ISAIAH 35:9 - BUKUIT NE TILIIL Sireet ne Dutero Kanon

⁹ Ma piitu ng'etundo eng' olooto, ama punei oranooto tyondo age tugul ne koroom, ma kinyoorchin olooto; ago punei olooto che ki kityaach.

Bukuit Ne Tilil

⁹ Ma piitu ng'etundo eng' olooto, ama punei oranooto tyondo age tugul ne koroom, ma kinyoorchin olooto; ago punei olooto che ki kityaach.

BUKUIT NE TILIL

⁹ Mabiitu ng’etundo eng’ oloto, ama bunei oranato tiondo age tugul ne korom, maginyorjin oloto; ago bunei oloto che kigitiach:

ISAIAH 35:9 ပူးပေါင်းရင်းမြစ်များ

TIENWOGIKAL 107:2

Ingomwa ko uu nooto che ki kotyach Kamuktaindet ne Toroor, che ki kotyach eng' eutap puunyoot,

KOMONG'U 15:13

Ki indochi inyee eng' rireeneng'ung' piik che ki ityaach komanda; ki indochi icheek eng' kimnateng'ung' koba oldang'ung' ne tiliil.

ISAIAH 1:27

Tuun kityaachi Zion eng' kirwooget, ak kityaache eng' imanda piikyik che sigu.

ISAIAH 30:21

Ak ye komaste obe eutap tai, anan ye komaste obe murot kaataam, ogas anyun ng'olyoot ne mi let eng' okweek, ne mwaei kole, “Ooreet ni, oba orani.”

ISAIAH 30:6

Maonateet agobo tyong'ik che po murot tai. Punei emetap nyalilda ak ng'wanindo, ole punu ng'etundo ne kotoy, ak ne kirgit, ereneet ak ereneet ne tirireni, ne uu maat, ibe mogornatosyekwak tigigoigap moegap sigirok, ak koibe konoraikwak ukwegap tambeesik, koipchin piik che ma nyoorunee kiy.

ISAIAH 43:19

Ogeero, ayae kiit ne leel; piitu anyun nguno; tos monae? Ayae ooreet eng' surkwen, ak ainoosyek eng' surkwen.

ISAIAH 5:29

Uu porisenennywa ne po ng'etundo, porisendos ko uu parnotigap ng'etuunyik; porisendos ak konam chooto kagonam, ak komut kochamegei, ama piitu chii ne saru.

ISAIAH 51:10

Tos ma inyee ne ki iteeny nyanjet, peegap rireet ne oo; ne ki iyai rireetap nyanjet koek ooreet ne landoe icheek che ki kityaach?

ISAIAH 62:10

Omande, omandae ormariichok; ochop ooreetap piik; ochop, ochop ooreet ne oo; oiste koik; onamji parak songolyet agobo piik.

ISAIAH 62:12

Ak koguure icheek, Piik che tiliileen, Che ki kotyach Kamuktaindet ne Toroor: ak keguurenen, Ne Ki kicheeng', Nganaseet ne ma kimeto.

ISAIAH 63:4

Amu kimi muguleldanyu peetuutap yaaktaetap mugetuut, ak kagoit kenyiitap chechuuk che kityaachi.

ISAIAH 65:25

Ageti suiyot ak aarwetap keechiir, ak koam ng'etundo susweek ko uu teta: ak koek ng'ung'unyek amitwogigap ereneet. Ma itoi kiy chii anan kong'emis eng' tulweennyu tugul ne tiliil, mwaei Kamuktaindet ne Toroor.

JEREMIA 30:10

Meiywei anyun, ee Jakobo otwogindennyu, mwaei Kamuktaindet ne Toroor; ametoptoben, ee Israel: amu asaruun eng' ole loo, kobooto iyoteng'ung', komong' eng' emet ne kiga kiluulji; ak koweek Jakobo, ak kosiis, ak komuuny, ama komi chii ne imui ineendet.

EZEKIEL 34:25

Ak kiyomiskei ak icheek eng' kayomiset ne po kaalyeet, ak ageesu tyong'ik che yaach eng' emet: ak komeny surkwen eng' chametapkei, ak koruiyo osnosyek.

EZEKIEL 34:27

Ak kooi logoek keetitap mbar, ak korur emet, ak kotebee chametapkei eng' emennywa; ak konai kole aa Kamuktaindet ne Toroor, ye tuun airii keetiigap choginnywa, ko kaasaru icheek komong' eng' eutap piik che ki yai icheek koek otwogikwak.

HOSEA 2:18

Eng' peetuunooto ayae arorutyet agobo icheek kobooto tyong'igap timiin ak toriitigap parak, ak tuguuk che ichuutegei ng'wony. Ak airii kwanget ak rotwetap chok, ak aiste lugeet eng' emet, ak agoochi koruiyo eng' chametapkei.

ATEPTAP LAWIK 26:6

Ak agoonu kaalyeet eng' emet ak oruiye, ama piitu ne imuok. Abeeti tyong'ik eng' emeng'wong', ama punei emeng'wong' rotwetap chok.

GALATYEK 3:13

Ki ityaachech Kristo eng' chubisyetap Ng'atuutyet ye ki ek ineendet chubeet agobo acheek: amu ki kisir keele, Chuboot chii age tugul ne kisonginini eng' keetit:

TITO 2:14

ne ki igoitogei agobo acheek, si kobiit kotyachech eng' tengekto tugul, ak kotiliiljigei piik koek chechiik, che lewenotin, che igiilegei eng' poisyonik che myach.

1 PETERO 1:18

ongen ole ki kityaachak omang'une atebeeng'wong' ne po puch ne ki onyooru eng' kwanisyekwok, ma eng' tuguuk che ng'emaksei, ko uu fedha anan thahabu;

NG'ANG'UTYET 5:9

Ak kotyeni tyendo ne leel, koleen: “Nyoljinin inam bukuit, ak iyat ng'ooksosyekyik, amu ki kibarin, ak eng' korotiguk ko ki ialji Kamuktaindet piik kobun pororyet age tugul, kutit age tugul, piik alak tugul ak emet age tugul.