ISAIAH 35:4 - BUKUIT NE TILIIL Sireet ne Dutero Kanon

⁴ Oleenji icheek che aragendos, “Ogimegitu, amoiyweisye! Keero nyoonei anyun Kamuktaindeng'wong' ak yaaktaetap mugetuut, kobooto kageeretap Kamuktaindet; nyoonei kosarwok.”

Bukuit Ne Tilil

⁴ Oleenji icheek che aragendos, “Ogimegitu, amoiyweisye! Keero nyoonei anyun Kamuktaindeng'wong' ak yaaktaetap mugetuut, kobooto kageeretap Kamuktaindet; nyoonei kosarwok.”

BUKUIT NE TILIL

⁴ Olenji ichek che arogendos, Ogimegitu, amoiyweisie: ogeero, nyonei Kamuktaindeng’wong’ ak yaaktaetab mugetut, koboto kageeretab Kamuktaindet; nyonei kosoruok.

ISAIAH 35:4 ပူးပေါင်းရင်းမြစ်များ

1 ATEPTAP PEETUUSYEK 28:20

Ki leenji `Daudi Solomon weeriinnyi, “Kimitu nyiganitu, ak iyai poisyet. Meiywei anan itoptoben, amu mi kobooten Kamuktaindet ne po Toroornatet, ineendet Kamuktaindennyu. Mabagaaktoin anan kometen agoi kogeskei poisyet tugul ne po otisyetap kootap Kamuktaindet ne Toroor.

TIENWOGIKAL 116:11

ki amwa eng' sartaet ale: “Kiplembechonik piik tugul.”

TIENWOGIKAL 145:19

Isuldochin icheeget che iywei ineendet kiit ne machei icheek; kasei ineendet riirekwak, ak saru icheeget.

TIENWOGIKAL 50:3

Nyoonei Kamuktaindennyo, ama siisei: mi tainnyi maat ne peelei kowong'u, ak komuut ineendet usoonet ne oo.

TIENWOGIKAL 94:1

Ee Kamuktaindet ne Toroor, inyee Kamuktaindet ne po yaaktaetap mugetuut, Iluu, inyee Kamuktaindet ne po yaaktaetap mugetuut.

ISAIAH 1:24

Mwaei anyun Kiptaiyat, Kamuktaindet ne Toroor ne po lugoosyek, Ineendet Ne po Kamuktaet ne po Israel, kole haa, aroong'jini nereegekyuk icheek che wecho, ak ayooktochigei mugetuut eng' puunikyuk.

ISAIAH 25:9

Ak tuun kimwaei eng' peetuunooto keele, “Ogeero, niito ko Kamuktaindennyo; ki kigen ineendet, ak sarwech ineendet. Niito ko Kamuktaindet ne Toroor; ki kigen ineendet, kigasigei ak keboiboitu eng' yetunennyi.”

ISAIAH 28:16

mwaei anyun Kiptaiyat Kamuktaindet ne Toroor kole, Ogeero, andoi Zion koita koek lumeiywot, koita ne kigetyem, koita ne po kamanuutyet ne oo ne po luuita, lumeiywot ne kiim; ma igirgiri ne iyani.

ISAIAH 31:5

Ko uu ye tirirendos toriitik, ko uu nooto riibei Kamuktaindet ne Toroor ne po lugoosyek Jerusalem; riibei ak kosaru, siirtoi kowendi koriibei.

ISAIAH 32:4

Ak koguiyo naet ak icheek mugulelwegap icheeget che sartaisyei, ak kong'alaalso komyee ng'elyebwegap che uueen kutusweek.

ISAIAH 33:22

Amu Kamuktaindet ne Toroor ko kirwoogindennyo, ne koonech ng'atuutik, Kamuktaindet ne Toroor ko laitoryandennyo; ineendet ne sarwech.

ISAIAH 34:8

Amu peetuutap Kamuktaindet ne Toroor ne po yaaktaetap mugetuut, kenyiitap kageeret ne po toiyetap Zion.

ISAIAH 37:20

Ara anyun, ee Kamuktaindet ne Toroor, Kamuktaindennyo, sarwech eng' eunnyi, si konai laitornatosyek tugul che po ng'wony kole ii Kamuktaindet ne Toroor, inyee inyegei.

ISAIAH 37:6

Ak ki leenji Isaiah icheek, Omwachini kiptaiyandeng'wong' ko uu ni, oleenjini, Kamwa Kamuktaindet ne Toroor kole, meiywei ng'aleek che kegas, che kachubena otwogigap laitoryatap Assyria.

ISAIAH 40:2

Ong'alaalji Jerusalem eng' kagaigaet, ak omwachi eng' kutit ne oo oleenji, kagogeskei poryennyi, kagenyochi kaat tengektanyi. Kagotaach eng' eutap Kamuktaindet ne Toroor pireet konyil aeng' agobo tengekwogikyik tugul.

ISAIAH 44:2

Mwaei Kamuktaindet ne Toroor ne kiyain, ne kimimiin eng' moet, ne toretin, kole, meiywei, ee otwogindennyu Jakobo; ak inyee Jesurun, ne ki alewen.

ISAIAH 47:3

King'aanyin itebi aach ngor, ee, taagu teweernateng'ung': ayaaktoi mugetuut, amataache chii age tugul.

