ISAIAH 35:2 - BUKUIT NE TILIIL Sireet ne Dutero Kanon

² Yiei miising', ak kobaibait eng' poiboiyet ak eng' tyendo; kigoochin toroornatetap Lebanon, telunatetap Karmel ak Saron. Keerei icheek toroornatetap Kamuktaindet ne Toroor, telunatetap Kamuktaindennyo.

Bukuit Ne Tilil

² Yiei miising', ak kobaibait eng' poiboiyet ak eng' tyendo; kigoochin toroornatetap Lebanon, telunatetap Karmel ak Saron. Keerei icheek toroornatetap Kamuktaindet ne Toroor, telunatetap Kamuktaindennyo.

BUKUIT NE TILIL

² Yiei mising’, ak kobaibait eng’ boiboiyet ak eng’ tiendo; kigochin torornatetab Lebanon, telunatetab Karmel ak Saron: keerei ichek torornatetab Jehovah, telunatetab Kamuktaindennyo.

ISAIAH 35:2 ပူးပေါင်းရင်းမြစ်များ

1 ATEPTAP PEETUUSYEK 16:33

Si kotyenso anyun eng' poiboiyet keetiik che mi timiin eng' taitap Kamuktaindet ne Toroor, amu nyoonei ineendet korwookyin ng'wony.

1 ATEPTAP PEETUUSYEK 27:29

Ki pou Sitrai Sharonindet akwotisyek che ki agetoos eng' Sharon. Ki pou Sapat weeriitap Adlai akwotisyek che ki mi atebwosyek.

1 ATEPTAP PEETUUSYEK 5:16

Ki meny Gadik emetap Gilead eng' Bashan, ak nganasookyik, ak emotinwek tugul che kiyagisye che po Sharon agoi kiwotosyekwak.

TIENWOGIKAL 50:2

Eng' Zion, komi korooronindo ne ititaat, kamong' Kamuktaindet kooluu.

TIENWOGIKAL 72:16

Ak tuun piitu chaang'indap peek eng' ng'wony eng' tuloonook parak; Ak itumdumegei logoekyik ko uu Lebanon: Ak tunendos icheek che po nganaseet ko uu susweek che po ng'wony.

TIENWOGIKAL 72:19

Ak iberuurot kainennyi ne tinyei toroornatet agoi koigeny; Ak ingonyi ng'wony komugul toroornatennyi. Amen, ak Amen.

TIENWOGIKAL 89:12

Ki itau iyai murot kaataam ak murot tai: Tyendos eng' poiboiyet Tabor ak Hermon eng' kaineng'ung'.

TIENWOGIKAL 97:6

Iboortoi kipsengwet imandanyi, Ak ki kogeer piik tugul toroornatennyi.

KOMONG'U 16:7

ak ogeer karon telunatetap Kamuktaindet ne Toroor amu kasei ineendet kang'unyng'unyeng'wong' ne ong'unyng'ung'jini Kamuktaindet ne Toroor. Acheek anyun ko king'o si ong'unyng'ung'jech?”

TYENDO NE SIIREI TUGUL 2:1

Anee ko aa taapteetap Sharon, auu taapteetap atebwosyek.

TYENDO NE SIIREI TUGUL 7:5

Uu meting'ung' Karmel, ak arusen ne piriir suumeeguk, luulei `suumeekyik laitoryat.

ISAIAH 25:9

Ak tuun kimwaei eng' peetuunooto keele, “Ogeero, niito ko Kamuktaindennyo; ki kigen ineendet, ak sarwech ineendet. Niito ko Kamuktaindet ne Toroor; ki kigen ineendet, kigasigei ak keboiboitu eng' yetunennyi.”

ISAIAH 27:6

Kimitu Jakobo eng' peetuusyek che pwoonei; piitei Israel ak kong'at, ak konyiit ng'wony logoek.

ISAIAH 32:15

agoi keroong'wech Kabuuset ne Tiliil eng' parak, ak koek surkwen mbareet ne rurei, ak kiroge mbareet ne rurei, timiin.

ISAIAH 33:9

Riirei emet ak konyaluli; ililani Lebanon ak koresei, uu Saron surkwen, ak poregei sok Bashan ak Karmel.

ISAIAH 35:10

Ak koweek piigap Kamuktaindet ne Toroor che ki kityaach, ak kobwa Zion kotyenonu. Ak kotebee paragunnywa poiboiyetap koigeny, nyooru kagasetapkei ak poiboiyet, ak komwei arageneet ak tigenoik.

ISAIAH 40:5

Ak tuun king'aanyei toroornatetap Kamuktaindet ne Toroor, ak keerei piik tugul niito; mwaei Kamuktaindet ne Toroor niito.”

ISAIAH 40:9

Togoste tulweet ne kooi ee Zion, inyee ne imwatoi logoiywek che myach; waach miising' eng' kimnateet ee Jerusalem, inyee ne imwachini logoiywek che myach; waach, ameiywei; mwachi nganasoogap Judah ileenji, ogeer, Kamuktaindeng'wong'!

