ISAIAH 35:7 - BUKUIT NE TILIIL Sireet ne Dutero Kanon

⁷ Ak koek `ng'aniek che ilyeldos tamboiyot ak koek `emet ne yaamaat kong'igap peek. Ak eng' ole ki menyei lelwek, ko egu `susweek saoset ak mutweek.

Bukuit Ne Tilil

⁷ Ak koek `ng'aniek che ilyeldos tamboiyot ak koek `emet ne yaamaat kong'igap peek. Ak eng' ole ki menyei lelwek, ko egu `susweek saoset ak mutweek.

BUKUIT NE TILIL

⁷ Ak koek ng’aniek che ilyeldos tamboiyot ak koek emet ne yaamat kong’ikab beek: ak eng’ meng’otetab lelwek, ole kiruitos ichek, kobiitune yoto suswek ak saoset ak cherungusiek.

ISAIAH 35:7 ပူးပေါင်းရင်းမြစ်များ

TIENWOGIKAL 107:35

Walei surkwen koek tamboiyot, ak emet ne yaamaat koek kong'igap peek.

ISAIAH 13:22

Ak koteiyo suik eng' irimoikwak, ak koteiyo lelwek eng' kooriikwak che korooron che po laitorinik. Kagoriik peetuunnyi, ama ketesei peetuusyekyik.

ISAIAH 19:6

Ak kobulyo ainoosyek, ak koteenyo ainoosyegap Misiri ak koyaamyo. Ak koresyo saosanik ak mutweek.

ISAIAH 29:17

Tos ma mi poroindo kitigin, si kewal Lebanon koek mbareet ne rurei kot, ak kiit mbareet ne rurei koek timiin?

ISAIAH 30:25

Ak kobiitu ainoosyek ak kereruusyek che mi peek eng' tulweet age tugul ne oo ne kooi, ak eng' tulweet age tugul ne ming'in ak ko toroor, eng' peetuutap parisyet ne oo, ye ibutos teeksosyek che kooen.

ISAIAH 34:13

Ak kobitye katok kooriikyik che po laitorinik, ak kobitye siwek ak katook che rutei piich irimoikyik. Ak koek meng'ootetap lelwek, ak seremutap tyong'igap songolik.

ISAIAH 41:18

Ayaate ainoosyek eng' komoswek che torooreen ole churat, ak ayaat kondametusyegap peek eng' kwenutap atebwosyek: ayae surkwen koek tamboiyot, ak emet ne yaamaat kobiitune kong'igap peek.

ISAIAH 43:20

Konyita tyong'igap timiin, lelwek ak tyong'igap songolik: amu agoonu peek eng' surkwen, ak ainoosyek eng' surkwen, si anaga piikyuk, chechuuk che ki alewen:

ISAIAH 48:21

Ma am melelda icheek ye ki kimuti kobun ong'atosyek: ki igoochi peek korootune rwandet konaga icheek: ki pet rwandet kogeny, ak kitumgei peek.

ISAIAH 49:10

Ma kasei rubeet anan koam melelda; ama kobeelei icheek maat, anan kobir asiista: amu indochin icheek ineendet ne riiree, imuti kobun kong'igap peek.

EZEKIEL 47:8

Ki leenjo anyun, Pendi peechu kotokyingei emet ne mi kong'asiis, ak kochoortagei koba Arabah, ak koba kotokyigei nyanjet; pendi nyanjet peechooto ki king'at komong'; ak ki anyiny peegap nyanjet.

MATAYO 21:43

“Nooto anyun amwaiwok ale, kirebenok laitornatetap Kamuktaindet, ak kigoochi laitornatet age ne yiei logoekyik.

LUKA 13:29

Ak tuun pwoonei kobunu kong'asiis ak cherongo, ak murot kaataam ak murot tai, ak kotep ng'wony koamis eng' laitornatetap Kamuktaindet.

JOHANA 4:14

ago age tugul ne eei peek che agoochini koma koamei melel agoi; ago egu peek che agoochini kondap peek eng' ineendet, che kuutu agoi saboondap koigeny.”

JOHANA 7:38

Ineendet ne iyana, ko uu ye ki komwa siruutyet, kole punu moennyi ainoosyegap peek che sabei.

POISYONIGAP CHE KIYOKTOI 26:18

si kobiit ing'aany konyekwak, ak koweek eng' mesundeito kobwonji lapkeiyet, ak eng' kimnateetap Setani kobwonji Kamuktaindet, si konyoor icheek nyoetap kaat ne po tengekwogik ak poroteet eng' icheek che ki kitiliil amu kayaneet ne mi eng' anee.

NG'ANG'UTYET 18:2

Ak kiwaach eng' kutit ne kiim kole, “Kagoluul, kagoluul Babilon ne oo, ak kagoek ole menyei oik, ak irimeetap tamirmiryet age tugul ne murwoon, ak irimeetap toriit age tugul ne murwoon ak ne kiwechei.

KIRUOGIK 6:38

Ak ki ek ko uu nooto. Eng' peetuut ne po aeng' koging'eet kota ko karon miising', ak koruruny koroorik, ak koiiny komong' peegap rewoot kot konyi taabeet.