ISAIAH 28:17 - BUKUIT NE TILIIL Sireet ne Dutero Kanon

¹⁷ Ak ayai kirwooget koek kiit ne litit, ak ayai imanda koek porowet ne kilititisye. Ak kobukto koigap ropta ole mwechin ne po lembechek, ak komarane peek ole kiung'egei.

Bukuit Ne Tilil

¹⁷ Ak ayai kirwooget koek kiit ne litit, ak ayai imanda koek porowet ne kilititisye. Ak kobukto koigap ropta ole mwechin ne po lembechek, ak komarane peek ole kiung'egei.

BUKUIT NE TILIL

¹⁷ Ak ayai kiruoget koek kit ne litit, ak ayai imanda koek borowet ne kilititisie: ak kobukto koikab ropta ole kimwechin eng’ lembechek, ak komarane beek ole kiung’egei.

ISAIAH 28:17 ပူးပေါင်းရင်းမြစ်များ

2 LAITORINIK 21:13

Aiitoi anweetap Samaria kobun Jerusalem, kobooto kiit ne kikwaise ne po kootap Ahab. Abuchi Jerusalem ko uu ye ibuchi chiito sanit, ye ibuchi ak kogabui.

Kitabuutap JOB 22:16

Che ki king'us kotom kogeskei peetuusyekwak, che ki kitumda lumeiywekwak ko uu peegap kereruut:

TIENWOGIKAL 94:15

Amu weekyingei kirwooget imanda: Ak kosubi nooto tugul che po iman eng' mugulelwekwak.

ISAIAH 10:22

Agot nganda uu piiguk che po Israel ng'aniek che po nyanjet, koweeksei piik che ng'etu kityo eng' icheek. Kigeng'at kagesunet eng' icheek, ne ng'elyektoi eng' imanda.

ISAIAH 25:4

Amu ki iegu irimeetap kibananiat, irimeetap ne ma tinyei kiy eng' pichiindanyi, ii ole kimwechin eng' usoonet ole kiuure eng' kiptoret. Ye igei usoonetap che imuisei, usoonet ne oo ne rusei inaat.

ISAIAH 28:15

Amu ki omwa ole, “Ki kiyomiske ak meet, ak ki kiyanjine ak ye mi meet; ye siirto pireet ne oo, koma ityinech; amu ki keyai lembechek koek ole kimwechini, ak ki kiung'egei lembeita;”

ISAIAH 28:2

Ogeero, tinyei `Kiptaiyat chiito age ne nyigan ak ko kiim; ko uu usoonetap roptap koik, usoonet ne ng'emisyei, ko uu usoonetap peek che kiimeen, che ing'irtogei, wiirchin ng'wony ko uu nooto eng' eunnyi.

ISAIAH 30:18

Igenok anyun Kamuktaindet ne Toroor, si kobiit koboorwok myeeindo, ak koek anyun ineendet ne itoroorot, si kobiit koriirenak. Amu Kamuktaindet ne Toroor ko Kamuktaindetap kirwooget; iberuurotin tugul che igeni ineendet.

ISAIAH 30:28

ak uu kabusennyi kereruut ne mi peek che ing'irtogei, che itei kaatit, si kobiit kochuchugan pororyosyek eng' kipchuchugetap ng'emisyet, ak kirate kutusweegap piik karnet ne imaasi.

ISAIAH 32:2

Egu chiito ole kiung'egei eng' usoonet, ak eng' usoonet ne oo; ko uu ainoosyegap peek eng' ole yaamaat, ko uu urwetap rwandet ne oo eng' emetap ng'etatet.

ISAIAH 5:16

Ago itoroorot Kamuktaindet ne Toroor ne po lugoosyek eng' kirwoogetap imanda, ak Kamuktaindet ne Tiliil koboortoigei kole itabaanat eng' imanda.

ISAIAH 61:8

Amu achame anee Kamuktaindet ne Toroor kirwooget, aweche rebisyet kobooto tengekto; ak ayaakyini icheek eng' imanit, ak kiyomisyige ak icheek kayomiset ne po koigeny.

