ISAIAH 25:10 - BUKUIT NE TILIIL Sireet ne Dutero Kanon

¹⁰ Amu imuunyi eutap Kamuktaindet ne Toroor eng' tulwooni, ak ketyekyi ng'wony Moab eng' oldanyi, ko uu ye kityekyin ng'wony mobeek eng' peegap kapng'atat.

Bukuit Ne Tilil

¹⁰ Amu imuunyi eutap Kamuktaindet ne Toroor eng' tulwooni, ak ketyekyi ng'wony Moab eng' oldanyi, ko uu ye kityekyin ng'wony mobeek eng' peegap kapng'atat.

BUKUIT NE TILIL

¹⁰ Amu imuunyi eutab Jehovah eng’ tulwoni, ak ketiekyi ng’ony Moab eng’ oldanyi, ko u ye kitiekyin ng’ony mobek eng’ beekab kapng’atat.

ISAIAH 25:10 ပူးပေါင်းရင်းမြစ်များ

TIENWOGIKAL 83:10

Che ki pekyi En-dor; Ki ek ng'atateek che po ng'wony.

ISAIAH 10:31

Kamwei Madmena, iyumigei piik che menyei Gebim si komwei.

ISAIAH 10:6

Ayooktoi kobargei ak pororyet ne ya, ak agoochini kobargei ak piik che anereekyini, si koluul ak koip parunenik, ak ketyech icheek ko uu ye kityechi ng'atateek eng' ooreet.

ISAIAH 11:10

Cheeng'ei pororyosyek eng' peetuunooto tigityotap Jesse, ne tononi koegu songolyetap piik; ak egu toroornatet ole imuung'ee.

ISAIAH 11:14

Ak kobookyi tigigoigap Philistiik eng' cherongo, ak koluul icheek tuwai piigap kong'asiis. Chuulei eunekwak kogirinda Edom ak Moab, ak kogas iit icheek lagogap Ammon.

ISAIAH 12:6

Owaach miising' ak otyense, inyee ne imenye Zion, amu oo Ineendet ne Tiliil ne po Israel eng' kwenung'ung'.”

ISAIAH 14:19

Ago kagiwiirchin saang' eng' kerering'ung' ko uu temeet ne kiwechei, ko uu ngoroigap che ki kibar, che ki kitoore rotwetap chok, che rektoi agoi koigap keriinget; ko uu muusto ne kityechei.

ISAIAH 16:14

Ago kagomwa nguno Kamuktaindet ne Toroor kole, “Kotom kogeskei kenyiisyek somogu, ko uu kenyiisyegap otwogindet ne kisirei, kesasei toroornatetap Moab, kobooto tuiyennyi tugul ne oo; ak kong'ering'itu miising' piik, ak ma kotilei kiy che ng'etu.”

ISAIAH 16:6

Kigegas menoteetap Moab, keele, menot ineendet miising'; eng' kachaunennyi pogei, ak menatennyi, ak nereegekyik; puch lasennyi pogei.

ISAIAH 18:4

Amu kamwaiwo Kamuktaindet ne Toroor ko uu ni koleenjo: “Asise, ak ageere eng' ole amenye, ko uu asiista ne ng'waan ne iluu miising', ko uu poldetap rewoot eng' kiptoretap peetuusyegap kesisyet.”

ISAIAH 25:6

Eng' tulwooni ko tuun yachin Kamuktaindet ne Toroor ne po lugoosyek pororyosyek tugul, igoorto ne po tuguuk che akwaen ak divaik che ki kotebi keny, ne po tuguuk che akwaen che nyiitootiin mwanik, ne po divaik che korooron.

ISAIAH 26:6

Kityechei; tyechei kibananiat, ak ne ma tinyei kiy.

ISAIAH 5:25

Ki nereekyi kot anyun `Kamuktaindet ne Toroor piikyik, ak ki iyogoito eunnyi kogirinda icheek, ak kobir, kibotanso tuloonook che mengeechen, ak ki ek muuswekwak pusagaryek eng' kwenutap ortinwek. Nganda uu nooto, koma istogei nereegekyik, ago ta kochuulat eunnyi kora.

JEREMIA 48:1

Ng'aleegap Moab: Mwaei Kamuktaindet ne Toroor ne po lugoosyek, Kamuktaindetap Israel, kole: Pwo eng' Nebo! Amu kagoek karaatya; kagiteweer Kiriataim, kageluul: kagiteweer Miskap, kagebut.

JEREMIA 48:2

Ma komi kalasunetap Moab; Ki kochop yaityet eng' Hesbon agobo emonooto, ne mwaei koleen, Nyoo kigeesu si ma koegu pororyet kogeny. Agot inyee, ee Madmen, kigoonin isiis; onin rotwetap chok.

RIREKAB JEREMIA 1:15

Ki koyai `Kiptaiyat piik tugul che nyigoonen koek puch eng' kwenunnyu; ki koguurcho tuiyet ne ki king'at kole kotuatui neranikyuk. Ki kotyechatyech `Kiptaiyat pergeiyatap Judah ko uu ye kityechei ole kitue sabibuk.

EZEKIEL 25:8

Mwaei Kiptaiyat Kamuktaindet ne Toroor kole: Amu mwaei Moab ak Seir, kole, ogeero, uu kootap Judah pororyosyek tugul:

EZEKIEL 48:35

Egu tegat eliphuusyek taman ak sisiit komoswek tugul: ak keguure kainetap nganasanooto kobooch peetuunooto, Mi Kamuktaindet ne Toroor olooto.

MIKAH 4:13

Ng'eet ak iboor, ee cheptap Zion, amu ayae kuineng'ung' koek karnet, ak ayae sioguk koek sugunwet; ak itonaton pororyosyek che chaang', ak itabaanji Kamuktaindet ne Toroor kelunoikwak, ak itabaanji tuguukwak Kiptaiyat ne po ng'wony komugul.

SEPANIA 2:9

Mwaei anyun Kamuktaindet ne Toroor ne po lugoosyek, Kiptaiyat Kamuktaindetap Israel kole ko uu ye asabe, koigeitu Moab Sodom, ak koigei lagogap Ammon Gomorah, punjin siwek, ak keriingonigap muunyuk, ak koguber agoi: luulei piikyuk che ng'etu icheek, ak konam pororyennyu ne ki ng'et icheek koek porotennywa.

KAITOSYEK 24:17

Ageere ineendet, ago ma nguno; ageere, ago ma neegit. Tuun mang'une taboiyat Jakobo, ak ng'eetei kirokto ne po pounateet eng' Israel. Ak kokwer luukwegap Moab kogees, ak kotui weeriik tugul che po icheeget che wasegei.