ISAIAH 28:29 - BUKUIT NE TILIIL Sireet ne Dutero Kanon

²⁹ Punu niito agine Kamuktaindet ne Toroor ne po lugoosyek, ne kikwong'ee kirwoogennyi, ak kogesunotkei eng' utaatyet.

Bukuit Ne Tilil

²⁹ Punu niito agine Kamuktaindet ne Toroor ne po lugoosyek, ne kikwong'ee kirwoogennyi, ak kogesunotkei eng' utaatyet.

BUKUIT NE TILIL

²⁹ Bunu nito agine Jehovah ne bo lugosiek, ne kikwong’e kiruogennyi, ak kogesunotgei eng’ ng’omnatet.

ISAIAH 28:29 ပူးပေါင်းရင်းမြစ်များ

Kitabuutap JOB 37:23

Ma kimuuchi kegeer Ineendet Ne po Kamuktaet; tinyei telunateet eng' kamuktaet: Ma inyalilisyei eng' kirwooget ak eng' imanda ne oo.

Kitabuutap JOB 5:9

Ineendet ne yaei tuguuk che eecheen che ma isiagaksei, tuguuk che kikwong'ee che ma iitoksei.

TIENWOGIKAL 118:23

Punu Kamuktaindet ne Toroor ng'olyoondoni; kwang'utyet nooto eng' konyekyok.

TIENWOGIKAL 40:5

Ee Kamuktaindet ne Toroor Kamuktaindennyu, ki iyai poisyonik che chaang' che kikwong'ee, kabwaatutik che ibwaate agobo acheek; koma kimuuchi ketetun. Ngot ale amwaita ak ang'alaalee, ko chaang' miising' kot koma kimuuchi kiit.

TIENWOGIKAL 92:5

Eechen ne tya poisyoniguk, ee Kamuktaindet ne Toroor! Ma tinyei ole poochin kabwaatutiguk.

TIENWOGIKAL 92:6

Ma ingen chiito ne uu tyony; Ama iguitos ne perber;

KALEWANAIK 8:14

Nenyu kirwooget ak utaatyet ne ititaat. Atinye naet ak atinye kamuget.

ISAIAH 28:28

King'oe nganuuk che kikwanyei; amu ma kiborei kotugul; agot ngo seer keldap chepkichutinnyi ak paraisisyekyik, ko mang'aei.

ISAIAH 31:2

Ago utaat ineendet agine ak ibu yaityet, ama walei ng'aleekyik; ago ng'eetei kogirindoi kootap yaigap yaityet, ak toretetap icheeget che yaei tengekto.

ISAIAH 41:20

Si komuuch kogeer, ak konai, ak kobwaat, ak koguiyo kibagenge, kole ki yai eutap Kamuktaindet ne Toroor niito, ak ki toi koyai niito Ineendet ne Tiliil ne po Israel.

ISAIAH 9:6

Amu kagisikwech lakweet, kagigoonech weeriit; ak ting'ee ineendet pounateet tigikyennyi. Kiguure kainennyi: “Kotigonindet ne po Kwong'uut, Kamuktaindet Ne po Kamuktaet, Kwanda ne po Koigeny, Pounindetap Kaalyeet.”

JEREMIA 32:19

ineendet ne oo eng' kirwooget, ak ko po kamuktaet eng' poisyet; ne keerei konyekyik ortinwek tugul che po weeriigap piik; si kogoochi age tugul ko uu ortinwekyik ak ko uu logoegap poisyonikyik;

ROMANIK 11:33

Ee tyanitu anyun ooindo ne po mogornatosyegap utaatyet ak naetap Kamuktaindet! Ak kirwoogutikyik che ma isiagaksei, ak ortinwekyik che ma cheeng'oksei!