HOSEA 7:13 - BUKUIT NE TILIIL Sireet ne Dutero Kanon

¹³ Pwo eng' icheek! Amu ki koombeniot kometaa: ingonyonji icheek ng'emisyet! Amu ki kongelelja: agot nganda amache atyach icheek, ko ki komwa kora lembechek agobo anee.

Bukuit Ne Tilil

¹³ Pwo eng' icheek! Amu ki koombeniot kometaa: ingonyonji icheek ng'emisyet! Amu ki kongelelja: agot nganda amache atyach icheek, ko ki komwa kora lembechek agobo anee.

BUKUIT NE TILIL

¹³ Bwa eng’ ichek! Amu kigoombeniot kometa: ingonyonji ichek ng’emisiet! Amu kigongelelja: agot nganda amache atiach ichek, ko kigomwa kora lembechek agobo ane.

HOSEA 7:13 ပူးပေါင်းရင်းမြစ်များ

NEEMIA 1:10

Ara anyun chuuto ko otwogiguk ak ko piiguk, che ki ityaach eng' kamuktaeng'ung' ne oo ak eng' eung'ung' ne kiim.

Kitabuutap JOB 22:17

Che ki leenji Kamuktaindet, Istoeneige; Ak, Nee ne imuuchi koyaiywech Ineendet Ne po Kamuktaet?

TIENWOGIKAL 106:10

Ak ki sar icheek eng' eutap ineendet ne kiwechei icheek, ak ki ityaach icheek eng' eutap puunyoot.

ISAIAH 30:1

Pwo eng' lagok che ngelel, mwaei Kamuktaindet ne Toroor, che tilei ng'aleek, ama eng' anee; ak che tuchegei, ama eng' kabuusennyu, si kobiit kotes tengekto eng' tengekto;

ISAIAH 30:2

che ng'eetos kochorchingei Misiri, ama teebena; che igimitegei kimnateetap Pharaoh, ak komong' urwetap Misiri.

ISAIAH 31:1

Pwo eng' icheek che choorchingei Misiri kocheeng'ei toreteet, ak kotiegei paraisisyek; ak komang'u kariisyek, amu chaang', ak komang'u piik che ketei paraisisyek amu kiimeen kot; ago ma inyali Ineendet ne Tiliil ne po Israel, ama cheeng'ei Kamuktaindet ne Toroor!

ISAIAH 41:14

Meiywei, inyee Jakobo, ne ii kutyet, ak okweek piigap Israel; atoretiin, mwaei Kamuktaindet ne Toroor, ak katyagindeng'ung' ko Ineendet ne Tiliil ne po Israel.

ISAIAH 43:1

Ago mwaei anyun Kamuktaindet ne Toroor ne kiyain kole ee Jakobo, ak ineendet ne kimimiin, ee Israel: kole, meiywei, amu ki atyachin; ki aguurin eng' kaineng'ung', ii nenyu.

ISAIAH 59:13

ki kieesye Kamuktaindet ne Toroor eng' pistoennyo, ak kigemaste ama kisup Kamuktaindennyo, keng'alaali ng'aleegap sastaet ak ngelelnateet, kichobe eng' mugulelwekyok ng'aleegap lembech, ak kemwae.

ISAIAH 63:8

Amu ki mwa kole, piikyuk iman, lagok che ma yaei kaberberisyet: ki ek anyun yetindennywa.

JEREMIA 14:10

Mwachin Kamuktaindet ne Toroor pichu kole; “Ki cham ko uu nooto koombenso; tomo koisto keelyekwak. Mataachei anyun anee icheek amu nooto. Ago abwaati aneendet tengektonywa, ak aityin pireet amu tengekwogikwak.”

JEREMIA 42:20

Amu ki oyachi kaberberisyet saboonwekwok; amu ki oyookto awo ye mi Kamuktaindet ne Toroor Kamuktaindeng'wong', ole, Saiywech Kamuktaindet ne Toroor, Kamuktaindennyo; ak imwaiwech ko uu tugul che mwaei Kamuktaindet ne Toroor, Kamuktaindennyo, si keyai:

JEREMIA 51:9

Kata kimache kisoop Babilon, ago ma sap: omete ineendet ak ongebe, kwo chii tugul emennyi: amu itei kipsengwet kirwoogennyi, ak kaginamji parak agoi koit kipsengwet.

JEREMIA 7:15

Atimdak eng' tainnyu, ko uu ye ki atimde tupchosyekwok tugul, iyoteet komugul ne po Ephraim.

