ISAIAH 26:15 - BUKUIT NE TILIIL Sireet ne Dutero Kanon

¹⁵ Ki ites pororyet, ee Kamuktaindet ne Toroor, ki ites pororyet kobarait; ii ne itoroorot; ki ites kobaraitu kiwotosyek tugul che po emet.

Bukuit Ne Tilil

¹⁵ Ki ites pororyet, ee Kamuktaindet ne Toroor, ki ites pororyet kobarait; ii ne itoroorot; ki ites kobaraitu kiwotosyek tugul che po emet.

BUKUIT NE TILIL

¹⁵ Kiites bororiet, ee Jehovah, kiites bororiet kobarait; i ne itororot: kiites kobaraitu kiwotosiek tugul che bo emet.

ISAIAH 26:15 ပူးပေါင်းရင်းမြစ်များ

TAUNET 12:2

Ayain iegu pororyet ne oo, ak aberuurin, ak atoroor kaineng'ung' koeet, si iegu kaberuret.

TAUNET 13:16

Ayae lagoguk kochang'a ko uu temburyek che po ng'wony, si ngot komugaksei koiit chii temburyek, ko kaagaa iitoksei lagoguk ak icheek.

1 LAITORINIK 8:46

“Ngot koyaun tengek, (amu ma mi chii ne ma yaei tengek,) ak inereekyi, igoochi icheek eunegap puunikwak, koluul icheek komut koba emetap puunik, ngot ko loo anan ko neegit,

2 LAITORINIK 17:23

agoi kong'eeto Kamuktaindet ne Toroor Israel eng' tainnyi, ko uu ye ki mwa eng' otwogikyik tugul, maotik. Ki kiluul anyun Israel kimut eng' emennywa koba emetap Assyria agoi ra.

2 LAITORINIK 17:6

Ki nam laitoryatap Assyria Samaria, eng' kenyiitap sogool ne po Hoshea ak komut Israel koba Assyria. Ki imut icheek kwo konde komeny Hala ak Habor, eng' aineetap Gosan ak nganasoogap Medes.

2 LAITORINIK 23:27

Ki le Kamuktaindet ne Toroor, “Aistoi Judah agine eng' tainnyu, ko uu ye ki aiste Israel, ak amete nganasani ki alewen, Jerusalem, kobooto koot ne ki ale, ‘Tebee kainennyu yooto.’ ”

NEEMIA 9:23

Kogeny, ko ki ites lagokwak kotenit kecheigap kipsengwet ak imutu icheek kobwa emonooto kiga ileenji kwanisyekwak koba konam kobunji.

Kitabuutap JOB 12:23

Ieetu pororyosyek, ak kong'emei icheek; ibaraiti pororyosyek, ak iseeri icheek.

ISAIAH 10:22

Agot nganda uu piiguk che po Israel ng'aniek che po nyanjet, koweeksei piik che ng'etu kityo eng' icheek. Kigeng'at kagesunet eng' icheek, ne ng'elyektoi eng' imanda.

ISAIAH 33:17

Keerei konyeguk karaaranindap laitoryat; keerei icheek emet ne kiuiitogei.

ISAIAH 40:5

Ak tuun king'aanyei toroornatetap Kamuktaindet ne Toroor, ak keerei piik tugul niito; mwaei Kamuktaindet ne Toroor niito.”

ISAIAH 44:23

Ee okweek kipsengwet, Otyense, amu ki yai Kamuktaindet ne Toroor nooto; owaach okweek, komoswek che po oriit che po ng'wony; otyense, okweek tuloonook, ee timiin, ak keetit age tugul ne mi yooto: amu kagotyach Kamuktaindet ne Toroor Jakobo, ak kotoroorgei eng' Israel.

ISAIAH 6:12

ko kagouto `Kamuktaindet ne Toroor piik koba ole loo. Ak kochang'a emotinwek che kigemeto eng' emet.

ISAIAH 60:21

Ak koek che po imanda kogeny piiguk tugul, ak koek emet porotennywa koigeny; temeet ne ki amin, poisyetap eunekyuk, si kobiit kegonyita.

ISAIAH 9:3

Ki ites pororyet, ki ites poiboiyennywa; poiboitu icheek eng' taing'ung' ko uu poiboiyet ne po kesisyet, ko uu piik che poiboitu ye pchei parunenik.

JEREMIA 30:19

Ak komang'une olooto kongoi ak kutitap icheeget che igasegei: ak ates icheek, ama kong'ering'itu; atoroori kogeny icheek, ama konyeratitu.

JEREMIA 32:37

Ogeero, ayumi icheek komong' eng' emotinwek tugul che kigaonji icheek amu nereegekyuk, ak eng' nereegekyuk che ng'woneen, ak eng' nereegek che eecheen, ak amutu icheek kogeny kobwa olito, ak agoochi komeny eng' chametapkei.

EZEKIEL 36:24

Amu amutwok omang'une pororyosyek, ak ayumak omong'u eng' emotinwek tugul, ak amutwak obwa emeng'wong'.

EZEKIEL 5:12

Meei kebeberta agenge eng' somok eng' inyee eng' koroito, ak kigeesu icheek eng' rubeet eng' kwenung'ung'; ak kobek eng' rotwetap chok kebeberta agenge eng' somok, eng' komosweguk tugul; ak aseer kebeberta agenge eng' somok koba koriswek tugul, ak ang'usu rotwetap chok koosup icheek.

KAITOSYEK 23:10

Ng'oo ne imuuchi koiit chaang'indap Jakobo, anan ng'oo ne imuuchi koiit kebebertap agenge eng' ang'wan ne po Israel? Ingaame meetap che po iman, ak ingogergeit kagesunennyu ak nenyinet!”

LUKA 21:24

Ak kobutyo icheek eng' ng'atibindap rotwetap chok, ak kimut luulenik koba pororyosyek tugul: ak kotyech Pororyosyek Jerusalem, agoi kosulda peetuusyegap Pororyosyek.

JOHANA 15:8

Kigonyiti Abba eng' niito, ye oiyie logoek che chaang'; si oegu kasubikyuk.

JOHANA 17:1

Ki mwa Jeso ng'aleechu; ak konyal kipsengwet, ak kole, “Abba, kagonyo sait; itoroor Weeriing'ung', si kotoroorin Weeriit;

NG'ATUTIK 10:22

Ki piik tamanwogik tisap kwanisyeguk ye kichoortogei kobendi Misiri, ago kagoyain Kamuktaindet ne Toroor Kamuktaindeng'ung' itenitu kecheigap parak soet eng' chaang'indo.”

NG'ATUTIK 28:25

“Igoitoin Kamuktaindet ne Toroor koterteerin puuniguk. Ibookyini eng' ooreet agenge ak imwee eng' tainnywa eng' ortinwek tisap ak konaatiin laitornatosyek tugul che po ng'wony.

NG'ATUTIK 28:64

Ak koiyestak Kamuktaindet ne Toroor obe pororyosyek tugul, kobooch tabanda age ne po ng'wony agoi tabanda age. Iote kanamonik eng' olooto che po keetiik ak che po koik, che mengen inyee anan kwanisyeguk.