HOSEA 10:5 - BUKUIT NE TILIIL Sireet ne Dutero Kanon

⁵ Iyweisyei miising' piik che menyei Samaria amu kanamonigap moegap Beth-aben: amu riirchin piigap emonooto olooto, kobooto tisiikyik che kiboiboitune kanamwonooto po moita amu toroornatennyi ne kiga koistoegei.

Bukuit Ne Tilil

⁵ Iyweisyei miising' piik che menyei Samaria amu kanamonigap moegap Beth-aben: amu riirchin piigap emonooto olooto, kobooto tisiikyik che kiboiboitune kanamwonooto po moita amu toroornatennyi ne kiga koistoegei.

BUKUIT NE TILIL

⁵ Iyweisiei mising’ bik che menyei Samaria amu kanamonikab moekab Bet-aben: amu rirjin bikab emonoto oloto, koboto tisiikyik che kiboiboitune kanamwonoto bo moita amu torornatennyi ne kiga koistoegei.

HOSEA 10:5 ပူးပေါင်းရင်းမြစ်များ

2 LAITORINIK 10:29

Ago ma istoegei Jehu kasubetap tengekwogigap Jeroboam weeriitap Nebat, ne ki igoochi Israel koyai tengekto, chooto ko ki moegap thahabu che ki mi Bethel ak che ki mi Dan.

2 LAITORINIK 17:16

Ki meto icheek ng'atuutik tugul che po Kamuktaindet ne Toroor Kamuktaindennywa, ak koyachigei moek aeng' che po kanamonik che ki kitany ak ki yai Asera. Kigutung'ji icheek tuguuk tugul che po kipsengwet, ak koot Baal.

2 LAITORINIK 23:5

Ki isto tisiigap kanamonik, che kiga konde laitorinigap Judah, kobeelei nyamdutik eng' komoswek che torooreen eng' nganasoogap Judah ak eng' komoswek che kiyiem Jerusalem, kobooto icheek che kibeeljin Baal nyamdutik, asiista, arawet, kecheik che eecheen ak tuguuk tugul che po kipsengwet.

2 ATEPTAP PEETUUSYEK 11:15

Ki lewenjigei tisiik che po komoswek che torooreen, ak che po oik, ak che po moek che kiga koyai.

2 ATEPTAP PEETUUSYEK 13:8

“Ak nguno oleen omuuchi ogirinde laitornatetap Kamuktaindet ne Toroor ne mi eunegap weeriigap Daudi, ak oo tuiyet ne oo, ak otinye moek che po thahabu che ki itang'wok Jeroboam koek kanamonik.

ISAIAH 46:2

Ing'uruuksei ak ko abuksei tugul; amu ma imuuch kola lautyet, kiluulei icheeget.

HOSEA 13:2

Ak yaei nguno icheek tengekto kosiir, ak koyachinegei fedhaisyekwak kanamonik che kitanyi, ki yai kanamonik ko uu naennywa, po chooto tugul poisyetap kitang'ik: mwaei agobo tuguuchooto kole, ingong'utut moek piik che eng'sei.

HOSEA 4:15

Agot ngiyae inyee Israel kugoinatet, ko mat koyai Judah. Amobwa Gilgal, anan otogoste Beth-aben, anan oyosye ole, “Ko uu ye sabei Kamuktaindet ne Toroor.”

HOSEA 5:8

Oguut igoondit eng' Gibea, ak oguut iryageet eng' Ramah. Owaach eng' Beth-aben; keer ole po let eng' inyee, ee Benjamin.

HOSEA 9:1

Amat ibaibaitu, ee Israel, ko uu ye poiboitu pororyosyek; amu ki iyaate kugoinatet imete Kamuktaindeng'ung', ak ki icham tuguuk che kigoigoisye eng' rwanyut age tugul.

HOSEA 9:11

Tirireni toroornatetap Ephraim ko uu toriityon: ma piitu sigisyet, ama mi ne chiioo, anan ne manachi.

AMOS 3:14

Eng' peetuut ne tuun aiityini pireet Israel amu pistaosyekyik, aiityini kogeny pireet kapkorosusyegap Bethel, ak keisto kuinoigap kapkorosuut, ak kobutyi ng'wony.

SEPANIA 1:4

Aluukyini `eunnyu Judah, ak piik tugul che menyei Jerusalem; ak abar ng'etuunenigap Baal, kobooto kainetap Kemarik ak tisiik;

POISYONIGAP CHE KIYOKTOI 19:27

Ma keele kityo piitu pichiindap sasisyet ne kisasei poisyennyo; ago kiiti keele ma kiy hekaluutap kamuktain ne oo ne kobogoryot Artemi, ak keistoe ineendet teegistanyi ne koilasu Asia tugul kobooto ng'wony.”

JOSHUA 7:2

Ki iyookto `Joshua piik eng' Jeriko koba Ai, ne neegitee Beth-aben eng' komostap kong'asiis ne po Bethel komwachi koleenji, “Oba ak osegei emonooto.” Ak ki pa anyun piik kosegei Ai.

KIRUOGIK 18:24

Ak ki wol kole, “Kaorep kanamonikyuk che ki ayai, ak koomut tisiindet ak kaobe. Ta atinye nee anyun? Ara omwaiwo eng' nee ole ‘Amin nee?’ ”