ISAIAH 29:18 - BUKUIT NE TILIIL Sireet ne Dutero Kanon

¹⁸ Eng' peetuunooto ko tuun kasei ng'aleegap bukuit piik che ma kastoi, ak kogeerto eng' mesundeito ne oo ak eng' ole imen konyegap che koryotiin.

Bukuit Ne Tilil

¹⁸ Eng' peetuunooto ko tuun kasei ng'aleegap bukuit piik che ma kastoi, ak kogeerto eng' mesundeito ne oo ak eng' ole imen konyegap che koryotiin.

BUKUIT NE TILIL

¹⁸ Ak tun kasei eng’ betunoto ng’alekab bukuit bik che magastoi, ak kogeerto eng’ mesundeito ne o ak eng’ ole imen konyekab che koriotin.

ISAIAH 29:18 ပူးပေါင်းရင်းမြစ်များ

TIENWOGIKAL 119:18

Yaat konyekyuk, si kobiit ageer tuguuk che kikwong'ee eng' ng'atuutyeng'ung'.

KALEWANAIK 20:12

Ki yai `Kamuktaindet ne Toroor tuwai, itit ne kigastoe ak konda ne kigeertoe.

ISAIAH 29:24

Nyooru kaguiyet ak icheek icheeget che ichiliili eng' mugulel, ak koneetkei kaneetisyet icheek che ing'unyng'ung'dos.

ISAIAH 32:3

Ama kigerei konyegap icheeget che keertoi, ak kogasta itigap icheeget che kastoi.

ISAIAH 35:5

Ak koit koyatagis anyun konyegap che koryotiin, ak koyatagis itiik che timotin.

ISAIAH 42:19

Ng'oo ne koraat, kobatee otwogindennyu? Anan ng'oo ne miing'at ko uu kayooktoinnyu ne ayooktoi? Ng'oo ne koraat ko uu ineendet ne kiting'egei kaalyeet, ak ko koraat ko uu otwogindetap Kamuktaindet ne Toroor?

ISAIAH 42:7

iyat koonyek che koryotiin, imoong'u kimonjororinik eng' korgoreet, imoong'u che tebee mesundeito.

ISAIAH 43:8

Omutu piik che koryotiin che tinyei koonyek, ak omutu piik che ming'otin che tinyei itiik.

MATAYO 11:5

keertoi che koryotiin, ak kobendoti che salamonik, kitiliili che tinyei mogondosaik, ak kastoi che ming'otin, ak king'eeti che ki kobek, ak keamjin kibananook logoiywek che myach.

MATAYO 16:17

Kowol Jeso kole, “Iberuurot inyee, Simion Barjona, amu mang'ang'un niito poorto anan korotiik, ago Abbannyu ne mi kipsengwet.

MARIKO 7:37

Ak ki kwong'yo miising' ne siirei koleen, “Kagoyai tuguuk tugul komyee; igoochin kogasta agot che ming'otin ak kong'alaal che namotin kuut.”

LUKA 4:18

Mi Kabuusetap Kiptaiyat kobooto, Ami ki ila si kobiit aamji kibananook logoiywek che myach: Ki iyookwo si kobiit aamji luulenik katyaget, Asi kobiit kogeerto kipkoratinik, Ak atyach che ki kiguoten.

LUKA 7:22

Kowolji koleenji, “Oba omwachi Johana tuguuk che kaogeer ak che kaogas; kigoochin kipkoratinik kogeerto, ak pendoti che koing'waldos, kitiliili che tinyei mogondosaik, ak kastoi che ming'otin, king'eeti che ki kobek, ki amjin kibananook logoiywek che myach.

JOHANA 6:45

Ki kisir eng' maotik, ak kineeti tugul eng' Kamuktaindet. Age tugul ne kagogas eng' Kwanda, ak kagonetkei, konyonjino.

JOHANA 9:7

ak koleenji, “Ui iunde eng' tamboiyotap Siloam” (ye kiweech keele, “Kiyookto”). Ki wo anyun, ak koun, ak konyo kogeertoi.

POISYONIGAP CHE KIYOKTOI 26:18

si kobiit ing'aany konyekwak, ak koweek eng' mesundeito kobwonji lapkeiyet, ak eng' kimnateetap Setani kobwonji Kamuktaindet, si konyoor icheek nyoetap kaat ne po tengekwogik ak poroteet eng' icheek che ki kitiliil amu kayaneet ne mi eng' anee.

EPESOEK 5:14

Nooto anyun, mwaei ineendet kole, “Kosu, inyee ne irue, ak ing'eet eng' che ki kobek, ak kokwenyin Kristo.”

NG'ATUTIK 29:4

Ago kitom kogoonok `Kamuktaindet ne Toroor muguleldo ne oguiye anan koonyek che ogeere anan itiik che ogase, agoi rani.

1 PETERO 2:9

Ago okweek ko oo pororyet ne kigelewen, oo che poisyei eng' tiseinateet ne po kaplaitoryat, pororyet ne tiliil, piik che punjin Kamuktaindet, si kobiit obarte telunatosyek che po ineendet ne kiguurok omang'une mesundeito omong'ji lapkeiyennyi ne kikweng'e.

NG'ANG'UTYET 3:18

Atigoonin anyun ale ialena thahabu ne ki kitiliile maat, si iegu mogoryot; ak ngoroik che leelach, si ilaaige, si ma took kalilanetap aach ngoring'ung'; ak kerichegap koonyek che iilee konyeguk si igeerte.