ISAIAH 13:6 - BUKUIT NE TILIIL Sireet ne Dutero Kanon

⁶ Oteiye, amu kagoriik peetuutap Kamuktaindet ne Toroor; nyoonei ko uu ng'emisyet ne punu Ineendet Ne po Kamuktaet.

Bukuit Ne Tilil

⁶ Oteiye, amu kagoriik peetuutap Kamuktaindet ne Toroor; nyoonei ko uu ng'emisyet ne punu Ineendet Ne po Kamuktaet.

BUKUIT NE TILIL

⁶ Oteiye; amu kagorik betutab Jehovah; nyonei ko u ng’emisiet ne bunu Inendet ne ko Kamuktaet.

ISAIAH 13:6 ပူးပေါင်းရင်းမြစ်များ

Kitabuutap JOB 31:23

Amu ki kamuiset eng' anee nyalilda ne punu Kamuktaindet, amamuuch ayai kiy amu telunatennyi.

ISAIAH 10:25

Amu ta komi kitigin miising', si kosulda nereegek, nereegekyuk eng' ng'emisyennywa.

ISAIAH 10:3

Oyae nee anyun eng' peetuut ne ityinok pireeng'wong', ak eng' ng'emisyet ne punu ole loo? Omwechini ng'oo kotoretook? Ak ondoi ano toroornateng'wong'?

ISAIAH 13:9

Ogeero, nyoonei peetuutap Kamuktaindet ne Toroor, ne koroom, kobooto nereeknateet ak nereegek che ng'woneen, si kobiit koyai emet koguber, ak kong'em kiptengeginik kogees eng' yooto.

ISAIAH 14:23

Ak agoochi komeny emonooto chepswererinik, ak tamboinigap peek. Ak abuge kabugoitap ng'emisyet, mwaei Kamuktaindet ne Toroor ne po lugoosyek.”

ISAIAH 14:31

Itee, ee ormariichet; riir, ee nganaseet; kaichoot, ee Philistia, inyee tugul; amu mang'une iyeto murot kaataam, ama tononi chii ineegei eng' peetuusyekyik che ki king'at.

ISAIAH 2:12

Amu tuun piitu peetuutap Kamuktaindet ne Toroor ne po lugoosyek, eng' icheek tugul che mendos ak che ieetigei; ak eng' icheek tugul che itoroorigei, ak kiming'ini tugul;

ISAIAH 23:1

Maonateet agobo Tyro. Oteiye okweek melisyegap Tarsis; amu kageng'em kot koma komi koot, anan ole kibunei kebendi oriit. Ki king'aang'ji icheek ng'olyoondoniito eng' emetap Kitim.

ISAIAH 34:2

Amu tinyei Kamuktaindet ne Toroor nyitatet agobo pororyosyek tugul, ak nereegek che laldos agobo lugosyekwak tugul; Ki kong'em icheek kogees, ki kogoito icheek kebar.

ISAIAH 34:8

Amu peetuutap Kamuktaindet ne Toroor ne po yaaktaetap mugetuut, kenyiitap kageeret ne po toiyetap Zion.

ISAIAH 47:11

Nyonjinin anyun yaityet; memuuchi igirinde: ak ibutyinin pichiindo, memuuchi iiste: ak kochein ng'emisyet, ne mengen.

ISAIAH 52:5

Mwaei anyun Kamuktaindet ne Toroor kole, ayae nee eng' yu, amu ki kimut piikyuk puch? Iteitos icheek che pou, mwaei Kamuktaindet ne Toroor, ak kichubei kainennyu kotugul, peetuut komugul.

ISAIAH 61:2

Si kobiit aamda kenyiit ne chamat eng' Kamuktaindet ne Toroor, ak peetuutap yaaktaetap mugetuut ne po Kamuktaindennyo; ak agaigai tugul che riirtos;

ISAIAH 63:4

Amu kimi muguleldanyu peetuutap yaaktaetap mugetuut, ak kagoit kenyiitap chechuuk che kityaachi.

ISAIAH 65:14

ogeero, tyendos otwogikyuk amu poiboiyetap mugulelwekwak, ago orirtosi eng' arageneetap muguleldo, oteitosi amu ng'wanindap muguleldo.

JEREMIA 25:34

Oteiye, okweek mestoweek, ak oriirye; omildaegei oreek, okweek che oo eecheen eng' akweet; amu kagoit peetuusyek che ki parenok, ak atonatonak, ak obutye ko uu tereet ne ki chamei.