JEREMIA 19:7

Ak ayai koek puch kirwoogutigap Judah ak Jerusalem eng' olito; ak agoochini kebare rotwetap chok eng' taitap puunikwak, ak eng' eunegap icheeget che cheeng'ei saboonwekwak: ak agoite muuswekwak koek amitwogigap toriitik che po parak, ak che po tyong'igap ng'wony.

JEREMIA 23:19

Ogeero, kagomong' kipchurchuryetap Kamuktaindet ne Toroor, nooto nereegekyik che koroomen, ee, kipchurchuryet ne usei kot: kwerei metowegap kiptengeginik.

JEREMIA 7:14

ayachini anyun koyooto, nooto kimwaitoe kainennyu, ne omang'u, kobooto komosta ne ki agoonok ak kwanisyekwok, ko uu ye ki ayachi Shiloh.

JEREMIA 7:20

Mwaei anyun Kiptaiyat Kamuktaindet ne Toroor kole; Ogeero, kiroong'jin olito nereegekyuk ak nereegekyuk che ng'woneen, kiroong'jin piik, tuuga, keetiigap timiin ak eng' logoegap mbar; ak laldos, ama kimisi.

EZEKIEL 38:22

Agere kong' ineendet eng' koroito ak korotiik; ak ayookyi ineendet kobooto lugosyekyik, ak piikyik che chaang' che mi kobooto ineendet, ropta ne oo ak koik che eecheen che po ropta, maat ak tuguuk che laldos.

NAHUM 1:8

Ak eng' maraneet ne oo, ko igeesu komosato, ak koon puunikyik koba mesundeito.

MATAYO 7:27

ak ki roobon, ak ki pwa mogoochek, ak kius usoonaik, ak koryep koyooto; ak kiluul: ak kieet luulennyi.”

ROMANIK 2:2

Ak kingen keele namegei kirwoogetap Kamuktaindet ak imanit agobo icheek che yaei tuguuk che uu chooto.

ROMANIK 2:5

Ago eng' uindang'ung' ak muguleldang'ung' ne ma tinyei siguunet, igonorchinigei nereeknateet kobunji peetuutap nereeknateet ak ng'ang'utyetap kirwooget ne po imanda ne po Kamuktaindet;

ROMANIK 9:28

amu yaei Kiptaiyat ng'olyoondennyi eng' ng'wony, kogees ak kotil konwagit.”

JOSHUA 10:11

Ye ki mwee eng' taitap Israel, ye kichoortaegei Beth-horon, kowiir `Kamuktaindet ne Toroor icheek eng' koik che eecheen che punu kipsengwet kot koit Aseka, ak ki pek icheek; ki chaang' che ki pek eng' koigap ropta kosiir che ki par piigap Israel eng' rotwetap chok.

NG'ANG'UTYET 11:19

Ak ki kiyaat hekaluutap Kamuktaindet eng' kipsengwet; ak ki took eng' hekalunnyi moingetap arorutyennyi; ak ki piit kalyelosyek, ak kutusweek, ak tuloosyek, ak potaneetap ng'wony, ak koik che eecheen che po ropta.

NG'ANG'UTYET 16:21

Ak kororokyi piik koik che eecheen che po ropta che rorogu eng' kipsengwet, che tee nyigiisindanywa talendait: ak ki chup `piik Kamuktaindet amu koroitap koichooto po ropta; amu oo miising' koroitanyi.

NG'ANG'UTYET 19:2

amu po iman ak ko po imanda kirwoogutikyik; amu kagorwookyi chepkugoniot ne oo, ne ki imurwon ng'wony eng' soksennyi, ak kagoyaakta mugetuut ne po korotiigap otwogikyik eng' eutap kwonyooto.”

NG'ANG'UTYET 8:7

Ki kuut malaikaiyat ne po tai, ak ki piit koigap ropta ak maat che purugotin ak korotiik, ak ki kiwiirchi ng'wony; ak ki lal kebeberta agenge eng' somok ne po ng'wony, ak ki lal kebeberta agenge eng' somok ne po keetiik, ak kilalyo susweek tugul che tuonen.