ISAIAH 12:2 - BUKUIT NE TILIIL Sireet ne Dutero Kanon

² Ogeero, Kamuktaindet ko yetunennyu; amang'u, ama aiyweisyei, amu Kamuktaindet ko kimnateennyu ak ko tyendanyu; kagoek ineendet yetunennyu.”

Bukuit Ne Tilil

² Ogeero, Kamuktaindet ko yetunennyu; amang'u, ama aiyweisyei, amu Kamuktaindet ko kimnateennyu ak ko tyendanyu; kagoek ineendet yetunennyu.”

BUKUIT NE TILIL

² Ogeero, Kamuktaindet ko yetunennyu; amang’u ama aiyweisiei: amu Jehovah JEHOVAH ko kimnatennyu ak ko tiendanyu; ak kagoek inendet yetunennyu.

ISAIAH 12:2 ပူးပေါင်းရင်းမြစ်များ

2 SAMUEL 7:24

Ki igimityigei piiguk Israel koek piiguk koigeny; ak ki iegu inyee Kamuktaindet ne Toroor Kamuktaindennywa.

Kitabuutap JOB 13:16

Egu niito agine yetunennyu; amu ma nyoonei tainnyi chiito ne ya.

TIENWOGIKAL 112:8

Lumdaat muguleldanyi, ama tinyei kaiyweisyet, agoi kogeer magennyi eng' puunikyik.

TIENWOGIKAL 118:14

Kimnateennyu ak tyendanyu Kamuktaindet ne Toroor; ak kagoek yetunennyu.

TIENWOGIKAL 118:21

Amwaun kongoi, amu ki iwolwoo, ak kaiegu yetunennyu.

TIENWOGIKAL 27:1

Kamuktaindet ne Toroor ko lapkeiyennyu ak yetunennyu; tos aiywei ng'oo? Kamuktaindet ne Toroor ko kimnateetap saboondanyu; aiywei ng'oo?

TIENWOGIKAL 65:6

Ne iuuiiti tuloonook eng' kimnateennyi; Ak korategei eng' kamuktaet:

TIENWOGIKAL 68:20

Kamuktaindet eng' acheek ko Kamuktaindet ne po saruunet; po Kiptaiyat Kamuktaindet ortinwek che kechilile eng' meet.

TIENWOGIKAL 68:21

Ago tuei Kamuktaindet metowegap puunikyik, Metitap chiito ne wendote tengektanyi.

TIENWOGIKAL 83:18

Si kobiit konai kole inyeendet inyegei ne kaineng'ung' ko Kamuktaindet ne Toroor, Inyee ko ii Ne Toroor Miising' ne pou ng'wony komugul.

KOMONG'U 15:2

Kamuktaindet ne Toroor ko kimnateennyu ak tyendanyu, ak yetunennyu. Niito Kamuktaindennyu ak alasu ineendet; Ineendet ko Kamuktaindet ne po abba, atoroori ineendet.

ISAIAH 10:24

Mwaei anyun Kiptaiyat, Kamuktaindet ne Toroor ne po lugoosyek, kole, “Ee piikyuk che menyei Zion, amoiywei Assyria; nganda pirin eng' kirokto, ak konamjin parak agobo inyee, ko uu piteetap Misiri.

ISAIAH 17:10

Amu kiutye Kamuktaindetap yetuneng'ung', ama ibwaat rwandetap kimnateng'ung'; igoole anyun keetiik che korooron, ak keetiik alak che teer;

ISAIAH 27:5

Anan konam ineendet kimnateennyu, si koyai kaalyeet kobooto; ee, ingoyai ineendet kaalyeet kobooto.”

ISAIAH 32:2

Egu chiito ole kiung'egei eng' usoonet, ak eng' usoonet ne oo; ko uu ainoosyegap peek eng' ole yaamaat, ko uu urwetap rwandet ne oo eng' emetap ng'etatet.

ISAIAH 33:22

Amu Kamuktaindet ne Toroor ko kirwoogindennyo, ne koonech ng'atuutik, Kamuktaindet ne Toroor ko laitoryandennyo; ineendet ne sarwech.

ISAIAH 38:20

Choboot Kamuktaindet ne Toroor kosarwo, kityeni anyun tyenwogikyuk eng' kibugandinigap inoik eng' peetuusyek tugul che po sabeennyo eng' kootap Kamuktaindet ne Toroor.

ISAIAH 45:17

Ago saru Kamuktaindet ne Toroor Israel eng' yetunet ne po koigeny: molilandosi anan otoptobense koigeny ak koigeny.

