ISAIAH 10:27 - BUKUIT NE TILIIL Sireet ne Dutero Kanon

²⁷ Ak eng' peetuunooto, koistoegei tigikyeng'ung' lautyennyi, ak koistoegei kaating'ung' choginnyi, ak keng'em chogit amu kaiilet.” Kagotogosta ineendet kwo eng' Rimmon,

Bukuit Ne Tilil

²⁷ Ak eng' peetuunooto, koistoegei tigikyeng'ung' lautyennyi, ak koistoegei kaating'ung' choginnyi, ak keng'em chogit amu kaiilet.” Kagotogosta ineendet kwo eng' Rimmon,

BUKUIT NE TILIL

²⁷ Ak eng’ betunoto, koistoegei tigikyieng’ung’ lautiennyi, ak koistoegei kaating’ung’ choginnyi, ak keng’em chogit amu kaiilet.

ISAIAH 10:27 ပူးပေါင်းရင်းမြစ်များ

2 SAMUEL 1:21

Okweek tuloonoogap Gilboa, Mat kobiitunenak rewoot anan ropta anan mbareenik che mbareenigap kagoochinoik: Amu ki kiwiirta eng' teweernateet long'eetap ineendet ne kiim eng' olooto, Long'eetap Saulo, ne ma koilaat eng' mwaita.

TIENWOGIKAL 105:15

kole, “Amat otwaa chechuuk che iilaatin, amoyachi ne ya maotikyuk.”

TIENWOGIKAL 132:10

Amewelel togeetap neng'ung' ne iilaat amu kiboityondeng'ung' Daudi.

TIENWOGIKAL 2:6

“Kande laitoryandennyu `Zion tulweennyu ne tiliil.”

TIENWOGIKAL 20:6

Angen nguno ale saru Kamuktaindet ne Toroor nenyi ne iilaat; woljin ineendet kobun kipsengwet nenyi tiliil eng' eunnyi ne po tai kogoochin katerteerisyosyek che eecheen.

TIENWOGIKAL 45:7

Ichame imanda ak iweche tengekto. Eng' nooto anyun, ki koiilin Kamuktaindet, Kamuktaindeng'ung' eng' mwaita ne po poiboiyet kosiir siritoiguk.

TIENWOGIKAL 81:6

Ki aistoe tigikyennyi mileet: ki kiistoe eunekyik kitongok.

TIENWOGIKAL 84:9

Keer, ee Kamuktaindet ne I long'ennyo, Ak igeer togeetap neng'ung' ne iilaat.

ISAIAH 14:25

ale atonatoni piigap Assyria eng' emennyu, ak atyech eng' tuloonookyuk; koistoegei eng' icheek choginnyi, ak koistoegei lautyennyi tigikyennywa.

ISAIAH 30:23

Ak koyook ineendet ropta ne po kesweguk, si kobiit igolse; ak kogoonok amitwogik che punu ruroteetap emet, ak koneryo ak kochang'a. Tuun agete kiyagiik ole paraa eng' peetuunooto.

ISAIAH 37:35

Amu ariibe nganasani, asaru, agobo anee, ak agobo Daudi otwogindennyu.

ISAIAH 52:2

Lelekte temburyek; ng'eet, tebi ng'wony, ee Jerusalem: ityaach ratuutik che mi kaating'ung', ee cheptap Zion ne kigeluul.

ISAIAH 55:2

Amu nee si oboisyee fedha eng' tuguuk che ma amitwogik? Ak poisyeng'wong' agobo tuguuk che mobiyonyi? Oepcha iit miising', si oam che myach, ak ingoboiboitu saboonwekwok eng' che akwaen.

ISAIAH 9:4

Amu koiiri chogitap lautyennyi, ak kirokto ne po tigikyennyi, ak kirokto ne po usiindennyi, ko uu eng' peetuusyegap Midian.

JEREMIA 30:8

Ak tuun airie eng' peetuunooto choginnyi ne mi kaating'ung', mwaei Kamuktaindet ne Toroor ne po lugoosyek, ak ang'etii anooguk; ama koyaei toek ineendet koek otwogindennywa.

EZEKIEL 30:18

Imenitu peetuut agine eng' Teapnes, ye airii eng' olooto chogisyegap Misiri, ak kogeskei anyun menoteetap kimnateennyi: ago tuchei ineendet pooldet, ak keluul tiibiikyik.

ATEPTAP LAWIK 7:35

Niito kebebertap Aron ak weeriikyik che punu kagoochinoik che kigoochin Kamuktaindet ne Toroor, kobun maat. Ki kitabaanji icheek kong'etee peetuut ne ki kindoi koboisyechi Kamuktaindet ne Toroor eng' tisiisyet.

LUKA 4:18

Mi Kabuusetap Kiptaiyat kobooto, Ami ki ila si kobiit aamji kibananook logoiywek che myach: Ki iyookwo si kobiit aamji luulenik katyaget, Asi kobiit kogeerto kipkoratinik, Ak atyach che ki kiguoten.

JOHANA 1:41

Ki sip konyoor Simion ne tupcho, ak koleenji, “Kagenyooru Mesia” (ye kiweech, ko Kristo).

POISYONIGAP CHE KIYOKTOI 4:27

Amu iman kituitos eng' nganasani Herod ak Pontio Pilato agine kobooto Pororyosyek ak piigap Israel, kole kogirinda Kiboityondeng'ung' ne Tiliil Jeso, ne ki iil,

1 JOHANA 2:20

Ak ki kiilak eng' Ineendet ne Tiliil, ak ongen okweek tugul.

1 JOHANA 2:27

Ak okweek anyun, komenyok kaiilet ne ki onyooru eng' ineendet, ak manyol koneetak chii; ago ko uu ye ineetook kaiilennyi agobo tuguuk tugul, ak ko po iman, ma lembech, ak ko uu ye ki konetak, omeny ineendet.