ISAIAH 32:19 - BUKUIT NE TILIIL Sireet ne Dutero Kanon

¹⁹ Ago roboni koigap ropta kot koluul timiin; ak koluul nganaseet tugul.

Bukuit Ne Tilil

¹⁹ Ago roboni koigap ropta kot koluul timiin; ak koluul nganaseet tugul.

BUKUIT NE TILIL

¹⁹ Ago roboni koikab ropta kot kolul osnet; ak kolul nganaset tugul.

ISAIAH 32:19 ပူးပေါင်းရင်းမြစ်များ

ISAIAH 10:18

Ak kobeel ineendet toroornatetap osnennyi, ak ne po mbareennyi ne rurei, kobooto saboondo ak poorto, ak koek ko uu ye tanui ineendet ne ibooti songolyet.

ISAIAH 10:19

Ng'ering'itu keetiik che ng'etu che po osnennyi, kot komuuch koiit lakwa.

ISAIAH 10:33

Ogeero, tuun ebei Kiptaiyat, Kamuktaindet ne Toroor ne po lugoosyek, mooriik eng' kamuiset; kiluulei che kooen, ak kinyeroti che ieetegei.

ISAIAH 24:10

Kigebut nganaseet ne mi chemargeet; kigerei koot age tugul, si ma nyo chii ko.

ISAIAH 24:12

Ng'etu kubernateet eng' nganaseet, ak kebare ormariichet ng'emisyet.

ISAIAH 25:2

Amu ki iyai nganaseet koek karurugutyet; ki iyai nganaseet ne ng'ootaat koek karaatya. Ki iyai kootap laitoryat ne po toek koek ole ma mi nganaseet; ma koi ta keteech kogeny.

ISAIAH 25:4

Amu ki iegu irimeetap kibananiat, irimeetap ne ma tinyei kiy eng' pichiindanyi, ii ole kimwechin eng' usoonet ole kiuure eng' kiptoret. Ye igei usoonetap che imuisei, usoonet ne oo ne rusei inaat.

ISAIAH 26:5

Amu kigochoor ineendet icheek che menyei ole toroor, kigochoor nganaseet ne toroor. Iluuli ineendet nganaseet; iluuli agoi temburyek ng'ung'unyek.

ISAIAH 27:10

Amu mi ineegei nganaseet ne ng'ootaat, meng'ooteet ne kigeue ak kemeto, ne uu surkwen; agete yooto moita, ak koru yooto, ak koam mooriikyik.

ISAIAH 28:17

Ak ayai kirwooget koek kiit ne litit, ak ayai imanda koek porowet ne kilititisye. Ak kobukto koigap ropta ole mwechin ne po lembechek, ak komarane peek ole kiung'egei.

ISAIAH 28:2

Ogeero, tinyei `Kiptaiyat chiito age ne nyigan ak ko kiim; ko uu usoonetap roptap koik, usoonet ne ng'emisyei, ko uu usoonetap peek che kiimeen, che ing'irtogei, wiirchin ng'wony ko uu nooto eng' eunnyi.

ISAIAH 29:4

Ak kinyeratin, ak ing'alaal imi ng'ung'unyek, ak kinyerat ng'aleeguk komang'une temburyek; ak kogergeit tweguuneng'ung' ak chiito ne poisyee oik, ne mang'une ng'ung'unyek, ak ichaam ng'aleeguk eng' temburyek.

ISAIAH 30:30

Ak koyai Kamuktaindet ne Toroor kutinnyi ne po toroornatet kogasak, ak koboor kochoru eunnyi, eng' nyitatetap nereeknatennyi ak liplibenetap maat ne peelsei, kobooto cheet ak usoonet ne oo ak koigap ropta.

ISAIAH 37:24

Koichot Kiptaiyat eng' otwogiguk, ak koile, Anyoone kot aitu paragutap tuloonook kobooto chaang'indap kariisyekyuk, kot aitu oriit eng' Lebanon; ak aluul taragonikyik che kooen, ak piribirinikyik che korooron: ak achute komosta Ne Toroor Miising', timdap mbareennyi ne rurei.

NAHUM 1:1

Maonateet agobo Nineveh. Kitabuut ne po ng'ang'utyetap Nahum Elkosindet.

NAHUM 1:8

Ak eng' maraneet ne oo, ko igeesu komosato, ak koon puunikyik koba mesundeito.

SEKARIA 11:2

Waach, ee piribiryoni, amu kagobut tarakwet, amu kageng'em che korooron: owaach, ee keetiigap Bason, amu kagoluul osneet ne kiim.

MATAYO 7:25

ak ki roobon, ak ki pwa mogoochek, ak kius usoonaik, ak koryep koyooto; ama iluul, amu ki kiteech rwandet parak.

NG'ANG'UTYET 18:21

Ak kisut malaikaiyat ne kiim koita ne uu koitap pai ne oo, ak kowiirchi nyanjet, kole, “Ki wiirtoi Babilon nganaseet ne oo, kobut ko uu nooto eng' kabutet ne oo, ama kenyooru kogeny agoi.

NG'ANG'UTYET 8:7

Ki kuut malaikaiyat ne po tai, ak ki piit koigap ropta ak maat che purugotin ak korotiik, ak ki kiwiirchi ng'wony; ak ki lal kebeberta agenge eng' somok ne po ng'wony, ak ki lal kebeberta agenge eng' somok ne po keetiik, ak kilalyo susweek tugul che tuonen.