ISAIAH 29:22 - BUKUIT NE TILIIL Sireet ne Dutero Kanon

²² Mwaei ko uu ni anyun Kamuktaindet ne Toroor, ne ki ityaach Abraham, agobo kootap Jakobo, kole ma kolilani anyun Jakobo, ama koarageni kogeny.

Bukuit Ne Tilil

²² Mwaei ko uu ni anyun Kamuktaindet ne Toroor, ne ki ityaach Abraham, agobo kootap Jakobo, kole ma kolilani anyun Jakobo, ama koarageni kogeny.

BUKUIT NE TILIL

²² Mwaei ko u ni anyun Jehovah, ne kiitiach Abraham, agobo gotab Jakobo, kole, Ma kolilani anyun Jakobo, ama koarogeni.

ISAIAH 29:22 ပူးပေါင်းရင်းမြစ်များ

TAUNET 48:16

malaikaiyat ne ki ityaacha eng' yaitwogik tugul, ingoberuur lagochu; ak keguurtoe icheek kainennyu, ak kainaigap kwanisyekyuk ak icheek, Abraham ak Isak; ak ingotesagis kochang'a eng' kwenutap ng'wony.”

ISAIAH 41:14

Meiywei, inyee Jakobo, ne ii kutyet, ak okweek piigap Israel; atoretiin, mwaei Kamuktaindet ne Toroor, ak katyagindeng'ung' ko Ineendet ne Tiliil ne po Israel.

ISAIAH 45:17

Ago saru Kamuktaindet ne Toroor Israel eng' yetunet ne po koigeny: molilandosi anan otoptobense koigeny ak koigeny.

ISAIAH 45:25

Ki ityin imanda iyoteet tugul ne po Israel eng' Kamuktaindet ne Toroor, ak kolasunegei.

ISAIAH 50:7

Amu toreto Kiptaiyat Kamuktaindet ne Toroor; ma alilan anyun amu nooto: ki auuiit anyun togeennyu koigei rwandet ne uui, ak angen ale ma lilani.

ISAIAH 51:11

Ak koweegegei che po Kamuktaindet ne Toroor che ki kityaach, ak kobwa Zion kotyenonu; ak tebee metowekwak poiboiyetap koigeny: nyooru kaagaasetapkei ak poiboiyet, ak komwei arageneet ak tigenet.

ISAIAH 51:2

Ogeer Abraham kwandang'wong', ak Sara ne kisichok: amu ki aguur ineendet ye kita komi ineegei, ak aberuur ineendet ak abaraa.

ISAIAH 54:4

Meiywei, amu melilani; anan itoptoben; amu ma kiteweerin, amu iutye teweernatetap ming'inateng'ung', ama ibwaati chotisyetap mosoknateng'ung'.

ISAIAH 63:16

Amu ii kwandanyo, agot ngo ma ingenech Abraham, ama naech Israel; ee, Kamuktaindet ne Toroor, inyee ko ii kwandanyo; kaineng'ung' ko katyagindennyo kobooch keny.

JEREMIA 30:10

Meiywei anyun, ee Jakobo otwogindennyu, mwaei Kamuktaindet ne Toroor; ametoptoben, ee Israel: amu asaruun eng' ole loo, kobooto iyoteng'ung', komong' eng' emet ne kiga kiluulji; ak koweek Jakobo, ak kosiis, ak komuuny, ama komi chii ne imui ineendet.

EZEKIEL 37:24

Ak koek otwogindennyu Daudi laitoryannywa; ak konyoor icheek tugul mestowot agenge: ak kobendatee kirwoogutikyuk ak koriip ng'atuutikyuk ak koyai.

EZEKIEL 37:28

Ak konai pororyosyek kole aa Kamuktaindet ne Toroor ne atabaani Israel, ye tuun tebee oldanyu ne tiliil kwenunnywa koigeny.

EZEKIEL 39:25

Mwaei anyun Kiptaiyat Kamuktaindet ne Toroor kole: Amutu kogeny che ki kiluul che po Jakobo, ak ariiree koot komugul ne po Israel; ak koama ng'etkong' agobo kainennyu ne tiliil.

JOEL 2:27

Ak onai ole ami kwenutap Israel, ak onai ole aa Kamuktaindet ne Toroor Kamuktaindeng'wong', ama mi age: ak ma kolilaandos piikyuk kogeny.

LUKA 1:68

“Iberuurot Kiptaiyat, Kamuktaindet ne po Israel; amu kagorutoochi piikyik ak koyachi katyaget icheek,

NG'ANG'UTYET 5:9

Ak kotyeni tyendo ne leel, koleen: “Nyoljinin inam bukuit, ak iyat ng'ooksosyekyik, amu ki kibarin, ak eng' korotiguk ko ki ialji Kamuktaindet piik kobun pororyet age tugul, kutit age tugul, piik alak tugul ak emet age tugul.