ISAIAH 33:14 - BUKUIT NE TILIIL Sireet ne Dutero Kanon

¹⁴ Ki aragenso kiptengeginik che mi Zion; ki konam potanet che ma iywei Kamuktaindet. Mwaei icheek kole ng'oo eng' acheek ne imuuchi komeng'iis ak maat ne igeesu? Ng'oo eng' acheek ne imuuchi komeng'iis ak maat ne lalei koigeny?

Bukuit Ne Tilil

¹⁴ Ki aragenso kiptengeginik che mi Zion; ki konam potanet che ma iywei Kamuktaindet. Mwaei icheek kole ng'oo eng' acheek ne imuuchi komeng'iis ak maat ne igeesu? Ng'oo eng' acheek ne imuuchi komeng'iis ak maat ne lalei koigeny?

BUKUIT NE TILIL

¹⁴ Iyweisiei kiptengeginik che mi Sion; kigonam botanet che maiywei Kamuktaindet: Ng’o eng’ achek ne imuchi komeng’is ak mat ne igesu? Ng’o eng’ achek ne imuchi komeng’is ak mat ne lalei koigeny?

ISAIAH 33:14 ပူးပေါင်းရင်းမြစ်များ

Kitabuutap JOB 18:11

Igoochin kamuisosyek ineendet koiyweis eng' komosta age tugul, ak koonat ineendet kot koriich.

TIENWOGIKAL 11:6

Robonjin `inee kiptengeginik ng'etetyotap maat ak tuguuk che laldos; egu `usoonet ne peelsei kebebertap kigombennywa.

TIENWOGIKAL 21:9

Iwong'u icheek eng' maat ne ng'eteteni eng' peetuutap nereegeguk. Lugui `Kamuktaindet ne Toroor icheek eng' nyitatennyi, ak kobeel maat icheek kogees.

TIENWOGIKAL 50:3

Nyoonei Kamuktaindennyo, ama siisei: mi tainnyi maat ne peelei kowong'u, ak komuut ineendet usoonet ne oo.

TIENWOGIKAL 53:5

Tebee icheek arageneet ne oo eng' olooto, eng' arageneet ne tomo kobiitu. Isersere `Kamuktaindet kawegap ineendet ne setyinin; ki koochin icheek kolilaanso, amu ki koeesyo `Kamuktaindet icheek.

KALEWANAIK 28:1

Mweei kiptengekyot ye maonei chii, ago nyigoonen che po iman ko uu ng'etundo.

ISAIAH 1:28

Ago tuun king'emei tuwai, pistoik ak kiptengeginik eng' peetuut agenge, ak tuun kigeesu che metoi Kamuktaindet ne Toroor.

ISAIAH 10:16

Igoochin anyun Kiptaiyat Kamuktaindet ne Toroor ne po lugoosyek, piikyik che neryootiin kosagityo, ak tuun piitu liplibenet ne uu ne po maat ne lalei, ne kigeere toroornatennyi.

ISAIAH 10:6

Ayooktoi kobargei ak pororyet ne ya, ak agoochini kobargei ak piik che anereekyini, si koluul ak koip parunenik, ak ketyech icheek ko uu ye kityechi ng'atateek eng' ooreet.

ISAIAH 29:13

Ki le Kiptaiyat: Amu riikyino pichu kong'alaalwo, ak kogonyita eng' kutusweekwak, ago kigoisto mugulelwekwak kolooegitu eng' anee, ak kaiyweisyet ne iywea ko ng'atuutyet ne ki ineeti piik icheek;

ISAIAH 29:6

nyoonjin Kamuktaindet ne Toroor ne po lugoosyek ineendet eng' tuleet, eng' potaneetap ng'wony ak polateet ne oo ak kipchurchuryet, kobooto usoonet ne oo, ak liplibenetap maat ne peelsei.

ISAIAH 32:11

Obotanse okweek kwonyiik che omuunyi; onyalilye, okweek che moriibegei; oreegu ngoroik, ak otebi aach ngor, ak ogermenegei kuniok.

ISAIAH 34:9

Ak kewal kereruusyekyik koek manget, ak kewal temburyekyik koek koik che laldos, ak koek emennyi manget ne lalei.

ISAIAH 47:14

Keero, igeitu mobeek; peelei maat; masarugei eng' kimnateetap maat ne lalei; ma egu nesek che kiyue, ama egu maat ne kitebee tainnyi.

