ISAIAH 30:28 - BUKUIT NE TILIIL Sireet ne Dutero Kanon

²⁸ ak uu kabusennyi kereruut ne mi peek che ing'irtogei, che itei kaatit, si kobiit kochuchugan pororyosyek eng' kipchuchugetap ng'emisyet, ak kirate kutusweegap piik karnet ne imaasi.

Bukuit Ne Tilil

²⁸ ak uu kabusennyi kereruut ne mi peek che ing'irtogei, che itei kaatit, si kobiit kochuchugan pororyosyek eng' kipchuchugetap ng'emisyet, ak kirate kutusweegap piik karnet ne imaasi.

BUKUIT NE TILIL

²⁸ ak u kabusennyi kererut ne mi beek che ing’irtogei, che itei kaatit, si kobiit kochuchugan bororiosiek eng’ kipchuchugetab ng’emisiet: ak kirate kutuswekab bik karnet ne imaasi.

ISAIAH 30:28 ပူးပေါင်းရင်းမြစ်များ

2 SAMUEL 17:14

Kole anyun Absalom ak piik tugul che po Israel, Karaaran kirwoogetap Hushai Arkindet kosiir kirwoogetap Ahitopel. Amu kiga til Kamuktaindet ne Toroor koterteer kirwooget ne myee ne po Ahitopel, si kobiit koipchi Kamuktaindet ne Toroor yaityet Absalom.

2 LAITORINIK 19:28

Amu nereegeguk che koroomen agobo anee, ak amu kogoit itiikyuk loseng'ung' pogei, andoi anyun kombet serung'ung', ak ande karnennyu kuting'ung'. Aweechin anyun ibun ooreet ne ki ibunu.”

Kitabuutap JOB 39:17

amu ki eetee Kamuktaindet utaatyet, ama igoochi kaguiyet.

TIENWOGIKAL 18:15

Ki took anyun kereruusyegap peek, ak king'ang'agis lumeiywegap ng'wony, ye ki iger kong' inyee, ee Kamuktaindet ne Toroor, eng' cheetap kabuusetap seruneguk.

TIENWOGIKAL 32:9

Amoige paraisiit, anan nyumbut, che ma tinyei kaguiyet, che tinyei kariik eng' kutusweek, ak anook che kirang'e, ngo ma uu nooto koma riikyin.

KALEWANAIK 26:3

Ko uu ye po `kipchoritiit paraisiit, ak ko uu ye po `karnetap kutit sigiryet, ko uu nooto, po `kirokto chiito ne perber.

ISAIAH 11:4

ago irwooksechin kibananook eng' imanda, ak koger kong' che talaen che po ng'wony eng' imanda: ak kobir ng'wonyuni eng' kirokto ne po kutinnyi, ak kobare kiptengeginik kabusennyi.

ISAIAH 17:13

Ruaei pororyosyek ko uu rwaetap peek che chaang', ago kerei kong' ineendet icheek, ak komwei kolooegitu. Ak keon ko uu meteteek che ibei usoonet eng' tuloonook, ak ko uu ye arureni temburyek eng' kipchurchuryet.

ISAIAH 17:14

Ogeero, mi kamuiset koskoleny, ak kobetyo kotom koeech! Niito kebebertap icheek che luuleech, ak ko kebebertap icheek che rebenech.

ISAIAH 19:3

Ak tuun kiyaei koek puch kimnateet Misiri eng' kwenunnyi, ak ang'em kirwoogutikyik; ak koba kocheeng' kanamonik ak piik che abusisyei, ak che poisyee oik, ak pooniik.

ISAIAH 28:15

Amu ki omwa ole, “Ki kiyomiske ak meet, ak ki kiyanjine ak ye mi meet; ye siirto pireet ne oo, koma ityinech; amu ki keyai lembechek koek ole kimwechini, ak ki kiung'egei lembeita;”

ISAIAH 28:2

Ogeero, tinyei `Kiptaiyat chiito age ne nyigan ak ko kiim; ko uu usoonetap roptap koik, usoonet ne ng'emisyei, ko uu usoonetap peek che kiimeen, che ing'irtogei, wiirchin ng'wony ko uu nooto eng' eunnyi.