JEREMIA 49:3

Waach, ee Hesbon, amu kageluul Ai; oriirye, okweek tiibiigap Rabbah, ogermenegei kuniok: oteiye, ak orwaate eng' ng'otonok; amu kiluulei Malkam, kobooto tisiikyik ak pounikyik.

JEREMIA 51:8

Kagobut Babilon kochaakta, ak keng'em: oteeiye amu ineendet; oipchi mwanik che kinyae ng'wanindanyi, tamangap kosap ineendet.

EZEKIEL 13:5

Ma otogoste obe ole ki kobutok, ama ong'ot kootap Israel, si kobiit kotonon eng' pooryeet eng' peetuutap Kamuktaindet ne Toroor.

EZEKIEL 21:12

Waach ak ite, ee, weeriitap chii: amu kagong'urur piikyuk, kobooto pounik tugul che po Israel: kagigoito icheek kobar rotwetap chok kobooto piikyuk: irabaach anyun kubestang'ung'.

JOEL 1:11

Olilanse, ee okweek kabotik, oteiye, ee okweek saborigap keetiigap sabibuk, agobo nganuuk ak baale; amu kagong'emak kesisyet.

JOEL 1:13

Ogermenegei kuniok ak oteeiye, okweek tisiik; owaach, okweek kiboitinigap kaptisisyet; obwa, osyep kuniok kemout komugul, okweek kiboitinigap Kamuktaindennyu! Ka kiet kagoochinetap peek che ng'ootiin ak kagoochinet ne kieei eng' kootap Kamuktaindeng'wong'.

JOEL 1:15

Pwo amu peetuunooto! Amu kagoriik peetuutap Kamuktaindet ne Toroor, ak nyoonei ko uu ng'emisyet ne punu Ineendet Ne po Kamuktaet.

JOEL 1:5

Kimaini chu! Ong'eetyee ak oriirye; owaakye, okweek tugul kimain, amu kumik che anyiny che ki istoi eng' kutusweekwok.

JOEL 2:1

Oguut iryageet eng' Zion, ak owaach eng' tulweennyu ne tiliil! Ingobotanso piik tugul che menyei emet, amu nyoonei peetuutap Kamuktaindet ne Toroor, ee kagoriik,

JOEL 2:11

Ak kotwek Kamuktaindet ne Toroor eng' taitap lugeennyi; amu oo kabuureitanyi; amu kiim ineendet ne yaei ng'olyoondennyi kosulda; amu oo peetuutap Kamuktaindet ne Toroor ak komuisei miising'; ng'oo ne imuuchi komuita?

JOEL 2:31

Ak koimenit asiista, ak koigei korotiik arawet, kotom koit peetuut ne oo ne imuisei ne po Kamuktaindet ne Toroor.

AMOS 5:18

Pwo eng' okweek che omache peetuutap Kamuktaindet ne Toroor! Amu nee si omache peetuutap Kamuktaindet ne Toroor? Mesundeito peetuunooto, ma lapkeiyet;

SEPANIA 1:14

Kariik peetuut ne oo ne po Kamuktaindet ne Toroor, neegit ak kochogu miising', ak ko ng'waan tweguunet ne po peetuutap Kamuktaindet ne Toroor; riirei eng' olooto nyiganeet eng' tuugeet ne oo.

SEPANIA 1:7

Osisye eng' taitap Kiptaiyat Kamuktaindet ne Toroor: amu kagoriik peetuutap Kamuktaindet ne Toroor: amu kagochop Kamuktaindet ne Toroor tiseiywot, kagoanyiny toekyik.

SEKARIA 14:1

Ogeero, nyoonei peetuutap Kamuktaindet ne Toroor, ye tuun kipcheei paruneniguk eng' kwenung'ung'.

MALAKI 4:5

“Ogeero, ayookwok maotyot Elijah kotom konyo peetuut ne oo, ne koroom ne po Kamuktaindet ne Toroor.

JAKOBO 5:1

Ogas anyun, okweek mogoreek, oriirye ak oteeiye amu nyalwogikwok che pwonjinok.

NG'ANG'UTYET 18:10

kotonondos eng' ole loo amu kayweetap ng'wanindanyi, koleen, “Pwo! Pwo! Wee nganaseet ne oo, Babilon, nganaseet ne kiim! Amu kait kirwoogeng'ung' eng' sait agenge.”