ISAIAH 5:24

Nooto anyun, ko uu ye peelei liplibenetap maat mobeek, ak ko uu ye igeesu liplibenetap maat susweek che yamyotiin, ko uu nooto kergeitu tigitikwak ak nunateet, ak kotogosta taaptokwak ko uu temburyek; amu ki koeesyo ng'atuutigap Kamuktaindet ne Toroor ne po lugoosyek, ak kosas ng'olyootap Ineendet ne Tiliil ne po Israel.

ISAIAH 66:24

Ak komanda koba kogeer muuswegap piik che ki ingelelja: amu ma pegu kutikwak, ama kimisi manywa; ak koek che wechei piik tugul.

ISAIAH 7:2

Ye kingo kas kootap Daudi keele kogonamgei Syria ak Ephraim ko ki potan muguleldo ne po Ahaz ak mugulelwegap piikyik ko uu ye itumdumi usoonet keetiigap timiin.

ISAIAH 9:17

Maboiboitu Kamuktaindet ne Toroor eng' murenikwak, ama riiree chechwaak che ma tinyei sigiik ak mosoogikwak; amu ya age tugul ak ko yaindetap yaityet, ak komwaei kutit age tugul abusnateet. Nganda uu nooto, koma istogei nereegekyik, ago ta ko chuulaat eunnyi kora.

ISAIAH 9:18

Amu lalei yaityet ko uu maat, igeesu katook che rutei piich ak che toorei piich: lalei eng' timiin ne oo, ak koiyen iyeto ne oo ne uu poolik che nyigiisen.

ISAIAH 9:19

Ki kolal emet eng' nereegegap Kamuktaindet ne Toroor ne po lugoosyek, kagoigei piik kweenik che kilaali; ma riiree chii ng'eetap kamet.

AMOS 9:10

Pegu eng' rotwetap chok kiptengeginik tugul che po piikyuk, che leen, “Ma ityinech yaityet anan konyoorwech.”

NAHUM 1:6

Ng'oo ne imuuchi kotonon eng' taitap nereegekyik? Ak ng'oo ne imuuchi komuita eng' koroomnatetap nereegekyik? Kirong'u nereegekyik che ng'woneen ko uu maat, ak tonatoni `ineendet rwandosyek.

MALAKI 3:2

Ago ng'oo ne imuuchi komuita eng' peetuutap nyonunennyi? Ak ng'oo ne tononi ye katook? Uu ineendet maat ne ki tiliilisye, ak ko uu sabunitap mwetiik;

MATAYO 18:8

“Ngo nachin eung'ung' anan keeldong'ung', itil ak iwiirte. Kaigai eng' inyee imong'ji saboondo ii po mugung' anan ii po keelok kosiir itinye eunek aeng' anan keelyek aeng' ak kewiirchin maat ne po koigeny.

MATAYO 22:12

ak ki leenji, ‘Chorwani, kenyonunde ano ko metinye ngoryeetap katunisyet?’ Ak ki nam kuut, ma twek.

MATAYO 24:51

ak kobir miising' ak kogoochi kebebertanyi kobooto chombilik, egu eng' olooto riirek ak nyeetap kelek.

MATAYO 25:41

“Koleenji anyun icheek che mi murot kaataam, ‘Oba eng' ole ami, okweek che oo chubootiin, oba maat ne po koigeny ne kigechopchi chesawilyet ak malaikaisyekyik;

MATAYO 25:46

Ak pendi chu ole mi nyalilda ne po koigeny; ago pendi che po imanda ole mi saboondap koigeny.”

NG'ATUTIK 4:24

Amu Kamuktaindet ne Toroor Kamuktaindeng'ung' ko maat ne iwong'u ak kotinyei ng'et kong'.

2 THESSALONIKEK 1:8

eng' maat ne lalei, koyaakyi mugetuut icheeget che ma nai Kamuktaindet, ak icheek che ma kase iit logoiywek che myach che po Kiptaiyandennyo Jeso:

HEBRANIK 12:29

amu Kamuktaindet nenyo ko maat ne igeesu.

NG'ANG'UTYET 14:10

koeei agine divaik che po koroomnatetap Kamuktaindet, che ki kichop ama kiburuch eng' kigombetap nereeknatennyi; ak kinyaliili eng' maat ak koik che laldos eng' taitap malaikaisyek che tiliileen, ak eng' taitap Aarwet:

NG'ANG'UTYET 20:10

Ak ki kiwiirchi chesawilyet ne ki iberber icheek araraitap maat ak koik che laldos, ole miitei ak icheek tyondo ak maotyot ne po lembech; ak kinyaliili peet ak kemoi agoi koigeny ak koigeny.