ISAIAH 31:5 - BUKUIT NE TILIIL Sireet ne Dutero Kanon

⁵ Ko uu ye tirirendos toriitik, ko uu nooto riibei Kamuktaindet ne Toroor ne po lugoosyek Jerusalem; riibei ak kosaru, siirtoi kowendi koriibei.

Bukuit Ne Tilil

⁵ Ko uu ye tirirendos toriitik, ko uu nooto riibei Kamuktaindet ne Toroor ne po lugoosyek Jerusalem; riibei ak kosaru, siirtoi kowendi koriibei.

BUKUIT NE TILIL

⁵ Ko u ye tirirendos taritik, ko u noto ribei Jehovah ne bo lugosiek Jerusalem; ribei ak kosoru, siirtoi kowendi koribei.

ISAIAH 31:5 ပူးပေါင်းရင်းမြစ်များ

TAUNET 1:2

Ki ma komi kiy ng'wony ak ki ma kotinyei itoon age tugul. Ki mi mesundeito paragutap rireet ak ki wendoti Kabuusetap Kamuktaindet eng' paragutap peek.

2 LAITORINIK 19:34

‘Amu ariibe nganasani, asaru, agobo anee ak agobo Daudi otwogindennyu.’ ”

2 ATEPTAP PEETUUSYEK 32:22

Ki sar anyun `Kamuktaindet ne Toroor Hezekiah ak piik che ki menyei Jerusalem, eng' eutap Sennacherib laitoryatap Assyria ak eng' eunegap puunikyik tugul, ak koriip icheek eng' komosta age tugul.

TIENWOGIKAL 37:40

Toreti `Kamuktaindet ne Toroor icheek ak kosaru; saru icheek eng' kiptengeginik, ak koeetei, amu kimwechi ineendet.

TIENWOGIKAL 46:5

Mi Kamuktaindet kwenutap nganaseet, ama ki istoi; toreti Kamuktaindet yooto ye kaeech.

TIENWOGIKAL 46:6

Kibolyo pororyosyek, ak kiwaskei laitornatosyek; kitwek ineendet ak kichoot ng'wony.

TIENWOGIKAL 91:4

Tugenen koroorikyik, Ak inyooru ole imwechini eng' kebebaikyik: Imandanyi ko long'eet ak ne kiteektoegei.

KOMONG'U 12:27

Oleenji anyun icheek, ‘Tiseiywot ni ne po paska ne kigonyite Kamuktaindet ne Toroor ne kisiirtoe kooriigap piigap Israel ak kosar eng' Misiri ye kingo parei Misiriik.’ ” Ak ki ing'uruukso piik kolas Kamuktaindet ne Toroor.

KOMONG'U 19:4

‘Ki ogeer kiit ne ki ayachi Misiriik ak ko uu ye ki agesenenak kebebaigap kipsichinik amutwak obwanjo.

ISAIAH 10:14

Ko uu keswetap toriityon ne nyooru chii, ko ki konyoor eunnyu mogornatosyegap pororyosyek; ak ko uu ye iyumi chii mayaik che kigelakta, ki ayum ko uu nooto ng'wony komugul; ak ma piit ne kibirabirto kebepchet, anan ne kitwek, anan ne ki ite.”

ISAIAH 26:1

Tuun kityeni tyeni eng' emetap Judah eng' peetuunooto: Ki tinyei acheek nganaseet ne kiim; ng'atei ineendet yetunet koek inatusyek ak irimoik.

ISAIAH 27:3

Anee Kamuktaindet ne Toroor ne ariibe; abisi kotugul, ariibe kemoi ak peet si ma ng'em chii.

ISAIAH 35:4

Oleenji icheek che aragendos, “Ogimegitu, amoiyweisye! Keero nyoonei anyun Kamuktaindeng'wong' ak yaaktaetap mugetuut, kobooto kageeretap Kamuktaindet; nyoonei kosarwok.”

ISAIAH 37:35

Amu ariibe nganasani, asaru, agobo anee, ak agobo Daudi otwogindennyu.

ISAIAH 38:6

Ak asaruun kobooto nganasani eng' eunegap laitoryatap Assyria: ak ariibe nganasani.

SEKARIA 9:14

Ak kotook Kamuktaindet ne Toroor eng' paragunnywa, ak kwo ne kipchabennyi ko uu kalyeleet; ak koguut Kiptaiyat Kamuktaindet ne Toroor iryageet, ak kwo kobooto kipchurchurinik che po murot tai.

SEKARIA 9:8

Ak ameng'iisye ayiem koonnyu si agirinda lugeet, si ma pun chii yooto anan koweegegei. Ama mi usiindet ne punei kwenunnywa agoi, amu kaageer nguno eng' konyekyuk.

NG'ATUTIK 32:11

Ko uu ye ing'eeti kipsiichit aarekyik, ne wendote paragutap lagokyik koriibei, ne uitoi kebebaikyik, konam icheek, ak kogesene kebebaikyik.