ISAIAH 29:13 - BUKUIT NE TILIIL Sireet ne Dutero Kanon

¹³ Ki le Kiptaiyat: Amu riikyino pichu kong'alaalwo, ak kogonyita eng' kutusweekwak, ago kigoisto mugulelwekwak kolooegitu eng' anee, ak kaiyweisyet ne iywea ko ng'atuutyet ne ki ineeti piik icheek;

Bukuit Ne Tilil

¹³ Ki le Kiptaiyat: Amu riikyino pichu kong'alaalwo, ak kogonyita eng' kutusweekwak, ago kigoisto mugulelwekwak kolooegitu eng' anee, ak kaiyweisyet ne iywea ko ng'atuutyet ne ki ineeti piik icheek;

BUKUIT NE TILIL

¹³ Ak kile Kiptaiyat, Amu rikyina bichu kong’alalwa, ak kogonyita eng’ kutuswekwak, ago kigoisto mugulelwekwak kolooegitu eng’ ane, ak kaiyweisiet ne iywea ko ng’atutiet ne kiineti bik ichek:

ISAIAH 29:13 ပူးပေါင်းရင်းမြစ်များ

TIENWOGIKAL 17:1

Kas imanda, ee Kamuktaindet ne Toroor, epchi iit riirekyuk; ingogas iting'ung' saaennyu, ne ma mang'une kutitap ng'aalseet.

TIENWOGIKAL 50:16

Ago leenjin `Kamuktaindet kiptengekyot, atinye imanda nee, si imwaimwae ng'atuutikyuk, ak ing'alaalatee arorutyennyu?

KALEWANAIK 30:6

Ametesyi ng'olyoo ng'aleekyik, si ma kerin kong', ak iegu kiplembechwa.

ISAIAH 10:6

Ayooktoi kobargei ak pororyet ne ya, ak agoochini kobargei ak piik che anereekyini, si koluul ak koip parunenik, ak ketyech icheek ko uu ye kityechi ng'atateek eng' ooreet.

ISAIAH 29:1

Pwo eng' Jerusalem, Jerusalem, nganaseet ne ki menyei Daudi! Otes kenyiit eng' kenyiit; ingorubatkei igoorwek.

ISAIAH 29:12

Yeityo kigoochi chiito ne ma ineetat, keleenji, “Asoomin ale, soman bukuini,” ak kole, “Ma aa chii ne ineetat.”

ISAIAH 30:11

oistegei eng' ooreet, omaste eng' ooreet, ogoochi Ineendet ne Tiliil ne po Israel kosiis eng' tainnyo.

ISAIAH 42:25

Kiroong'ji anyun nereegekyik che koroomen, ak kimnateetap lugeet; ak koyieme maat ineendet, ago ma nai kora ak kobeel ineendet, ago ma chut muguleldanyi.

ISAIAH 63:17

Ee, Kamuktaindet ne Toroor, amu nee si igoonech kemaste eng' ortinweguk, ak iuuit mugulelwekyok si ma kiywein? Weege amu otwogiguk, pororyosyegap poroteng'ung'.

JEREMIA 12:2

Ki imin icheek, ak ki konam ng'wony tigitik; eegitu, ee, iytos logoek. Ii neegitee kutusweekwak, ago ii loo eng' mugulelwekwak.

JEREMIA 3:10

Ak eng' chu tugul, ko chepkamennyi Judah kaberberindet, koma weekyagei eng' muguleldo komugul, ago eng' ng'aalseet, mwaei Kamuktaindet ne Toroor.

JEREMIA 42:20

Amu ki oyachi kaberberisyet saboonwekwok; amu ki oyookto awo ye mi Kamuktaindet ne Toroor Kamuktaindeng'wong', ole, Saiywech Kamuktaindet ne Toroor, Kamuktaindennyo; ak imwaiwech ko uu tugul che mwaei Kamuktaindet ne Toroor, Kamuktaindennyo, si keyai:

JEREMIA 5:2

Agot nga imurtoi icheek koleen, “Ko uu ye sabei Kamuktaindet ne Toroor,” ko iyastos icheek eng' lembech.

EZEKIEL 14:1

Yeityo kobwanjo alak che po poisyegap Israel, ak kotep ng'wony eng' tainnyu.

EZEKIEL 33:30

Ee, inyee weeriitap chii, ng'alaali agobo inyee lagogap piiguk eng' ole neegitee irimoik, ak eng' kurgotigap kooriik, ak kong'alaaljin `age age, ng'alaaljin chii tugul tupchennyi, koleenjin, Asoomin ale, nyoo keebe kegas ng'olyoot ne punu Kamuktaindet ne Toroor.

HOSEA 7:14

Ama riircho eng' mugulelwekwak, ago iteitos eng' itogusyekwak: iyumigei agobo peek ak divaik; ingeleljino.

KOLOSAIK 2:22

(petos tuguuchuuto tugul ye kiboisye), ko uu ng'atuutik ak kaneetisyosyegap piik?

1 SAMUEL 15:30

Komwa Saulo kole, “Koayai tengekto, ago asaain kora ale konyita nguno eng' taitap poisyegap piikyuk ak eng' Israel ak ingeweigei tuwai, si agutung'ji Kamuktaindet ne Toroor Kamuktaindeng'ung'.”