ISAIAH 41:19

Amiine eng' surkwen taragonik, keetiigap chebitoik, momonik, ak che po mwanik; ak ande surkwen piribirinik, taragonik che sabuleen, ak taragonik che teer kobiityo tugul.

ISAIAH 49:13

Otyense, ee kipsengwet; ak oboiboitu, ee ng'wony; ak otyense, ee tuloonook; amu kagogaigai `Kamuktaindet ne Toroor piikyik, ak koriiree piikyik che ki kinyalil.

ISAIAH 6:3

Ak kitwekyi `age age koleenji: “Tiliil, tiliil, tiliil, Kamuktaindet ne Toroor ne po lugoosyek; nyiitaat ng'wony komugul toroornatennyi.”

ISAIAH 60:13

Nyonjinin toroornatetap Lebanon, kobooto piribirinik, taragonik che sabuleen, ak taragonik che teer; si koyai konyool oldanyu ne tiliil, ak achop ole tebee keelyekyuk kogararanit.

ISAIAH 60:19

Ma koegu asiista lapkeiyeng'ung' peet: ama kogoonin lapkeiyet kaluunetap arawet: ago egu Kamuktaindet ne Toroor lapkeiyeng'ung' ne po koigeny; ak koek Kamuktaindeng'ung' toroornateng'ung'.

ISAIAH 60:21

Ak koek che po imanda kogeny piiguk tugul, ak koek emet porotennywa koigeny; temeet ne ki amin, poisyetap eunekyuk, si kobiit kegonyita.

ISAIAH 61:3

si aaroorchi icheek che riirtos eng' Zion, kigoochi chepkulet ne karaaran kogeere oreek, ak mwaitap poiboiyet kogeere riirek, ak ngoryeetap kalasunet kogeere muguleldo ne nyalulat; si kobiit keguure keetiik che po imanda, che kimin Kamuktaindet ne Toroor, si kegonyit.

ISAIAH 66:10

Oboiboitu okweek kobooto Jerusalem, ogaaskei kobooto ineendet, okweek tugul che ochame ineendet: oboiboitu eng' poiboiyet kobooto ineendet, okweek tugul che oriirchini:

ISAIAH 66:14

Ak ogeero, ak koboiboitu mugulelwekwok, ak kong'atyo kawekwok ko uu susweek che ng'orng'or: ak konaak eutap Kamuktaindet ne Toroor eng' otwogikyik, ak konereekyi puunikyik.

HOSEA 14:5

Aigeitu rewoot eng' Israel: yiei ineendet ko uu taapteet ne karaaran, ak kowakta tigitikyik ko uu Lebanon.

HABAKUK 2:14

Amu nyiei ng'wony naetap toroornatetap Kamuktaindet ne Toroor, ko uu ye nyiei peek nyanjet.

SEKARIA 10:7

Ak koigei icheek che po Ephraim chiito ne nyigan, ak koboiboitu mugulelwekwak ko uu che kaei divaik: ee, keerei lagokwok nooto, ak koboiboitu; igasegei mugulelwekwak eng' Kamuktaindet ne Toroor.

JOHANA 12:41

Ki mwa tuguuchu Isaiah, amu ki keer toroornatennyi; ak ki ng'alaal agobo ineendet.

JOHANA 17:24

Abba, amache ale kotebi kobooto eng' ole ami, icheek che ki igoono; si kobiit kogeer toroornatennyu ne ki igoono; amu ki ichama kotom kelumda ng'wony.

POISYONIGAP CHE KIYOKTOI 9:35

Ak kigeer ineendet tugul che ki menyei Lydda ak Sharon, ak koyan Kiptaiyat.

ROMANIK 10:15

Ak amdoitoi ano, ngo ma kiyookto? Agot ko uu ye siraat kole, “Korooron ne tya keelyegap icheeget che ibu logoiywek che po poiboiyet, che po tuguuk che myach!”

ROMANIK 15:10

Ak ki mwa kogeny kole, Oboiboitu okweek Pororyosyek, kobooto piikyik.

2 KORINTOEK 3:18

Ago acheek tugul koboortoi toroornatetap Kiptaiyat ko uu ki oit eng' togoochikyok che ma tugootiin, kewalech eng' itoonooto kobunu toroornatet agoi toroornatet, ko uu ye punu Kiptaiyat ne Kabuuset ne Tiliil.

2 KORINTOEK 4:6

Amu Kamuktaindet ne ki mwa kole, “Tuun iluu lapkeiyet eng' mesundeito,” ineendet ne ki iluuchi mugulelwekyok, si kogoon lapkeiyet ne po naetap toroornatetap Kamuktaindet eng' togeetap Jeso Kristo.

JOSHUA 19:26

Alamelek, Amad ak Misal ak eng' cherongo ko tiiny Karmel ak Sihor-libnat.

NG'ANG'UTYET 21:23

Ak ma machei nganaseet asiista, anan arawet, koluuchi: amu iluuchin liilindap Kamuktaindet, ak tainnyi ko Aarwet.