ISAIAH 30:29 - BUKUIT NE TILIIL Sireet ne Dutero Kanon

²⁹ Onyooru tyendo ko uu eng' kemout ye kiyaei igoorto ne tiliil; ak kagasetapkei ne po muguleldo, ko uu ye ibei chiito ndurerut si kwo tulweetap Kamuktaindet ne Toroor, agoi Rwandetap Israel.

Bukuit Ne Tilil

²⁹ Onyooru tyendo ko uu eng' kemout ye kiyaei igoorto ne tiliil; ak kagasetapkei ne po muguleldo, ko uu ye ibei chiito ndurerut si kwo tulweetap Kamuktaindet ne Toroor, agoi Rwandetap Israel.

BUKUIT NE TILIL

²⁹ Onyoru tiendo ko u eng’ kemout ye kiyaei igorta ne tilil; ak kagasetab ge ne bo muguleldo, ko u ye ibei chito ndurerut si kwo tulwetab Jehovah, agoi Ruandetab Israel.

ISAIAH 30:29 ပူးပေါင်းရင်းမြစ်များ

TIENWOGIKAL 18:31

Amu tos ng'oo Kamuktaindet, kobatee Kamuktaindet ne Toroor? Ak tos ng'oo rwandet, kobatee Kamuktaindennyo?

TIENWOGIKAL 32:7

Inyee ko ii oldanyu ole aung'egei; iriibo inyee si ma nyoorwo nyalilda. Iyiemena tyenwogigap yetunet.

TIENWOGIKAL 42:4

Abwaati tuguuchu, ak ang'aanye saboondanyu eng' oriitinnyu, ko uu ye ki kibe ak tuiyet, ak andochi koba kootap Kamuktaindet, eng' kutit ne po poiboiyet ak kalasunet, kobooto tuiyet ne kiriibei peetuutap igoorto.

TIENWOGIKAL 42:5

Amu nee si ing'uruuge, ee saboondanyu? Amu nee si iimge eng' anee? Imang'u Kamuktaindet; amu ta alasu ineendet amu yetunet ye mi ineendet kobooto.

ISAIAH 12:1

Eng' peetuunooto imwae ile, “Aweegun kongoi, ee Kamuktaindet ne Toroor; agot nganda ki inereekyo, ko kageisto nereegeguk, ak igoigoa.

ISAIAH 17:10

Amu kiutye Kamuktaindetap yetuneng'ung', ama ibwaat rwandetap kimnateng'ung'; igoole anyun keetiik che korooron, ak keetiik alak che teer;

ISAIAH 2:3

Tuun itendenjin olooto piik che chaang' koleen, “Obwa, keebe ketogoste tulweetap Kamuktaindet ne Toroor, agoi kootap Kamuktaindetap Jakobo; si koneetech ortinwekyik, si kebendatee ortinwekyik.” Amu mang'une ng'atuutik Zion, ak komang'une ng'olyootap Kamuktaindet ne Toroor Jerusalem.

ISAIAH 26:1

Tuun kityeni tyeni eng' emetap Judah eng' peetuunooto: Ki tinyei acheek nganaseet ne kiim; ng'atei ineendet yetunet koek inatusyek ak irimoik.

ISAIAH 26:4

Omang'u Kamuktaindet ne Toroor koigeny, amu mi eng' Kamuktaindet ne Toroor rwandet ne po koigeny.

ISAIAH 30:28

ak uu kabusennyi kereruut ne mi peek che ing'irtogei, che itei kaatit, si kobiit kochuchugan pororyosyek eng' kipchuchugetap ng'emisyet, ak kirate kutusweegap piik karnet ne imaasi.

ISAIAH 30:30

Ak koyai Kamuktaindet ne Toroor kutinnyi ne po toroornatet kogasak, ak koboor kochoru eunnyi, eng' nyitatetap nereeknatennyi ak liplibenetap maat ne peelsei, kobooto cheet ak usoonet ne oo ak koigap ropta.

ISAIAH 44:8

Amoiywei, anan oaragense: tos ma amwaun niito keny, aboorun? Oo paorinikyuk. Tos mi Kamuktaindet age kobatena? Ee, ma miitei Rwandet; mangen age.

JEREMIA 33:11

kigasei tuugeetap poiboiyet ak ne po kagasetapkei, ne po sandet ak ne po murereet, tuugeetap icheek che mwaei kole, oweekyi kongoi Kamuktaindet ne Toroor ne po lugoosyek, amu myee Kamuktaindet ne Toroor, amu tebyei koigeny rireenennyi: ak tuugeetap che igoitoi korosegap kongoi kobwa kootap Kamuktaindet ne Toroor. Amu agoochini koweek piigap emet che kigeluul, ko uu eng' tai, mwaei Kamuktaindet ne Toroor.

ATEPTAP LAWIK 23:32

Egu sabato ne po kamuung'et eng' okweek ak oming'inge. Oriip sabato neng'wong' peetuut ne po sogool ne po arawet, kobooch koskoleny agoi koskoleny.”

MATAYO 26:30

Ye kingo kagotyen tyendo, komanda koba tulweetap Mseituni.

NG'ATUTIK 16:14

Paibaitu eng' igoortang'ung', inyee ak weeriing'ung' ak cheptong'ung', otwogeng'ung' ne muren ak ne tye, Lawindet, toondet, ne ma tinyei sigiik ak mosoget che mi nganasooguk.

NG'ATUTIK 16:6

kobatee eng' ole leweni Kamuktaindet ne Toroor Kamuktaindeng'ung' kotebee kainennyi, ieny eng' olooto che po paska koskoleny, ye machei kororokto asiista eng' peetuut ne ki imong'u eng' Misiri.

NG'ATUTIK 32:31

Amu ma uu rwandennywa rwandennyo, ak kongen ak icheek puunikyok kole uu nooto.

NG'ATUTIK 32:4

Rwandet ineendet, ititaat poisyennyi, amu imanda ortinwekyik tugul. Kamuktaindet ne po imanit ne ma tinyei yaityo, po imanda ineendet ak kosuldaat.

NG'ANG'UTYET 15:3

Ak kotyeni icheek tyendap Musa otwogindetap Kamuktaindet, ak tyendap Aarwet, koleen, “Eechen poisyoniguk ak ko po kwong'eet, ee Kiptaiyat Kamuktaindet, Ne po Kamuktaet. Po imanda ak ko po iman ortinweguk, inyee Laitoryatap pororyosyek.