ISAIAH 29:21 - BUKUIT NE TILIIL Sireet ne Dutero Kanon

²¹ che igoochin piik kochalwogense ng'aleekwak, ak koriich mesteet agobo ineendet ne itigonisyei eng' ormariichet, ak komaas chiito ne po iman eng' kiit ne po puch.

Bukuit Ne Tilil

²¹ che igoochin piik kochalwogense ng'aleekwak, ak koriich mesteet agobo ineendet ne itigonisyei eng' ormariichet, ak komaas chiito ne po iman eng' kiit ne po puch.

BUKUIT NE TILIL

²¹ che igochin bik kochalwogense ng’alekwak, ak koriich mestet agobo inendet ne itigonisiei eng’ ormarichet, ak komaas chito ne bo iman eng’ kit ne bo buch.

ISAIAH 29:21 ပူးပေါင်းရင်းမြစ်များ

TIENWOGIKAL 127:5

Paibai chii ne nyiitaat motyennyi. Ma nyooru kalilanet, ye ng'alaaldos ak puunikwak eng' ormariich.

KALEWANAIK 28:21

Ma myee ketiytiy piik; anan kobistoe chii kole si konyoor kererutyet.

ISAIAH 10:1

Pwo eng' icheek che ng'atei ng'atuutik che ma po iman, ak eng' icheek che sirei kamaaset,

ISAIAH 32:7

Yaacheen tuguuk che po rebindet; chobei chobutik che yaacheen si kobare che talaen ng'aleek che po lembech, agot ye ng'alaali ne ma tinyei kiy ng'aleek che lititen.

ISAIAH 5:20

Pwo eng' icheek che kuure `yaityet myeeindo, ak koguure `myeeindo yaityet, che igeere `mesundeito lapkeiyet, ak kogeere `lapkeiyet mesundeito; che igeere `ng'wanindo anyinyindo, ak kogeere `anyinyindo ng'wanindo!

ISAIAH 5:23

Che iityin imanda kiptengekyot agobo asoya, ak korebe imanda chiito ne po iman!

ISAIAH 59:15

Ee, petoot imanda; ak ineendet ne pagaktoi yaityet koyaegei koek ne kiluulei. Ak ki keer Kamuktaindet ne Toroor niito, ak ma ibaibai ineendet amu ki ma komi kirwooget.

JEREMIA 18:18

Ki mwa anyun kole, obwa kechop kiit ne kiitoi Jeremiah; amu ma petei ng'atuutyet eng' tisiindet, ama petei kirwooget eng' chiito ne utaat, ama petei ng'olyoot eng' maotyot. Obwa, kebire ng'elyepta, amat ongeepchi iit agot ng'olyoot agenge eng' ng'aleekyik.

JEREMIA 36:29

Ak imwa agobo Jehoiakim laitoryatap Judah ile, Mwaei Kamuktaindet ne Toroor kole: Ki ibeel bukuinooto, ile, Amu nee si isir, ile, Nyoonei laitoryatap Babilon iman kong'emei emoni, ak kowong' eng' olito chii ak tyony?

EZEKIEL 13:19

Ak ki ong'wanita eng' piikyuk agobo baale che po rubeito ak kererutigap magatiinik, si obar saboonwegap piik che ma nyoljin kobek, ak osaru saboonwegap piik che ma nyoljin kosapcho amu lembechekwok che omwachini piikyuk che chamei kogas lembechechooto.

MALAKI 3:5

Ak arikyok eng' kirwooget, ak achepchebi agoon paornateet agobo inyee aegu, arwookyi icheek che ma iywea: pooniik, che ibegei, piik che iyastos eng' lembechek, icheek che sastoe otwogindet ne kisirei eng' melektanyi, che sastoe kwony ne ki kosiirtoe manong'otyot ak ne ma tinyei sigiik, ak ne imaasi toondet, mwaei Kamuktaindet ne Toroor ne po lugoosyek.

MATAYO 22:15

Ki pa anyun Pharisaik ak korwooch ole namdoi ineendet eng' ng'aleekyik.

MATAYO 26:15

ak kole, “Nee ne ogoono si ande ineendet eunekwok?” Kigamanji ineendet fedhaisyek sosom.

POISYONIGAP CHE KIYOKTOI 3:14

Ago ki otiiye okweek Ineendet ne Tiliil ak ko po Imanda, ak osom ole kegonok rumiindet,

JAKOBO 5:6

Ki orwookyi, ak ki obar chiitap imanda; ama kirindook.

KIRUOGIK 12:6

koteebe koleenjin, “Mwaa le ‘Shiboleth’; koleen, ‘Siboleth’; ” amu ki ma komuuchi komwa komyee. Kenamei anyun inee ak kebar sainooto eng' tabarwegap Jordan. Ki pek eng' peetuunooto Ephraimik eliphuusyek artamu ak aeng'.