ISAIAH 2:5 - BUKUIT NE TILIIL Sireet ne Dutero Kanon

⁵ Ee kootap Jakobo, obwa kebendatee lapkeiyetap Kamuktaindet ne Toroor.

Bukuit Ne Tilil

⁵ Ee kootap Jakobo, obwa kebendatee lapkeiyetap Kamuktaindet ne Toroor.

BUKUIT NE TILIL

⁵ Ee gotab Jakobo, obwa kebendate lapkeiyetab Jehovah.

ISAIAH 2:5 ပူးပေါင်းရင်းမြစ်များ

TIENWOGIKAL 36:10

Ingotepto chamyeng'ung' ne tala icheek che ingenin; ak ingotepto yetuneng'ung' che po iman eng' mugulelwek.

TIENWOGIKAL 89:15

Poiboen piik che ingen tyendap poiboiyet: Pendote icheek lapkeiyetap togeng'ung', ee Kamuktaindet ne Toroor.

TIENWOGIKAL 89:16

Igasegei peetuut komugul eng' kaineng'ung': Ak kitoroori icheek eng' imandang'ung'.

ISAIAH 2:3

Tuun itendenjin olooto piik che chaang' koleen, “Obwa, keebe ketogoste tulweetap Kamuktaindet ne Toroor, agoi kootap Kamuktaindetap Jakobo; si koneetech ortinwekyik, si kebendatee ortinwekyik.” Amu mang'une ng'atuutik Zion, ak komang'une ng'olyootap Kamuktaindet ne Toroor Jerusalem.

ISAIAH 58:1

Waach miising', amesiis, waach ko uu iryageet, ak imwachi piikyuk pistoennywa, ak imwachi kootap Jakobo tengekwogikwak.

LUKA 1:79

si koluuchi icheeget che tebyei eng' mesundeito ak che mi urwetap meet; si kondochi keelyekyok kot koit ooreetap kaalyeet.”

EPESOEK 5:8

amu ki oo mesundeito eng' peetuusyek alak, ago oo lapkeiyet nguno eng' Kiptaiyat: obendate ko uu lagogap lapkeiyet

1 JOHANA 1:5

Ak ni ng'olyoot ne ki kigas eng' ineendet ak keamwok, keele lapkeiyet Kamuktaindet, ama mi mesundeito eng' ineendet agot kitigin.

1 JOHANA 1:7

ago ngot kebendote lapkeiyet, ko uu ye mi ineendet eng' lapkeiyet, keting'egei yamdaet, ak kotiliilech korotiigap Jeso Weeriinnyi eng' tengekwogikyok tugul.