ISAIAH 19:1 - BUKUIT NE TILIIL Sireet ne Dutero Kanon

¹ Maotenet agobo Misiri. Ogeero, laanyei Kamuktaindet ne Toroor pooldet ne chepchep, ak nyoonei agoi Misiri. Ak kiitumdumgei kanamonigap Misiri eng' tainnyi, ak kochoot muguleldap Misiri eng' kwenunnyi.

Bukuit Ne Tilil

¹ Maotenet agobo Misiri. Ogeero, laanyei Kamuktaindet ne Toroor pooldet ne chepchep, ak nyoonei agoi Misiri. Ak kiitumdumgei kanamonigap Misiri eng' tainnyi, ak kochoot muguleldap Misiri eng' kwenunnyi.

BUKUIT NE TILIL

¹ Lautietab Misri. Ogeero, lanyei Jehovah boldet ne chepcheb, ak nyonei agoi Misri: ak kiistoi kanamonikab Misri eng’ tainnyi, ak kochoot muguleldab Misri eng’ kwenunnyi.

ISAIAH 19:1 ပူးပေါင်းရင်းမြစ်များ

TIENWOGIKAL 104:3

Ineendet ne indoi kimurtoinigap kooriikyik peek parak, ineendet ne yaei poolik koek chepkichutinnyi, ne wendote kebebaigap usoonet:

TIENWOGIKAL 104:34

Ingochamagis kabwaatutikyuk eng' ineendet; agasigei eng' Kamuktaindet ne Toroor.

TIENWOGIKAL 18:9

Ki im kipsengwet ak icheek, ak kochoorgei ineendet; kimi mesundeito ne oo kururetap keelyekyik.

TIENWOGIKAL 68:4

Otyenji Kamuktaindet, olasu kainennyi; ochopchi ooreet ne oo ineendet ne punei ong'atosyek, ko uu ne laanyei paraisiit. Kainennyi ko Kamuktaindet ne Toroor; ak ogaaskei eng' tainnyi.

KOMONG'U 12:12

Amu eng' kemounooto, abunoti kwenutap emetap Misiri, ak abar kiboretook tugul eng' emonooto, che po piik ak che po tai tyong'ik ak arwookyi kamuktaik tugul che po Misiri. Aa Kamuktaindet ne Toroor.

ISAIAH 13:1

Maotenet agobo Babilon, ne ki keer Isaiah weeriitap Amos.

ISAIAH 13:7

Nyaluldos anyun eunek tugul, ak kochoot muguleldap chii age tugul,

ISAIAH 19:16

Eng' peetuunooto, ko kergeitu Misiri ak kwonyiik. Potani icheek ak koiyweisyei amu twaitwaetap eutap Kamuktaindet ne Toroor ne po lugoosyek, ne twaitwai eng' paragunnyi.

ISAIAH 21:9

Keero, pwoonei piigap lugeet, piik che ketei paraisisyek che pwonune aeng'!” Ak ki wol ineendet kole, “Kagoluul Babilon, kagoluul! Kagoilyo itoonwek tugul che ki kiwai che po kanamonikyik koba ng'wony.”

JEREMIA 25:19

Pharaoh laitoryatap Misiri, ak otwogikyik, pounikyik, ak piikyik tugul;

JEREMIA 4:13

Ogeero, togosu ineendet ko uu poolik, ak uu kipchurchuryet kariisyekyik che po lugeet. Chepchep paraisisyekyik kosiir kipsichinik. Pwo eng' acheek, amu kageng'emech!

JEREMIA 44:8

amu otagena poisyonigap eunekwok, obeeljini nyamdutik kamuktaik eng' emetap Misiri, ole ki obe otebee; si kobiit kigeswok, ak oegu che kisasei ak che kichotei eng' pororyosyek tugul che po ng'wony?

JEREMIA 50:2

Omwaite eng' pororyosyek ak obarte, ak onamji parak songolyet; obarte, amouny: ole, Kageluul Babilon, kagigoochi Bel kolilaan, kagoaragen Merodak; kagigoochi kanamonikyik kolilaanso, kagoaragenso kanamonikyik.

JEREMIA 51:44

Arwookyini Bel eng' Babilon, ak among'u eng' kutinnyi kiit ne ki kolugui; ama korootei pororyosyek ko uu peek kobendi oldanyi kogeny: ee, luulei irimeetap Babilon.

EZEKIEL 30:13

Mwaei Kiptaiyat Kamuktaindet ne Toroor kole: Ang'eme kanamonik ak icheek, ak ageesu itoonwegap tuguuk che ma tilei kiy, eng' Nop; ama kobiitu kogeny pounindet eng' emetap Misiri: ak ande kaiyweisyet emetap Misiri.

JOEL 3:19

Kuberi Misiri, ak koek Edom surkwen ne kigoguber, amu koroomnateet ne ki kiyachi lagogap Judah, amu ki kotumda korotiik che ma tinyei tengek eng' emennywa.

NAHUM 1:1

Maonateet agobo Nineveh. Kitabuut ne po ng'ang'utyetap Nahum Elkosindet.

NAHUM 1:3

Ma sip konereechi Kamuktaindet ne Toroor, tinyei kimnateet ne oo ama pagaktoi kiptengekyot age tugul. Tinyei Kamuktaindet ne Toroor ooreennyi eng' kipchurchuryet ak eng' usoonet ne oo, ak poolik ko temburyegap keelyekyik.

SEKARIA 10:11

Ak peek che mildogei eng' nyanjet, ak koteenyo rirosyek tugul che po aineet: ak kiming'in menoteetap Assyria, ak koistogei kirokto ne po Misiri.

SEKARIA 14:18

Ak ngot koma togosta ooreetap kootap Misiri, amabwa, ko marobonjin ak icheek; piitu koroito ne pire Kamuktaindet ne Toroor pororyosyek che ma togosta koba koyai igoorto ne po keryosyek.

KAITOSYEK 33:4

kota kotubei Misiriik weeriikwak tugul che po tai, che kiga kobar Kamuktaindet ne Toroor eng' kwenunnywa. Ki irwookyi `Kamuktaindet ne Toroor kamuktaikwak ak icheek.

NG'ATUTIK 33:26

“Ee Jesurun, ma mi ne uu Kamuktaindet, ne laanyei kipsengwet si kotoretin, ak laanyei parak eng' telunatennyi.

JOSHUA 2:11

Ye ki ngegas agobo nooto, kogimeiyo mugulelwekyok ak ki mata komi nyiganateet eng' chii age tugul amu okweek. Kamuktaindet ne Toroor Kamuktaindeng'wong' ko iman Kamuktaindet eng' parak kipsengwet ak eng' ng'wony.

JOSHUA 2:24

Ak ki leenji `pichooto Joshua, “Iman ki konde Kamuktaindet ne Toroor emet tugul eunekyok, ak ko ne siirei nooto, kobegu kowoi piigap emonooto eng' tainnyo.”

JOSHUA 2:9

ak koleenji, “Angen ale ki koonok Kamuktaindet ne Toroor emoni, ak ki koityech arageneet agobo okweek, ak komeyo mugulelwegap meng'iigap emoni tugul eng' taing'wong'.

NG'ANG'UTYET 1:7

Ogeero! Nyoonei kobooto poolik; ak tuun keerei ineendet konda age tugul, kobooto icheek che kiga toor ineendet; ak koteiyo pororyosyek tugul che po ng'wony amu ineendet. Ee, uu nooto! Amen.