ISAIAH 49:5

Mwaei anyun Kamuktaindet ne Toroor ne kimimia kobooch ami moo aek otwogindennyi, si kobiit amutyi ineendet Jakobo kogeny, ak kiyumji Israel ineendet: (amu aa konyitot eng' taitap Kamuktaindet ne Toroor, ak kagoek Kamuktaindennyu kimnateennyu:)

ISAIAH 50:10

Ng'oo eng' okweek ne iywei Kamuktaindet ne Toroor, ne kase iit kutitap otwogindennyi? Ne wendote mesundeito, ama tinyei lapkeiyet, ingomang' kainetap Kamuktaindet ne Toroor ak kotiegei Kamuktaindennyi.

ISAIAH 51:12

Anee, aneendet ne agoigook: ii ng'oo, kot iywei chiito ne meei, ak iywei weeriitap chii ne kiyaei koek suswot;

ISAIAH 61:10

Abaibaitu miising' eng' Kamuktaindet ne Toroor, poiboitu saboondanyu miising' eng' Kamuktaindennyu; amu kagolaakwa ngoroigap yetunet, kagotugeno ngoryeet ne po imanda, ko uu ye lelesane sandet kiit ne indoi metit, ak ko uu ye lelesane murereet sonoekyik.

ISAIAH 62:11

Ogeero, kagomwaita Kamuktaindet ne Toroor agoi tabandap ng'wony, kole, oleenji cheptap Zion, Keero, nyoonei yetuneng'ung'; keero, mi melektanyi kobooto ineendet ak mi yaaktaennyi tainnyi.

ISAIAH 65:18

Ago ogaaskei ak oboiboitu agoi agobo kiit ne atau ayae: amu atau ayae Jerusalem koek ne kiboiboitune, ak koek piikyik poiboiyet.

ISAIAH 7:14

Koonok anyun Kiptaiyat ineendet kaboorunet; ogeero, manachi pergeiyat, ak kosich weeriit, ak koguuree kainennyi Immanuel.

JEREMIA 23:6

Kisaru Judah eng' peetuusyekyik, ak komeng'iis Israel eng' chametapkei: ak ni kainennyi ne kemwaitoe, Kamuktaindet ne Toroor ko imandanyo.

JEREMIA 3:23

Iman, kigeni puch toreteet ne punu tuloonook, nooto wasetapkei ne mi tuloonook. Iman eng' Kamuktaindet ne Toroor Kamuktaindennyo komi yetunetap Israel.

HOSEA 1:7

Ago ariiree kootap Judah ak agoochi katerteerisyet icheek kobun eutap Kamuktaindet ne Toroor Kamuktaindennywa. Ma saruunee kwanget, anan rotwetap chok, anan lugeet, anan paraisisyek, anan piik che ketei paraisisyek.”

JOEL 2:23

Ogaaskei anyun, okweek lagogap Zion, ak oboiboitu eng' Kamuktaindet ne Toroor Kamuktaindeng'wong': amu koonok ropta ne po tai ko uu ye nyolu, ak koonu ropta korobonjok, ropta ne po tai ak ne po let, ko uu eng' tai.

JONAH 2:9

Ago kobooto mwaetap kongoi aeng'un tiseiywot; che ki aaroorun ayaagun. Po `Kamuktaindet ne Toroor yetunet!”

HABAKUK 3:18

Aboiboitu kora eng' Kamuktaindet ne Toroor, Aboiboitu eng' Kiptaiyat Kamuktaindetap yetunennyu.

ROMANIK 1:16

Ma lilanjini anyun logoiywek che myach; amu niito ko kimnateetap Kamuktaindet ne koonu yetunet eng' age tugul ne iyani; eng' Yahudyot korook ak eng' Yunanindet agine.

1 TIMOTEO 3:16

Ak ne matiny, ko oo ung'ootyot ne po kayweet ne kiywei Kamuktaindet: Ineendet ne king'ang'ak eng' poorto, ki kiityi imanda eng' Kabuuset ne Tiliil, ne ki keer malaikaisyek, ne ki kiamda eng' Pororyosyek, ne ki iyan che po ng'wony, ne ki kimut kwo parak eng' toroornatet.

NG'ANG'UTYET 7:10

Kimwaei eng' kutit ne oo koleen, “Po Yetunet Kamuktaindet nenyo ne tebee ng'echereetap laitornatet, ak ko po Aarwet.”

1 SAMUEL 2:1

Ak ki sa Hannah kole: “Igasegei muguleldanyu eng' Kamuktaindet ne Toroor, kagotesak kimnateennyu eng' Kamuktaindet ne Toroor. Arorechini puunikyuk, amu abaibai eng' yetuneng'ung'.