ISAIAH 29:6

nyoonjin Kamuktaindet ne Toroor ne po lugoosyek ineendet eng' tuleet, eng' potaneetap ng'wony ak polateet ne oo ak kipchurchuryet, kobooto usoonet ne oo, ak liplibenetap maat ne peelsei.

ISAIAH 30:29

Onyooru tyendo ko uu eng' kemout ye kiyaei igoorto ne tiliil; ak kagasetapkei ne po muguleldo, ko uu ye ibei chiito ndurerut si kwo tulweetap Kamuktaindet ne Toroor, agoi Rwandetap Israel.

ISAIAH 30:33

Amu kigechop Topet kobooch keny; ee, kigechopchi laitoryat; ki koyai kolooit kwo ng'wony ak kotebeesit: karurugutyennyi ko maat ak kweenik che chaang'; inaami kabuusetap Kamuktaindet ne Toroor, ne kergei ak koik che laldos, che isururu.

ISAIAH 37:29

Amu nereegeguk che koroomen agobo anee, ak amu kogoit itiikyuk loseng'ung' pogei, andoi anyun kombet serung'ung', ak ande karnennyu kuting'ung', ak aweechin ibun ooreet ne kebunu.

ISAIAH 59:19

Iywei anyun kainetap Kamuktaindet ne Toroor eng' cherongo, ak koywei toroornatennyi eng' ole charunee asiista: amu nyoonei ko uu aineet ne isururtoi, ne oonei kabuusetap Kamuktaindet ne Toroor.

ISAIAH 63:17

Ee, Kamuktaindet ne Toroor, amu nee si igoonech kemaste eng' ortinweguk, ak iuuit mugulelwekyok si ma kiywein? Weege amu otwogiguk, pororyosyegap poroteng'ung'.

ISAIAH 8:8

ak kobokto kwo Judah, ak koyom kosiir olooto, nyiei kot koit kaatit; ak konyiiei kaiitoetap kebebaikyik tebeesindap emeng'ung', ee Immanuel.”

HOSEA 13:3

Kergeitu anyun ak poldetap karon, ak rewoot ne sip kobetei, ak ko uu meteteek che ibei kipchurchuryet eng' rwanyut ne kiboorsee, ak ko uu iyeto ne mandoe soiyet.

AMOS 9:9

Amu, ogeero, ang'ate, ak aseisei kootap Israel eng' pororyosyek tugul, ko uu ye kiseisei peek eng' kiit ne kiseiseisye, ago ma ibutyin ng'wony paiywat agot ne ming'in.

MATAYO 3:12

Tinyei eng' eunnyi keibennyi, ak kotiliili komyee rwanyut; ak koyumji nganuuk chogennyi, ak kobeele `meteteek maat ne ma imisoksei.”

LUKA 22:31

Simion, Simion, keero, kagosoom Setani kole konamak, si kosesak ko uu nganuuk:

2 THESSALONIKEK 2:11

Amu niito anyun, iyookyin Kamuktaindet icheek kamaaset ne poisye si kobiit koyan lembeita:

2 THESSALONIKEK 2:8

Ak yeityo keng'aany ngelelyot, ne tuun parei Kiptaiyat Jeso eng' kabuusetap kutinnyi, ak kong'em koek puch eng' ng'ang'eetap nyonunennyi;

HEBRANIK 4:12

Amu sabei ng'olyootap Kamuktaindet, ak kogim, ak ko ng'atip kosiir rotwetap chok ne ng'atiben komoswek tuwai, ak kotoorei agoi koobeesyo saboondo ak sabeet, ak ole tuiyechin kawek ak amseet, ak chepchep koguiyo kabwaatutik ak magutigap muguleldo.

NG'ANG'UTYET 1:16

Ki tinyei kecheik tisap eng' eunnyi ne po tai, ak ki mang'une kutinnyi rotwetap chok ne ng'atiben komoswek tuwai. Ki uu togeennyi asiista ne iluu eng' kimnateennyi.

NG'ANG'UTYET 2:16

Sigu anyun! Ngo ma uu nooto, anyoonjin achogu, ak anyoo aborye icheek eng' rotwetap chok ne po kutinnyu.