RIREKAB JEREMIA 5:16

Ki kobut kuutweet eng' metowekyok; pwo eng' acheek amu ki keyai tengek.

EZEKIEL 16:23

Ak kingo pata yaitwogiguk tugul, (Pwo! Pwo! Inyee! Mwaei Kiptaiyat Kamuktaindet ne Toroor,)

EZEKIEL 18:2

Obooru nee si oboisyee kalewenoni agobo emetap Israel, oleen, Ki koam kwanisyek sabibuk che mindilileen, ak kiliil kelegap lagok?

EZEKIEL 18:25

Ago omwae ole, Ma po iman ooreetap Kamuktaindet ne Toroor. Ogas anyuno, kootap Israel: tos ma po iman ooreennyu? Tos ma ortinwekwok che ma po iman?

EZEKIEL 34:6

Ki ombenioti keechiirekyuk eng' tuloonook tugul, ak eng' tulweet age tugul ne kooi: ee, kiyesta keechiirekyuk koyom ng'wony tugul; ak ki ma komi chii ne ki cheeng'at anan kosubot icheek.

HOSEA 11:12

Yiemena Ephraim lembechek, koyiemena kootap Israel ng'aalseet: ago pounisyei Judah kora kobooto Kamuktaindet, ak koyanaat eng' Ineendet ne Tiliil.

HOSEA 11:2

Kinga testai aguur icheek, ko testai koistoenagei; ki eng'ji Baalik, ak kobeelji nyamdutik kanamonik che ki kiwai.

HOSEA 5:7

Kigoberber `icheek Kamuktaindet ne Toroor; amu kigosich lagok che kipsagarek. Amei `arawet ne kaleel icheek kobooto mbareenikwak.

HOSEA 7:1

Ye kata amache asoop Israel, kotook anyun tengektap Ephraim ak yaityetap Samaria; amu poisyee lembechek: ak kwo oriit choriindet, ak kong'emisyei lugeetap rebiik eng' saang'.

HOSEA 7:3

Iboiboi laitoryat eng' yaityennywa, ak koboiboi pounik eng' lembechekwak.

HOSEA 9:12

Agot nganda igui lagokwak, agoochini kobegune lagok, si ma ng'et chii. Ee, pwo iman eng' icheek, ye amete icheek!

HOSEA 9:17

Oone Kamuktaindennyu icheek, amu ki ma kas iit ineendet: ak koek piik che ombenioti eng' pororyosyek.

JONAH 1:10

Ki iyweis anyun piik miising', ak koleenji ineendet, “Nee kiito koiyai?” Amu ki nai piik kole kamwee Kamuktaindet ne Toroor; amu kiga komwachi icheek.

JONAH 1:3

Ago king'eet Jona koleen komwechi Tarsis komwee Kamuktaindet ne Toroor. Ki choortagei kwo Joppa ak konyoor meeliit ne wendi Tarsis. Ki igoito anyun tuguuk che yamegei ak panda ak kolaany meeliit kobooto alak kole koba tugul Tarsis, komwee Kamuktaindet ne Toroor.

MIKAH 6:12

Amu nyiitaat koroomnateet mogorekyik, ak kogomwa lembechek piik che menyei olooto, ak kong'aalsei ng'elyebwekwak.

MIKAH 6:4

Amu ki amutun itogosu imong'u eng' emetap Misiri, ak ki atyachin imang'une kootap otwoknateet; ak ki ayookte Musa, Aron, ak Miriam kondoun.

MATAYO 23:37

“Ee Jerusalem, Jerusalem, ne parei maotik ak kolage koik icheek che ki kiyookyi! Ki amach konyil ata ayum lagoguk ko uu ye iyumi ngokyet aarekyik eng' kebebaikyik, ago ma ocham!

NG'ATUTIK 15:15

Ibwaat ile ki ii otwogin eng' emetap Misiri ak ki ityaachin Kamuktaindet ne Toroor Kamuktaindeng'ung': kang'atiin anyun agobo ng'olyoondoni rani amu nooto.

1 JOHANA 1:10

Ngot kemwa keele tomo keyai tengek, ko kagiyai ineendet koek kiplembechwa, ama miitei ng'olyoondennyi eng' acheek.

NG'ANG'UTYET 8:13

Ak ki ageer kipsiichit kotirireni eng' kwenutap kipsengwet, ak agas koleen eng' kutit ne oo, “Pwo! Pwo! Pwo agobo icheek che menyei ng'wony, amu cheosyek alak che po iryagook che po malaikaisyek somok che ta koguutei!”