ISAIAH 35:6 - BUKUIT NE TILIIL Sireet ne Dutero Kanon

⁶ Yeityo kotoromben chiito ne ing'wali ko uu cheptirgichet, ak kotyen ng'elyeptap ne namaat kuut. Amu kuutu peek eng' surkwen, ak kobiit kereruusyek eng' surkwen.

Bukuit Ne Tilil

⁶ Yeityo kotoromben chiito ne ing'wali ko uu cheptirgichet, ak kotyen ng'elyeptap ne namaat kuut. Amu kuutu peek eng' surkwen, ak kobiit kereruusyek eng' surkwen.

BUKUIT NE TILIL

⁶ Yeityo kotoromben chito ne ing’wali ko u cheptirgichet, ak kotien ng’elyeptab ne namat kut: amu kutu beek eng’ ong’atet, ak kobiit kererusiek eng’ surkwen.

ISAIAH 35:6 ပူးပေါင်းရင်းမြစ်များ

NEEMIA 9:15

Eng' rubennywa, kogiigoochi amitwogik che punu kipsengwet, ak imoong'u peek eng' rwandet agobo icheek, amu meleldanywa, yeityo ing'at icheek koba konam emet kobunji, emet ne kiga iitoochi eung'ung' igoochi.

TIENWOGIKAL 107:35

Walei surkwen koek tamboiyot, ak emet ne yaamaat koek kong'igap peek.

TIENWOGIKAL 46:4

Mi aineet, ne kereruusyekyik ko iboiboi nganaseetap Kamuktaindet, meng'ootet ne tiliil ne po Ineendet Ne Toroor Miising'.

TIENWOGIKAL 51:15

Yaat kutinnyu, ee Kiptaiyat; ak komwaita kutinnyu kalasuneng'ung'.

KOMONG'U 17:6

Atonone taing'ung' eng' yooto po rwandet eng' Horeb. Ikwere rwandanooto komang'une peek si kobiit koe piik.” Ki yai anyun Musa ko uu nooto eng' taitap poisyegap Israel.

ISAIAH 30:25

Ak kobiitu ainoosyek ak kereruusyek che mi peek eng' tulweet age tugul ne oo ne kooi, ak eng' tulweet age tugul ne ming'in ak ko toroor, eng' peetuutap parisyet ne oo, ye ibutos teeksosyek che kooen.

ISAIAH 32:2

Egu chiito ole kiung'egei eng' usoonet, ak eng' usoonet ne oo; ko uu ainoosyegap peek eng' ole yaamaat, ko uu urwetap rwandet ne oo eng' emetap ng'etatet.

ISAIAH 32:4

Ak koguiyo naet ak icheek mugulelwegap icheeget che sartaisyei, ak kong'alaalso komyee ng'elyebwegap che uueen kutusweek.

ISAIAH 33:23

Kagitustus porooniguk; ma imuuch kogimit kelutap toloitap melinnywa, ma imuuch koiito angeetap meeliit. Kipcheak anyun parunenigap tuguuk che chaang' che ki kiluul; ki nam che ing'waldos parunenik.

ISAIAH 35:1

Ingogaskei surkwen ak melewet, ak kobaibait emet ne ong'ateet, ak koiye ko uu taapteet.

ISAIAH 42:11

Ingotyenso surkwen ak nganasookyik, nganasook che mengeechen che menyei Kedar, ingotyenso piik che menyei Shelah, ingowaach eng' tuloonook parak.

ISAIAH 44:3

Amu aroong'jini peek ne amei melel, aroong'jini ainoosyek emet ne yaamaat: aroong'jini Kabuusennyu iyoteng'ung', ak aroong'jini perurtanyu lagoguk:

ISAIAH 48:21

Ma am melelda icheek ye ki kimuti kobun ong'atosyek: ki igoochi peek korootune rwandet konaga icheek: ki pet rwandet kogeny, ak kitumgei peek.

