ISAIAH 33:17 - BUKUIT NE TILIIL Sireet ne Dutero Kanon

¹⁷ Keerei konyeguk karaaranindap laitoryat; keerei icheek emet ne kiuiitogei.

Bukuit Ne Tilil

¹⁷ Keerei konyeguk karaaranindap laitoryat; keerei icheek emet ne kiuiitogei.

BUKUIT NE TILIL

¹⁷ Keerei konyeguk kororonindab laitoriat: keerei ichek emet ne kiuiitogei.

ISAIAH 33:17 ပူးပေါင်းရင်းမြစ်များ

2 ATEPTAP PEETUUSYEK 32:23

Ki ipchi piik che chaang' Kamuktaindet ne Toroor kagoochinoik kobwa Jerusalem, ak ki ipchi Hezekiah laitoryatap Judah tuguuk che po kamanuutyet, kot kotoroorok ineendet eng' pororyosyek tugul kobooch peetuunooto agoi.

Kitabuutap JOB 19:27

Ne tuun ageere kimni, ak keerei konyekyuk ineendet, ma keerei age. Ichuchui saboondanyu eng' oriitinnyu.

TIENWOGIKAL 31:8

Ama ichamde konama eutap puunyoot; ki icham kotonone keelyekyuk ole paraa.

TIENWOGIKAL 45:2

Isiire weeriigap piik eng' korooronindo; kiroong'jin kuting'ung' myeeindo; eng' nooto anyun ki koberuurin Kamuktaindet koigeny.

TYENDO NE SIIREI TUGUL 5:10

Leel chamanennyu ago tilyal ne piriir, taagunet ineendet eng' eliphuusyek taman.

ISAIAH 24:23

Ak kotoptoben arawet, ak kolilaan asiista; amu laitorani Kamuktaindet ne Toroor ne po lugoosyek eng' tulweetap Zion ak eng' Jerusalem, ak eng' taitap poisyekyik.

ISAIAH 26:15

Ki ites pororyet, ee Kamuktaindet ne Toroor, ki ites pororyet kobarait; ii ne itoroorot; ki ites kobaraitu kiwotosyek tugul che po emet.

ISAIAH 33:21

Ago tuun tebyei Kamuktaindet ne Toroor kobootech eng' olooto eng' etunatennyi, ye mi ainoosyek che paroen ak kereruusyek, ole ma punei moingetap peek ne kekwerye eng' mugangok che kiwase peek, ama punei yooto meeliit ne karaaran.

ISAIAH 33:22

Amu Kamuktaindet ne Toroor ko kirwoogindennyo, ne koonech ng'atuutik, Kamuktaindet ne Toroor ko laitoryandennyo; ineendet ne sarwech.

ISAIAH 37:1

Ak kingo kas Laitoryat Hezekiah, kogereer ngoroikyik, ak kotugegei kuniok, ak kwo kootap Kamuktaindet ne Toroor.

ISAIAH 6:5

Ki ale anyun, “Pwo eng' anee! Kaawong'uge, amu aa chii ne tinyei kutit ne ng'waan, ak ki meng'iisyei ak piik che ng'woneen kutusweek; amu kaageer Laitoryat, Kamuktaindet ne Toroor ne po lugoosyek.”

SEKARIA 9:17

Amu oo ne tya myeeindonyi ak korooronindonyi! Igoochin `peek murenik koneryo, ak kogoochin `divaik che leelach tiibiik koneryo.

MATAYO 17:2

Kiwalak ineendet eng' tainnywa, ak ki iluu togeennyi ko uu asiista, ak kileelagitu ngoroikyik ko uu lapkeiyet.

JOHANA 1:14

Ak ki ek Ng'olyoot poorto ak komeny kwenunnyo (ak ki kigeer toroornatennyi, toroornatet ne uu ne po ne ki kisich ineegei kobunu Kwanda), ko nyiitaat myeeindo ak imanit.

JOHANA 14:21

Ineendet ne tinyei ng'atuutikyuk, ak koriibei, ko nooto ne chama: ak ineendet ne chama kochamaat eng' Abba, ak achame ineendet ak ang'aang'jigei ineendet.

JOHANA 17:24

Abba, amache ale kotebi kobooto eng' ole ami, icheek che ki igoono; si kobiit kogeer toroornatennyu ne ki igoono; amu ki ichama kotom kelumda ng'wony.

2 KORINTOEK 4:18

ye ma kigeere tuguuk che taagu, ago tuguuk che ma taagu, amu tuguuk che taagu kosiirtoi; ago tuguuk che ma taagu ko po koigeny.

1 JOHANA 3:2

Chamanichu, ki lagogap Kamuktaindet nguno, ak tomo keng'aany kiit ne tuun ki uu. Kingen keele, ye tuun kaging'aany ineendet, kegergeitu ak ineendet; amu tuun kigeere ko uu ole uu ineendet.