai anyun nguno, ale ma mi Kamuktaindet eng' ng'wony tugul, kobatee eng' Israel. Ara asaain nguno anyun ale, taach konunet eng' otwogindeng'ung'.”

KALEWANAIK 27:18

Age tugul ne riibei mogoywet koamei logoekyik, ak kitoroori ineendet ne riibei kiptaiyandennyi.

KALEWANAIK 5:15

Ee peek che mi tereeng'ung', peek che rootei eng' keriingeng'ung',

ISAIAH 36:17

agoi anyo amutak obe emet ne kergei ak neng'wong', emet ne mi peek ak divaik, emet ne mi amitwogik ak mbareenigap sabibuk.

MIKAH 4:4

Ago tebee chii tugul kelutap keetinnyi ne po sabibuk ak mogoywennyi, ama mi chii ne imui icheek, amu kagomwa Kamuktaindet ne Toroor ne po lugoosyek ng'olyoondoniito.

SEKARIA 3:10

Mwaei Kamuktaindet ne Toroor ne po lugoosyek, kole tuun kuurei chii age tugul eng' okweek chiitap kokwennyi, eng' peetuunooto, konyo keel keetitap sabibuk, ak ne po mogoywet.

2 KORINTOEK 9:5

Ki abwaat anyun ale kanyool agaigai che kitupche, si kobiit kondoi kobwa olo omi, si kosip kochop tuguuk che po aiyebindong'wong' che ki kosip oaror, si kobiit kochobok tuguuchooto, koek tuguuk che po aiyebindo, ama po torchinet.

1 SAMUEL 11:3

Koleenji `poisyegap Jabes ineendet, “Koonech peetuusyek tisap si kiyookte piik koba kiwotosyek tugul che po Israel si ngot koma piit chii ne sarwech kemong'u kebwa olo imi.”

1 SAMUEL 25:27

Ingigoochi kagoochinoni kaipchin otwogindeng'ung' kiptaiyandennyu, ingigoochi murenik che isuboti kiptaiyandennyu.