HEBRANIK 9:5 - BUKUIT NE TILIIL Sireet ne Dutero Kanon

⁵ ak ki mi paragunnyi kerubisyegap liilindo che ki iuuri kerwetap rireenet; tuguuk che ma kimuuchi keng'alaale nguno agenge agenge.

Bukuit Ne Tilil

⁵ ak ki mi paragunnyi kerubisyegap liilindo che ki iuuri kerwetap rireenet; tuguuk che ma kimuuchi keng'alaale nguno agenge agenge.

BUKUIT NE TILIL

⁵ ak kimi baragunnyi kerubisiekab lilindo che kiiuuri keruetab rirenet; tuguk che magimuchi keng’alale nguno agenge agenge.

HEBRANIK 9:5 ပူးပေါင်းရင်းမြစ်များ

2 LAITORINIK 19:15

Ak ki sa Hezekiah eng' taitap Kamuktaindet ne Toroor kole, “Ee Kamuktaindet ne Toroor, Kamuktaindetap Israel, ne tebee kerubisyek, ii Kamuktaindet ne Toroor inyee inyegei, ne po laitornatosyek tugul che po ng'wony. Ki iyai kipsengwet ak ng'wony.

1 ATEPTAP PEETUUSYEK 28:11

Yeityo kogoochi `Daudi Solomon weeriinnyi kergeindap keterut, ak ne po kooriik che tilaatiin, ne po ole kigonoree tuguuk, ne po kooriik che po parak, ne po kooriik che po oriit ak ne po kerwetap rireenet.

TIENWOGIKAL 80:1

Ep iit, ee Mestowotap Israel, Inyee ne indochini Joseph ko uu akweetap keechiirek; Iluu, inyee ne itebee kerubisyek.

TIENWOGIKAL 99:1

Laitorani Kamuktaindet ne Toroor; ingobotanso piik: Tebee ineendet paragutap kerubik; ingobotan ng'wony.

ATEPTAP LAWIK 16:13

Indoi ineendet nyamdutik ma, eng' taitap Kamuktaindet ne Toroor si kobiit kotuch iyeto ne po nyamdutik kerwetap rireenet ne mi paragutap paornateet, si ma me.

ATEPTAP LAWIK 16:2

koleenji, “Mwachi Aron ng'eetap komet, si ma nyoonei atkai tugul ole-tiliil oriit ne po angeet ne ki kioiye koot, eng' taitap kerwetap rireenet ne mi moinget parak; si ma me. Amu among'u eng' pooldet eng' paragutap kerwetap rireenet.

KAITOSYEK 7:89

Ye kingwo Musa emait ne kituiyechin kwo kong'alaal ak Kamuktaindet ne Toroor, kogas anyun kutit kong'alaaljin ineendet komang'une paragutap kerwetap rireenet ne ki miitei moingetap paornateet; ki mang'une kwenutap kerubisyechooto aeng', ak ki ng'alaalji ineendet.

ROMANIK 9:4

che Yahudik; che ki kiyai koek lagok, che neny wo toroornatet, ak kayomisutik, ak kagoitoetap Ng'atuutyet, ak otetap Kamuktaindet, ak arorutik;

EPESOEK 3:10

si kobiit konaak eng' kaniset nguno utaatyet ne oo ne po Kamuktaindet eng' laitornatosyek ak pounatosyek eng' komoswegap kipsengwet,

HEBRANIK 4:16

Ongeriikyi anyun ng'echereet ne po myeeindo eng' nyiganateet, si kenyooru rireenetapkei, ak kesich myeeindo ne toretech eng' peetuut ne kinyalili.

1 PETERO 1:12

Che ki king'aang'ji, ma agobo icheeget, ago kiyaiywok okweek tuguuchuuto, che kagemwaiwok nguno eng' icheek che ki amwok logoiywek che myach eng' Kabuuset ne Tiliil ne ki kiyok eng' kipsengwet; tuguuk che machei malaikaisyek miising' kogeer.

1 SAMUEL 4:4

Ki kiyookto anyun piik koba Shiloh, ak ki ip eng' yooto moingetap arorutyetap Kamuktaindet ne Toroor ne po lugoosyek ne tebee kerubisyek. Ki imi yooto anyun Hopni ak Phineas, weeriichooto aeng'u po Eli kobooto moingetap arorutyetap Kamuktaindet.