ISAIAH 31:6 - BUKUIT NE TILIIL Sireet ne Dutero Kanon

⁶ Oweekyigei ineendet ne ki ongelelji miising', ee lagogap Israel.

Bukuit Ne Tilil

⁶ Oweekyigei ineendet ne ki ongelelji miising', ee lagogap Israel.

BUKUIT NE TILIL

⁶ Oweekyige inendet ne kiongelelji mising’, ee lagokab Israel.

ISAIAH 31:6 ပူးပေါင်းရင်းမြစ်များ

2 ATEPTAP PEETUUSYEK 36:14

Ki ingelelso kogeny miising' tisiik tugul che eecheen, ak piik, koosup tuguuk tugul che kiwechei che po pororyosyek; ak ki imurwon kootap Kamuktaindet ne Toroor ne kiga kotabaan eng' Jerusalem.

Kitabuutap JOB 22:23

Ngot iweekyigei Ineendet Ne po Kamuktaet, keteechin; Ngot iiste tengekto kolooit eng' emaisyeguk.

ISAIAH 1:2

Ogas, ee kipsengwet! Oep iit, inyee ng'wony! Amu kagotwek Kamuktaindet ne Toroor, kole: Ki aguu ak ki aneet lagok, ago ki kongelelja.

ISAIAH 29:15

Pwo eng' icheek che cheeng'ei miising' koung'e Kamuktaindet ne Toroor kirwoogennywa, ak mi poisyonikwak mesundeito, ak mwaei koleen, “Ng'oo ne keerech? Ng'oo ne ingenech?”

ISAIAH 44:22

Ki aiste pistaosyeguk, ko uu pooldet ne oo, ak ki aiste tengekwogiguk, ko uu pooldet: weekyage; amu ki atyachin.

ISAIAH 48:8

Ee, kitom igas, ee kitom inai; ee kitom koyaatak iting'ung': amu ki angen ale iyae kaberberisyet ne oo, ak ki kiguurenen pistoindet kobooch imi moo.

ISAIAH 55:7

ingometo kiptengekyot ooreennyi, ak ingometo ineendet ne ma po iman, kabwaatutikyik: ak ingoweekyigei Kamuktaindet ne Toroor, si koriiree; ak ingoweekyigei Kamuktaindennyo, amu nyochin kaat iman.

JEREMIA 3:10

Ak eng' chu tugul, ko chepkamennyi Judah kaberberindet, koma weekyagei eng' muguleldo komugul, ago eng' ng'aalseet, mwaei Kamuktaindet ne Toroor.

JEREMIA 3:12

Ui, mwachi ng'aleechu komostap murot kaataam, ileenji, weege, inyee Israel ne ki iweekyigei let, mwaei Kamuktaindet ne Toroor. Ma ageerok eng' nereegek. Amu atinye rireenet, mwaei Kamuktaindet ne Toroor, Manereechi agoi.

JEREMIA 3:14

Oweege, okweek lagok che motinye kayaneet, mwaei Kamuktaindet ne Toroor, Amu anee ko aa manong'otyot eng' okweek, amutu chii agenge agenge eng' nganaseet age tugul, ak piik aeng' che po ooreet agenge, ak amutak agoi Zion.

JEREMIA 3:22

Oweege, okweek lagok che ki ogetyigei let, si asoop kachuchugeng'wong' pogei. Ak owolu oleen, Kagibwonjin, amu ii Kamuktaindet ne Toroor, Kamuktaindennyo.

JEREMIA 5:23

Ago tinyei pichu muguleldo ne po pistoet ak ngelelnateet, ki kobistoe ak koba.

EZEKIEL 18:31

Omete pistaosyekwok tugul che ki kogoonok obistoe; ak ochopchigei muguleldo ne leel ak sabeet ne leel: amu nee si obegu, ee kootap Israel?

EZEKIEL 18:32

Amu ma abaibai eng' meetap ineendet ne meei, mwaei Kiptaiyat Kamuktaindet ne Toroor: owalage anyun, si osapche.

HOSEA 9:9

Kigong'emgei miising', ko uu eng' peetuusyegap Gibea: ibwaati ineendet tengektonywa, iityin pireet amu tengekwogikwak.

SEKARIA 1:3

Mwachi anyun icheek ileenji, mwaei Kamuktaindet ne Toroor ne po lugoosyek kole: Oweekyagei, mwaei Kamuktaindet ne Toroor ne po lugoosyek, asi aweekyogei, mwaei Kamuktaindet ne Toroor ne po lugoosyek.

POISYONIGAP CHE KIYOKTOI 26:20

ago ki aboorchi che mi Damasko korook, ak eng' Jerusalem, ak eng' emet komugul ne po Judea, ak eng' Pororyosyek ak icheek, si kosik ak koyan Kamuktaindet, koyaei poisyonik che nyoljin siguunet.

POISYONIGAP CHE KIYOKTOI 3:19

Osigu anyun ak owalage, si kobiit kibukto tengekwogikwok, si kobwa anyun peetuusyek che po kamuung'et che punu taitap Kiptaiyat;