ISAIAH 30:32 - BUKUIT NE TILIIL Sireet ne Dutero Kanon

³² Ak pireet age tugul ne ki king'at, ne pire Kamuktaindet ne Toroor ineendet, komi kobooto sugutisyek che mengech, ak ketubosyek. Ak koboryo kobooto icheek eng' lugoosyek che kitumdumi.

Bukuit Ne Tilil

³² Ak pireet age tugul ne ki king'at, ne pire Kamuktaindet ne Toroor ineendet, komi kobooto sugutisyek che mengech, ak ketubosyek. Ak koboryo kobooto icheek eng' lugoosyek che kitumdumi.

BUKUIT NE TILIL

³² Ak biret age tugul ne kiging’at, ne bire Jehovah inendet, komi koboto sugutisiek che mengech, ak ketubosiek: ak koborio koboto ichek eng’ lugosiek che kitumdumi.

ISAIAH 30:32 ပူးပေါင်းရင်းမြစ်များ

TAUNET 31:27

Kilya si imweu iung'anugei ak ing'ala, ne ma imwaiwo, si kobiit aunden iwe eng' poiboiyet ak tyenwogik, ak sugutit ne ming'in ak ketubet;

2 ATEPTAP PEETUUSYEK 32:8

Mi kobooto ineendet kityo euut ne po poorto; ago mi kobootech Kamuktaindet ne Toroor Kamuktaindennyo, kotoretech ak koyai lugosyekyok.” Ak kinyoor piik nyiganateet eng' ng'aleegap Hezekiah laitoryatap Judah.

Kitabuutap JOB 16:12

Ki amuunyi, ak ki iria; kagonama kaatit ak kowiirta konyaknyagana. Kagondea kogeny aek kiit ne mwogei;

ISAIAH 10:24

Mwaei anyun Kiptaiyat, Kamuktaindet ne Toroor ne po lugoosyek, kole, “Ee piikyuk che menyei Zion, amoiywei Assyria; nganda pirin eng' kirokto, ak konamjin parak agobo inyee, ko uu piteetap Misiri.

ISAIAH 10:26

Ak kong'eetyi Kamuktaindet ne Toroor ne po lugoosyek ineendet pireet, ko uu parisyetap Midianik eng' rwandetap Oreb. Tuun pou kiroktonyi nyanjet, ak konamji parak ko uu piteetap Misiri.

ISAIAH 11:15

Ak kong'em Kamuktaindet ne Toroor kowong' ng'elyeptap nyanjetap Misiri; ak kotwaitwai eunnyi kotokyi aineet eng' usoonennyi ne peelsei, ak kobir kobiitune ainoosyek tisabu, ak kogoochi piik kolanda kolaagoti kweonik.

ISAIAH 19:16

Eng' peetuunooto, ko kergeitu Misiri ak kwonyiik. Potani icheek ak koiyweisyei amu twaitwaetap eutap Kamuktaindet ne Toroor ne po lugoosyek, ne twaitwai eng' paragunnyi.

ISAIAH 2:19

Ak komwechi piik kebenonik che mi rwandosyek, ak keriingonik che mi ng'wony, komwee kamuisetap Kamuktaindet ne Toroor, ak eng' toroornatetap etunatennyi, ye kang'eet kotumdum ng'wonyuni eng' kimnateet.

ISAIAH 24:1

Ogeero, yaei `Kamuktaindet ne Toroor ng'wony koek ole ma mi kiy ak koek surkwen, ak kogabui, ak koseer piik che menyei olooto.

ISAIAH 24:8

Siisei kagasetapkei ne po sugutit ne ming'in, igeesugei polatetap icheeget che poiboi, siisei poiboiyetap ketubet.

ISAIAH 30:29

Onyooru tyendo ko uu eng' kemout ye kiyaei igoorto ne tiliil; ak kagasetapkei ne po muguleldo, ko uu ye ibei chiito ndurerut si kwo tulweetap Kamuktaindet ne Toroor, agoi Rwandetap Israel.

ISAIAH 31:4

Amu mwaei Kamuktaindet ne Toroor kole, ko uu ye pooriseni ng'etundo ak ng'etundo ne parnotyot, agobo tyondo ne kagobar, agot ngeguur mestoweek che chaang' koawenji ineendet, koma arageni eng' waagannywa, anan koming'injigei polatennywa. Chorugei ko uu nooto Kamuktaindet ne Toroor ne po lugoosyek koyai pooryeet eng' tulweetap Zion ak eng' tulweennyi ne ming'in.

JEREMIA 31:4

Ateechin kogeny ak iteegoksei, ee pergeiyatap Israel! Kilelesonin kogeny ak kobooto sugutisyeguk che mengeechen, ak iwe iurerenote kobooto icheek che igasegei.

EZEKIEL 28:13

Ki imi Eden, mbareetap Kamuktaindet; ki itugegei koita age tugul ne po kamanuutyet, sardio, topasio, ak yaholom, berulo, soari, jasipi, sapphire, sumaragdo, ak bareqet, ak thahabu: ki miitei oriing'ung' poisyetap sugutisyeguk che mengeechen ak ndurerusyeguk; ki kichop chooto eng' peetuut ne ki kitau keyain.

EZEKIEL 32:10

Ee, agoochini pororyosyek che chaang' kokwong'enen, ak koiyweis miising' laitorinikwak agobo inyee, ye tuun abarbar rotwennyu po chok eng' tainnywa; ak kobotanso eng' sait age tugul, kobotan chii tugul agobo saboondanyi, eng' peetuutap kabuteng'ung'.

HEBRANIK 12:26

ne ki itumdum ng'wony kutinnyi peetuunooto: ago kagoaror anyun nguno, kole, “Ta atumdumi kogeny konyil agenge, ma ng'wony kityo, ago kipsengwet agine.”

1 SAMUEL 10:5

Ye ibata, iwe itestai agoi iit tulweetap Kamuktaindet ole mi kiplugotinigap Philistiik. Ye iit nganaseet, ituiye maotik che kaiyumgei kochoorugei eng' kapkoros kotinyei kibugandet, sugutit ne ming'in, ndurerut ak ketubet eng' tainnywa komaotenonu.

1 SAMUEL 18:6

Ye kingo pwanei icheek koweeksei Daudi kobunu pareetap Philistindet, komong' kwonyiik eng' nganasook tugul che po Israel kotyenonu ak kourereni kotorogu Laitoryat Saulo ak kobirei sugutisyek che mengeechen kobooto tuguuk che kibutei eng' poiboiyet.