ISAIAH 29:19 - BUKUIT NE TILIIL Sireet ne Dutero Kanon

¹⁹ Tesei kogeny poiboiyennywa eng' Kamuktaindet ne Toroor, piik che iming'inegei, ak koboiboitune piik che ponoon, Ineendet ne Tiliil ne po Israel.

Bukuit Ne Tilil

¹⁹ Tesei kogeny poiboiyennywa eng' Kamuktaindet ne Toroor, piik che iming'inegei, ak koboiboitune piik che ponoon, Ineendet ne Tiliil ne po Israel.

BUKUIT NE TILIL

¹⁹ Tesei kogeny boiboiyenywa eng’ Jehovah, bik che iming’inegei, ak koboiboitune bik che bonon, Inendet ne Tilil ne bo Israel.

ISAIAH 29:19 ပူးပေါင်းရင်းမြစ်များ

TIENWOGIKAL 12:5

Mwaei Kamuktaindet ne Toroor: “Amu sastaetap kibananook, amu tigenetap che panandos, ang'eete nguno, agoochini kotebi riibetapkei, nooto ne machei miising'.”

TIENWOGIKAL 149:4

Amu paibai Kamuktaindet ne Toroor eng' piikyik; igororoni eng' yetunet che iming'inegei.

TIENWOGIKAL 22:27

Tuun ibwaati Kamuktaindet ne Toroor ole poochin ng'wony tugul ak koweekyigei ineendet; tuun kutung'jinin inyee ortinwek tugul che po pororyosyek.

TIENWOGIKAL 25:9

Indochin che talaen eng' kirwooget; ak ineeti che talaen ooreennyi.

TIENWOGIKAL 37:11

Ago namei emet che talaen; ak kogaaskei eng' kaalyeet ne oo.

TIENWOGIKAL 9:18

Ago ma kiutye kotugul kibananook, ama petei koigeny kamang'unetap che nyalildos.

ISAIAH 11:4

ago irwooksechin kibananook eng' imanda, ak koger kong' che talaen che po ng'wony eng' imanda: ak kobir ng'wonyuni eng' kirokto ne po kutinnyi, ak kobare kiptengeginik kabusennyi.

ISAIAH 14:30

Ak koamis kiboretook che po kibananook, ak koruiyo eng' chametapkei che ma tinyei kiy; ak abare rubeet tigityondeng'ung', ak kebar cheguuk che ng'etu.

ISAIAH 14:32

Kiwoljin nee anyun piik che kiyooktoi, che po pororyet? Kele, “Kagolumda Kamuktaindet ne Toroor Zion, ak komwechi olooto piikyik che ki kius.”

ISAIAH 25:4

Amu ki iegu irimeetap kibananiat, irimeetap ne ma tinyei kiy eng' pichiindanyi, ii ole kimwechin eng' usoonet ole kiuure eng' kiptoret. Ye igei usoonetap che imuisei, usoonet ne oo ne rusei inaat.

ISAIAH 26:6

Kityechei; tyechei kibananiat, ak ne ma tinyei kiy.

ISAIAH 3:14

Chutei Kamuktaindet ne Toroor kirwooget, korwookyin poisyegap piikyik ak pounigap piikyik: koleenji, okweek che ki oam mbareetap sabibuk; mi kooriikwok parunenigap kibananook.

ISAIAH 3:15

Lyon anyun, si osastoe piikyuk, ak otyech togoochigap kibananook? Mwaei Kiptaiyat Kamuktaindet ne Toroor ne po lugoosyek.

ISAIAH 57:15

Amu mwaei ko uu ni ineendet ne mi parak ak ko toroor ne menyei koigeny, ne Tiliil kainennyi kole, amenye ole toroor ak ko tiliil, kobooto ineendet agine ne kigonyeratkei eng' muguleldo, ak koming'ingei, si kobiit kisoop muguleldap ne iming'inegei, ak kisoop mugulelwegap che inyeratigei.

ISAIAH 61:1

Mi kobooto Kabuuset ne Tiliil ne po Kiptaiyat Kamuktaindet ne Toroor; amu ki ila Kamuktaindet ne Toroor si kobiit aamji logoiywek che myach che nyerootiin; ki koyookta anyaa che ilyotiin mugulelwek, si kobiit aamji luulenik katyaget, ak kityaach che ratotiin.

ISAIAH 61:10

Abaibaitu miising' eng' Kamuktaindet ne Toroor, poiboitu saboondanyu miising' eng' Kamuktaindennyu; amu kagolaakwa ngoroigap yetunet, kagotugeno ngoryeet ne po imanda, ko uu ye lelesane sandet kiit ne indoi metit, ak ko uu ye lelesane murereet sonoekyik.

ISAIAH 66:2

Amu kiyaei eunnyu tuguuchuuto tugul, ak ki piit anyun tuguuchuuto tugul, mwaei Kamuktaindet ne Toroor; ago ageni ineendet ne panan ak konyerategei eng' muguleldo, ne potani amu ng'olyoondennyu.

HABAKUK 3:18

Aboiboitu kora eng' Kamuktaindet ne Toroor, Aboiboitu eng' Kiptaiyat Kamuktaindetap yetunennyu.

SEPANIA 2:3

Ocheeng' Kamuktaindet ne Toroor, okweek tugul che oo talaen, che oo po ng'wony, okweek che oyae kirwoogutikyik; ocheeng' imanda, ocheeng' talasyet: imuuch tuun kiunyok eng' peetuutap nereegegap Kamuktaindet ne Toroor.

MATAYO 11:29

Otiiny kaat choginnyu ak oneetenage; amu aa tala ak aming'inige eng' muguleldo: si osich kamuung'et eng' saboonwekwok.

MATAYO 11:5

keertoi che koryotiin, ak kobendoti che salamonik, kitiliili che tinyei mogondosaik, ak kastoi che ming'otin, ak king'eeti che ki kobek, ak keamjin kibananook logoiywek che myach.

MATAYO 5:3

Poiboen che ponoon eng' muguleldo, amu nenywa pounatetap kipsengwet.

MATAYO 5:5

Poiboen che talaen, amu tuun punjin ng'wony.

EPESOEK 4:2

eng' kaming'inetapkei tugul ak mutyonet, kobooto muitaet, omuitochinigei eng' chamyet;

PILIPIK 4:4

Oboiboitu eng' Kiptaiyat kotugul: ak amwae kogeny ale, Oboiboitu.

JAKOBO 1:21

Eng' nooto anyun omete simdo tugul ak chaang'indap yaitwogik, otaach eng' mutyonet ng'olyoot ne ki kimin, ne imuuchi kosar saboonwekwok.

JAKOBO 1:9

Ago ingobaibait ne tupchet ne ko nyeraat, eng' katoroorennyi:

JAKOBO 2:5

Ogaso, tupchosyekyuk ak ko chamanikyuk; tos ki ma lewen Kamuktaindet che ponondos eng' ng'wony koek mogoreek eng' kayaneet, ak koek che nyooru laitornatet ne ki koarorchi icheek che chamei ineendet?