ISAIAH 49:25

Ago mwaei Kamuktaindet ne Toroor kole, kirebe che kiimeen luulenikwak, ak kityaachi tugul che ki kiluulei, che po che imuisei: amu kibortosi ak ineendet ne poryenen, ak asaru lagoguk.

ISAIAH 49:4

Ago ki amwa ale, Ki abirtegei puch, ki aboisyee kimnateennyu puch, ak eng' tangoita; ago iman, mi kirwoogennyu eng' Kamuktaindet ne Toroor, ak mi yaaktaennyu eng' Kamuktaindennyu.

ISAIAH 59:18

Yaakyin icheek ko uu poisyonikwak, nereegek che ng'woneen eng' puunikyik, yaaktaet eng' puunikyik; yaakyin ngeguusyek ko uu ye nyoljin.

ISAIAH 61:2

Si kobiit aamda kenyiit ne chamat eng' Kamuktaindet ne Toroor, ak peetuutap yaaktaetap mugetuut ne po Kamuktaindennyo; ak agaigai tugul che riirtos;

ISAIAH 63:4

Amu kimi muguleldanyu peetuutap yaaktaetap mugetuut, ak kagoit kenyiitap chechuuk che kityaachi.

ISAIAH 66:15

Amu ogeero, nyoonei Kamuktaindet ne Toroor eng' maat, ak koigei kariisyekyik che po lugeet kipchurchuryet; koyaakta nereegekyik eng' koroomnateet, ak koyaakta kerennyi po kong' eng' liplibenetap maat.

ISAIAH 7:4

ak ileenji ineendet, riipkei, ak isiis, ameiyweisye, anan kotanui muguleldang'ung', amu kegenganichu aeng' iyendos, amu nereegek che ng'woneen che po Rezin ak Syria, ak che po weeriitap Remaliah.

HOSEA 1:7

Ago ariiree kootap Judah ak agoochi katerteerisyet icheek kobun eutap Kamuktaindet ne Toroor Kamuktaindennywa. Ma saruunee kwanget, anan rotwetap chok, anan lugeet, anan paraisisyek, anan piik che ketei paraisisyek.”

HABAKUK 2:3

Amu po ng'ang'utyet peetuusyek che ki king'at, ak kochoktoi kotokyingei kagesunet, ama mwaei lembech. Agot ngo kagei, igen inyee; amu nyoonei iman, ma igaegei.

HAGGAI 2:4

Nyiganitu, ee Zerubabel,’ mwaei Kamuktaindet ne Toroor. ‘Nyiganitu, ee Joshua weeriitap Jehosadak tisiindet ne oo. Onyiganitu okweek piik tugul che po emet,’ mwaei Kamuktaindet ne Toroor, ‘ak oboisye; amu ami kobootok,’ mwaei Kamuktaindet ne Toroor ne po lugoosyek.

MALAKI 3:1

Ogeero, ayoogu chiinyu, kayooktoin si kochop ooreet eng' tainnyu. Ak nyoonei matiny hekalunnyi `Kiptaiyat ne ocheeng'e. Nyoonei kayooktoin ne po arorutyet ne oboiboitune, mwaei Kamuktaindet ne Toroor ne po lugoosyek.

LUKA 21:28

Ak ye toi kosulda tuguuchuuto, ogeer parak, ak oyot metowekwok; amu kariik katyageng'wong'.

EPESOEK 6:10

Ne po let anyun, oegu che kiimeen eng' Kiptaiyat, ak eng' kimnateetap kamugennyi.

1 THESSALONIKEK 5:14

Ak kitigoonok, che kitupche, keele oteechi che ma riibei che ki king'at, ocher che nyogooren, otoret che nyalulyotin, omuite ak piik tugul.

2 TIMOTEO 2:1

Kimitu anyun, lakweennyu, eng' myeeindo ne miitei eng' Kristo Jeso.

HEBRANIK 9:28

ko uu nooto Kristo agine, kingo kagigoito konyil agenge si koip tengekwogigap che chaang', ko tuun taagu ne po aeng', ma agobo tengek, ago agobo icheek che igeni ineendet agoi yetunet.

NG'ANG'UTYET 1:7

Ogeero! Nyoonei kobooto poolik; ak tuun keerei ineendet konda age tugul, kobooto icheek che kiga toor ineendet; ak koteiyo pororyosyek tugul che po ng'wony amu ineendet. Ee, uu nooto! Amen.

NG'ANG'UTYET 2:10

Ameiywei nyalilwogik che neegit inyooru. Machei chesawilyet kotoorchi korgoreet alak eng' okweek si kobiit ketyemak; ak osich nyalilda eng' peetuusyek taman. Egu ne kiyani agoi meet, si agoonin kuutweet ne po saboondo.

NG'ANG'UTYET 22:20

Mwaei ineendet ne paoryanjin tuguuchu kole, “Ee anyoone achogu.” Amen. Nyoo, Kiptaiyat Jeso!

1 SAMUEL 23:17

Ki leenji ineendet, “Meiywei, amu ma nyoorun eutap kwandanyu Saulo, ak iegu laitoryat eng' Israel, ak aegu ne rubin. Agot Saulo kwandanyu kongen nooto agine.”