ISAIAH 29:15 - BUKUIT NE TILIIL Sireet ne Dutero Kanon

¹⁵ Pwo eng' icheek che cheeng'ei miising' koung'e Kamuktaindet ne Toroor kirwoogennywa, ak mi poisyonikwak mesundeito, ak mwaei koleen, “Ng'oo ne keerech? Ng'oo ne ingenech?”

Bukuit Ne Tilil

¹⁵ Pwo eng' icheek che cheeng'ei miising' koung'e Kamuktaindet ne Toroor kirwoogennywa, ak mi poisyonikwak mesundeito, ak mwaei koleen, “Ng'oo ne keerech? Ng'oo ne ingenech?”

BUKUIT NE TILIL

¹⁵ Bwa eng’ ichek che cheng’ei mising’ koung’e Jehovah kiruogenywa, ak mi boisionikwak mesundeito, ak mwaei kolen, Ng’o ne keerech? Ak ng’o ne ingenech?

ISAIAH 29:15 ပူးပေါင်းရင်းမြစ်များ

2 SAMUEL 11:27

Ak kingo pata kateet, koyookto `Daudi kimut konyo koonnyi, ak ki ek osotyonnyi ak ki sikyi ng'etet. Ago ma cham Kamuktaindet ne Toroor kioto ki yai Daudi.

2 LAITORINIK 17:9

Ki yai piigap Israel eng' ung'oot tuguuk che ma lititen koyachi Kamuktaindet ne Toroor Kamuktaindennywa, ak kiteekyigei komoswek che torooreen eng' nganasookwak tugul, kobooch teekseet ne kooi ne po riibiik kot koit nganaseet ne ng'ootaat.

Kitabuutap JOB 34:22

Ma mi mesundeito, anan urwetap meet, ne imuuchi koung'egei yaigap tengekto.

TIENWOGIKAL 59:7

Keero, ing'irugei ng'aleek eng' kutusweekwak; miitei rotonik kutusweekwak. Amu mwaei kole, “Ng'oo ne kasei?”

TIENWOGIKAL 73:11

Ak koleen icheek, “Nae nee Kamuktaindet? Tos miitei naet eng' Ineendet Ne Toroor Miising'?”

TIENWOGIKAL 83:3

Kagotuiyogei si korwooch kirwooget ne ya agobo piiguk, ak ko tetei ng'aalseet agobo cheguuk che ung'ootiin.

ISAIAH 28:15

Amu ki omwa ole, “Ki kiyomiske ak meet, ak ki kiyanjine ak ye mi meet; ye siirto pireet ne oo, koma ityinech; amu ki keyai lembechek koek ole kimwechini, ak ki kiung'egei lembeita;”

ISAIAH 28:17

Ak ayai kirwooget koek kiit ne litit, ak ayai imanda koek porowet ne kilititisye. Ak kobukto koigap ropta ole mwechin ne po lembechek, ak komarane peek ole kiung'egei.

ISAIAH 30:1

Pwo eng' lagok che ngelel, mwaei Kamuktaindet ne Toroor, che tilei ng'aleek, ama eng' anee; ak che tuchegei, ama eng' kabuusennyu, si kobiit kotes tengekto eng' tengekto;

ISAIAH 47:10

Amu ki imang'u sogornateng'ung'; ki ile, Ma mi chii ne keera; ki komaasin utaatyeng'ung' ak naeng'ung': ak ki imwa eng' muguleldang'ung' ile, Aneendet, ma mi age kobatena.

ISAIAH 57:12

Aboortoi imandang'ung'; ama kelun kiy eng' poisyoniguk.

JEREMIA 23:24

Tos imuuchi chii kounygei eng' komoswek che ung'ootiin, kot koma keer ineendet? Mwaei Kamuktaindet ne Toroor. Tos ma anyii kipsengwet ak ng'wony? Mwaei Kamuktaindet ne Toroor.

EZEKIEL 8:12

Ki leenjo anyun ineendet, Ee weeriitap chii, tos kaigeer kiit ne yaei poisyegap kootap Israel, eng' ole imen, komi chii age tugul kooriikyik che po oriit che po kanamonik? Amu leen icheek, Mageerech Kamuktaindet ne Toroor; ki kometo Kamuktaindet ne Toroor emoni.

EZEKIEL 8:8

Yeityo koleenjo, Weeriitap chii, undur tooteet: ak kinga undur tootoonooto, ogeero, kimi kurgeet.

EZEKIEL 9:9

Koleenjo anyun, Oo kot tengektap kootap Israel ak ne po Judah, kanyi emoni korotiik, ak kanyi nganasani kamaaset ne po kirwoogutik: amu mwaei kole ki kometo Kamuktaindet ne Toroor emoni, ama keerei Kamuktaindet ne Toroor.

HOSEA 5:2

Ki kotes miising' `pistoik parisyet; ago agere kong' icheek tugul.

SEPANIA 1:12

Ak asyaach Jerusalem eng' peetuusyechooto akweng'ate; ak abir piik che ki kotepto kimnateennywa ko uu divaik che mi ak misigiikyik, che mwaei eng' mugulelwekwak kole ma yaei Kamuktaindet ne Toroor ne myee, ama yaei yaityet.

MALAKI 2:17

Kooiim Kamuktaindet ne Toroor eng' ng'aleekwok. Ago oteebe ole, “Ki kiime nee?” Amu omwae ole, Myee age tugul eng' taitap Kamuktaindet ne Toroor ne yaei yaityet ak koboiboitune pichooto. Anan ye oteebe ole, “Mi ano Kamuktaindet ne po kirwoogetap imanda?”

JOHANA 3:19

Ak ni kirwooget, amu ki nyoonji ng'wony lapkeiyet, ak ki cham piik mesundeito kosiir lapkeiyet; amu ki yaach poisyonikwak.

1 KORINTOEK 4:5

Nooto anyun amat orwookyi kiy kotom koit peetuut, agoi konyo Kiptaiyat. Inee ne tuun ng'aanyei tuguuk che ung'ootiin che po mesundeito ak kobarta kabwaatutik che po mugulelwek; si konyoor chii age tugul anyun kalasunennyi eng' Kamuktaindet.

2 KORINTOEK 4:2

ago kigeeesye tuguuk che ung'ootiin che po kalilanet, ama kibendoti eng' ng'aalseet, anan keboisyee ng'olyootap Kamuktaindet eng' kaberberisyet; ago eng' kabartaetap imanit, kiboorchinigei kabwaatetap chii age tugul eng' taitap Kamuktaindet.

NG'ANG'UTYET 2:23

Abare lagokyik meet; si konai kanisosyek tugul kole aneendet ne isyachi kabwaatutik ak mugulelwek, ak agoochini age tugul eng' okweek ko uu poisyonikwok.