ISAIAH 31:4 - BUKUIT NE TILIIL Sireet ne Dutero Kanon

⁴ Amu mwaei Kamuktaindet ne Toroor kole, ko uu ye pooriseni ng'etundo ak ng'etundo ne parnotyot, agobo tyondo ne kagobar, agot ngeguur mestoweek che chaang' koawenji ineendet, koma arageni eng' waagannywa, anan koming'injigei polatennywa. Chorugei ko uu nooto Kamuktaindet ne Toroor ne po lugoosyek koyai pooryeet eng' tulweetap Zion ak eng' tulweennyi ne ming'in.

Bukuit Ne Tilil

⁴ Amu mwaei Kamuktaindet ne Toroor kole, ko uu ye pooriseni ng'etundo ak ng'etundo ne parnotyot, agobo tyondo ne kagobar, agot ngeguur mestoweek che chaang' koawenji ineendet, koma arageni eng' waagannywa, anan koming'injigei polatennywa. Chorugei ko uu nooto Kamuktaindet ne Toroor ne po lugoosyek koyai pooryeet eng' tulweetap Zion ak eng' tulweennyi ne ming'in.

BUKUIT NE TILIL

⁴ Amu mwaei Jehovah ko u ni kole, Ko u ye boriseni ng’etundo ak ng’etundo ne barnotiot, agobo tiondo ne kagobar, agot ngeguur mestowek che chang’ koawenji inendet, ko maarogeni eng’ waaganywa, anan koming’injigei bolatenywa: chorugei ko u noto Jehovah ne bo lugosiek koyai boriet eng’ tulwetab Sion ak eng’ tulwennyi ne ming’in.

ISAIAH 31:4 ပူးပေါင်းရင်းမြစ်များ

2 ATEPTAP PEETUUSYEK 20:15

Ki le ineendet, “Oeb iit okweek tugul kap Judah ak che omenye Jerusalem, kobooten inyee Laitoryat Jehoshaphat: kamwaiwok Kamuktaindet ne Toroor ko uu ni, kole: ‘Amoiywei anan oaragense amu lugoni oo; amu ma neng'wong' lugeet, ago po Kamuktaindet.

KOMONG'U 14:14

Yaei Kamuktaindet ne Toroor ineendet lugeet agobo okweek; osisye okweek.”

KOMONG'U 14:25

Kichun keelyegap kariisyekwak ak kong'onng'onio kot ko ye ki kwerye ko uueen. Kole anyun Misiriik, “Ongemwee Yahudik amu yaei Kamuktaindet ne Toroor lugeet agobo icheek konyo kobarech acheek.”

ISAIAH 10:16

Igoochin anyun Kiptaiyat Kamuktaindet ne Toroor ne po lugoosyek, piikyik che neryootiin kosagityo, ak tuun piitu liplibenet ne uu ne po maat ne lalei, ne kigeere toroornatennyi.

ISAIAH 12:6

Owaach miising' ak otyense, inyee ne imenye Zion, amu oo Ineendet ne Tiliil ne po Israel eng' kwenung'ung'.”

ISAIAH 30:30

Ak koyai Kamuktaindet ne Toroor kutinnyi ne po toroornatet kogasak, ak koboor kochoru eunnyi, eng' nyitatetap nereeknatennyi ak liplibenetap maat ne peelsei, kobooto cheet ak usoonet ne oo ak koigap ropta.

ISAIAH 30:32

Ak pireet age tugul ne ki king'at, ne pire Kamuktaindet ne Toroor ineendet, komi kobooto sugutisyek che mengech, ak ketubosyek. Ak koboryo kobooto icheek eng' lugoosyek che kitumdumi.

ISAIAH 42:13

Mandoi Kamuktaindet ne Toroor ko uu chiito ne kiim; ing'eeti nereegek ko uu chiitap lugeet; polei, ee waachei miising'; iboorchin puunikyik kamugennyi.

JEREMIA 50:44

Ogeero, togosu ineendet ko uu ng'etundo kobunu Jordan ko kanyi peek miising' kobargei ak meng'ooteet ne kiim: ago achee aoone komwei ineendet: ak age tugul ne kileweni, agoochini koboi ineendet: amu ng'oo ne kegerge, ak ko ng'oo ne ng'atwa peetuut? Ak ko ng'oo mestowot ne tononi eng' tainnyu?

HOSEA 11:10

Pendoti icheek kosuboti Kamuktaindet ne Toroor, ne poriseni ko uu ng'etundo: amu poriseni ineendet, ak kobwa lagok kobotanionu kobunu cherongo.

AMOS 3:8

Kagoborisen ng'etundo, ng'oo ne ma iyweisyei? Kagong'alaal Kiptaiyat Kamuktaindet ne Toroor, ko ng'oo anyun ne ma maoteni?

SEKARIA 12:8

Riibei Kamuktaindet ne Toroor eng' peetuunooto piik che menyei Jerusalem; ak koigei ne nyalulat eng' icheek Daudi eng' peetuunooto; ak koigei kootap Daudi Kamuktaindet, ko uu malaikaiyatap Kamuktaindet ne Toroor ne mi tainnywa.

SEKARIA 14:3

Yeityo kwo Kamuktaindet ne Toroor, kwo kobargei ak pororyosyechooto, ko uu ye kiyaei pooryeet eng' peetuutap lugeet.

SEKARIA 2:5

Amu mwaei Kamuktaindet ne Toroor kole, Aegu irimeet ne po maat eng' komoswek tugul, ak aegu toroornatet eng' kwenunnyi.”

SEKARIA 9:15

Ak koriip Kamuktaindet ne Toroor ne po lugoosyek icheek; ak kogees ak kotyekyi ng'wony koik che ki wiirtoe porowet; ak koeeiso ak kowaakyo ko uu che kae divaik, ak kinyiit ko uu taabook, ko uu luukwegap kaptisisyet.

SEKARIA 9:8

Ak ameng'iisye ayiem koonnyu si agirinda lugeet, si ma pun chii yooto anan koweegegei. Ama mi usiindet ne punei kwenunnywa agoi, amu kaageer nguno eng' konyekyuk.

NG'ANG'UTYET 10:3

ak kitwek eng' kutit ne oo, ko uu ye morori ng'etundo. Ak ye kingo kagotwek, kobolyo tuloosyek tisabu.

NG'ANG'UTYET 5:5

Ki leenjo age eng' poisyechugai, “Merire! Keero, ki koterter Ng'etundo ne po ooreetap Judah, Tigityot ne po Daudi, si kobiit koyaat bukuinooto ak ng'ooksosyechooto tisap.”