ISAIAH 31:2 - BUKUIT NE TILIIL Sireet ne Dutero Kanon

² Ago utaat ineendet agine ak ibu yaityet, ama walei ng'aleekyik; ago ng'eetei kogirindoi kootap yaigap yaityet, ak toretetap icheeget che yaei tengekto.

Bukuit Ne Tilil

² Ago utaat ineendet agine ak ibu yaityet, ama walei ng'aleekyik; ago ng'eetei kogirindoi kootap yaigap yaityet, ak toretetap icheeget che yaei tengekto.

BUKUIT NE TILIL

² Ago ng’om inendet agine, ak ibu yaitiet, ama walei ng’alekyik: ago ng’eetei kogirindoi gotab yaikab yaitiet, ak toretetab icheget che yaei tengekto.

ISAIAH 31:2 ပူးပေါင်းရင်းမြစ်များ

Kitabuutap JOB 12:13

Mi utaatyet ak kamuktaet kobooto ineendet; tinyei kirwooget ak naet.

Kitabuutap JOB 12:16

Mi kobooto ineendet kimnateet ak utaatyet; nenyi ne kiberberi ak kaberberindet.

Kitabuutap JOB 5:13

Namei che utaatiin eng' ng'ulaatyetap ng'aalseennywa, ak sip kong'emaksei kirwoogutigap che imaasotin.

ISAIAH 1:4

Pwo! Pororyet ne yaei tengekto, piik che laei yaityet, iyoteetap yaigap yaityet, lagok che yaei ng'emisyet! Ki kometo Kamuktaindet ne Toroor, Ki kogas Ineendet ne Tiliil ne po Israel, ki kotoiyegei kochuchuigei.

ISAIAH 14:20

Motuitosi kobooto icheek eng' tubeet, amu ki ing'em emeng'ung', ki ibar piiguk. Ma kemwaei koigeny iyoteetap piik che yaei yaityo.

ISAIAH 21:17

Ng'ering'itu anyun che ng'etu eng' mwogik ak murenik che kiimeen che po piigap Kedar.” Amu kagomwa niito Kamuktaindet ne Toroor, Kamuktaindetap Israel.

ISAIAH 22:14

Ki ng'aang'jigei Kamuktaindet ne Toroor ne po lugoosyek itiikyuk koleen: “Ma kitiliilok iman eng' yaityoni kot obegu,” mwaei Kiptaiyat, Kamuktaindet ne po lugoosyek.

ISAIAH 28:21

Amu ng'eetei Kamuktaindet ne Toroor ko uu eng' tulweetap Perasim, nereechi ko uu eng' atebweetap Gibeon; si kobiit koyai poisyennyi, poisyennyi ne teer, ak kogees poisyennyi, poisyennyi ne teer.

ISAIAH 28:29

Punu niito agine Kamuktaindet ne Toroor ne po lugoosyek, ne kikwong'ee kirwoogennyi, ak kogesunotkei eng' utaatyet.

ISAIAH 30:3

Egu anyun kimnateetap Pharaoh kalilaneng'wong', ak koek kamang'unet ne omang'u urwetap Misiri, toiyeng'wong'.

ISAIAH 30:7

Amu puch toretetap Misiri, ma tilei kiy, ki aguure anyun ineendet Rahab ne tebyei kosiisei.

ISAIAH 31:3

Ago piik Misiriik, ak ma Kamuktaindet; ak panyeek paraisisyekwak, ama kiy. Ye chuul Kamuktaindet ne Toroor eunnyi, keriichei ineendet ne toretisyei, ak ibuti ne ketoreti, ak kobutos tuwai.

ISAIAH 32:6

Amu ng'alaali ne perber kaberberisyet, ak koyai muguleldanyi tengekto, kochombilis, komwa ne ya agobo Kamuktaindet ne Toroor, kometo puch saboondo ne amei rubeet, ak koete koee ne amei melel.

ISAIAH 45:7

Ayae lapkeiyet, ak ayae mesundeito; ayae kaalyeet, ak ayae yaityet; aa Kamuktaindet ne Toroor, ne yaei tuguuchuuto tugul.