ISAIAH 51:3

Amu kagogaigai Kamuktaindet ne Toroor Zion: kagogaigai komoswekyik tugul che kigemeto, ak ki koyai ong'atennyi koigei Eden, ak koyai surkwenennyi koigei mbareetap Kamuktaindet ne Toroor; kinyoorchin olooto poiboiyet ak kaagaasetapkei, kobooto kongoi ak tyenwogik che rurei komyee.

JOEL 3:18

Ak saune peetuunooto divaik che anyiny tuloonook, ak rootune cheego tuloonook che mengeechen, ak koroot peek che chaang' eng' kereruusyek tugul che po Judah; ak komong' kondametutap peek eng' kootap Kamuktaindet ne Toroor, ak koobis atebweetap Shitim.

SEKARIA 14:8

Ak tuun mang'une peek che saptos Jerusalem eng' peetuunooto; pendi kebeberta age kotokyingei nyanjetap Mediterenian ne mi kong'asiis, kobendi kebeberta age kotokyingei nyanjet ne mi cherongo: pendi ko uu nooto eng' kemei ak iwot.

MALAKI 4:2

Ago okweek che oiywei kainennyu kochorchinok asiista ne po imanda ne ting'ee kanyaiset kebebaikyik; ak omande, ourerenote ko uu moek che kagiyaat.

KAITOSYEK 20:11

Ki namji anyun Musa eunnyi parak ak kokwer rwandet eng' kiroktonyi konyil aeng'. Ki isururgei peek che chaang', ak kiee tuiyet ak tuukwak.

MATAYO 11:5

keertoi che koryotiin, ak kobendoti che salamonik, kitiliili che tinyei mogondosaik, ak kastoi che ming'otin, ak king'eeti che ki kobek, ak keamjin kibananook logoiywek che myach.

MATAYO 12:22

Ki kimutyi anyun chiito ne ki tinyei oindet ak ko koraat ak konamaat kuut. Ki isoop ineendet, kot kong'alaal ak kogeerto.

MATAYO 21:14

Ki pwanji ineendet eng' Hekaluut icheek che ki koryotiin ak che ing'waldos, ak ki isoop icheek.

LUKA 1:64

Koyaatak anyun kutinnyi sainooto, ak kotyagak ng'elyeptanyi, ak kitwek kolas Kamuktaindet.

LUKA 11:14

Ak ki oon ineendet oindet ne namaat kuut. Ak ye kingo kagomanda oindet, kong'alaal anyun ne kinamat kuut; ak ki kwong'yo tuiyosyek.

POISYONIGAP CHE KIYOKTOI 3:2

Ak ki kiganabi chiito ne ki salamwo kobooch komi moetap kamet, ne ki cham kindoi peetuut age tugul kurgetap hekaluut ne ki kiguure Karaaran, si kosoomei tuguuk piik che ki pendi hekaluut oriit;

POISYONIGAP CHE KIYOKTOI 8:7

Amu kimanda tamirmirik che murwonen eng' che chaang' che ki tinyei, kowaaktos eng' kutit ne oo; ak ki kisoop che chaang' che meiyotiin poorwek, ak che ki ing'waldos.

KOLOSAIK 3:16

Ingomenyok ng'olyootap Kristo eng' mogornateet, eng' utaatyet tugul oneetige ak oteechinigei eng' tyenwogigap kalasunet ak tyenwogik che ki kisir ak tyenwogigap saboon otyenjini Kamuktaindet eng' myeeindo eng' mugulelwekwok.

NG'ANG'UTYET 22:1

Ak ki iboorwo aineetap peegap saboon, ne tiliil ko uu krustalo, kobunu ng'echereetap laitornatet ne po Kamuktaindet ak ne po Aarwet,

NG'ANG'UTYET 22:17

Mwaei Kabuuset ne Tiliil ak murereet kole, “Nyoo!” Ak ineendet ne kasei, komwa kole, “Nyoo!” Ak ineendet ne amei melelda, konyo; ak ineendet ne machei, koip peegap saboon puch.