ISAIAH 9:17

Maboiboitu Kamuktaindet ne Toroor eng' murenikwak, ama riiree chechwaak che ma tinyei sigiik ak mosoogikwak; amu ya age tugul ak ko yaindetap yaityet, ak komwaei kutit age tugul abusnateet. Nganda uu nooto, koma istogei nereegekyik, ago ta ko chuulaat eunnyi kora.

JEREMIA 10:12

Ki yai ng'wony eng' kamuktaennyi, ki igimit ng'wonyuni eng' utotyennyi, ak kiito kipsengwet eng' naennyi.

JEREMIA 10:7

Ng'oo ne ma iywein, ee Laitoryatap pororyosyek? Nyoljinin toroornatet amu ma mi ne uu inyee eng' piik tugul che utaatiin che po pororyosyek, ak eng' pounatosyekwak tugul.

JEREMIA 36:32

Ki nam anyun Jeremiah bukuit age ne mamanat, ak kogoochi Baruk siriindet, weeriitap Neriah; ne ki sirchi ng'aleek tugul che kimwaei Jeremiah che ki mi bukuit, ne kiga kobeel Jehoiakim laitoryat ne po Judah: ak ki kitesyi ng'aleek alak che chaang' che kergei ak chugiche.

EZEKIEL 29:6

Ak konai piik tugul che menyei Misiri kole aa Kamuktaindet ne Toroor, amu ki ek icheeget kirokto ne po tegat eng' kootap Israel.

AMOS 3:6

Tos kiguutei iryageet eng' nganaseet, ama iyweis piik? Tos nyoonjin yaityet nganaseet, ama iyookyi Kamuktaindet ne Toroor?

SEPANIA 3:8

Ogeno anyun, mwaei Kamuktaindet ne Toroor, kot koit peetuut ne aipchini kirwooget. Ye katil ayum pororyosyek, ale atuiyo pounatosyek, si aroong'ji icheek nereegekyuk, nereegekyuk tugul che koroomen. Ne matiny ko tuun kibeelei ng'wony tugul eng' maatap ng'etkondanyu.

SEKARIA 1:6

Ago tos ki ma ityi kwanisyekwok ng'aleekyuk ak ng'atuutikyuk che ki ang'at otwogikyuk maotik? Ak ki week icheek ak kole, “Ki koyaiywech Kamuktaindet ne Toroor ne po lugoosyek ko uu ye kiga ibwaat kole yaiywech ko uu ortinwekyok, ak ko uu poisyonikyok.”

KAITOSYEK 10:35

Atkai tugul ye kingwo tai moinget, kole anyun Musa, “Ng'eet, ee Kamuktaindet ne Toroor, Ingoiyesta puuniguk ak ingomwei eng' taing'ung' che wechin.”

KAITOSYEK 23:19

Ma chiito Kamuktaindet, kot komwa lembech, anan weeriitap chii, kot kowal kabwaatutikyik. Tos kagomwa, ak ma yaei? Anan kagomwa, ama yaei kosulda?

MATAYO 24:35

Siirtoi kipsengwet ak ng'wony, ago ma siirtoi ng'aleekyuk.

ROMANIK 16:27

po Kamuktaindet ne utaat ineegei toroornatet koigeny, eng' Jeso Kristo. Amen.

JOSHUA 23:15

Ago onai anyun ole, ko uu ye ki pwanjok tuguuk tugul che myachen che kimwaiwok Kamuktaindet ne Toroor Kamuktaindeng'wong', koibwok Kamuktaindet ne Toroor ko uu nooto, tuguuk tugul che yaacheen agoi kogeswok eng' emoni karaaran ki koonok Kamuktaindet ne Toroor Kamuktaindeng'wong'.

JUDA 1:25

kobunji Kamuktaindet ne ineegei ne Yetindennyo, eng' Jeso Kristo Kiptaiyandennyo, toroornatet, etunateet, pounateet ak kimnateet, kobooch keny, nguno ak agoi koigeny. Amen.

1 SAMUEL 2:3

Among'alaal eng' menoteet, anan komang'une kutusweekwok lasetapkei. Amu Kamuktaindet ne Toroor ko Kamuktaindet ne po naet tugul, eng' ineendet ko naaksei ole uu poisyonik.