HEBRANIK 9:4 - BUKUIT NE TILIIL Sireet ne Dutero Kanon

⁴ ne tinyei kapkorosutap thahabu, ak moingetap arorutyet ne ki kiliige thahabu komoswek tugul, ole ki mi tereet ne po thahabu ne ki mi mana, ak kirokto ne po Aron ne ki ing'ati, ak koik che po arorutyet;

Bukuit Ne Tilil

⁴ ne tinyei kapkorosutap thahabu, ak moingetap arorutyet ne ki kiliige thahabu komoswek tugul, ole ki mi tereet ne po thahabu ne ki mi mana, ak kirokto ne po Aron ne ki ing'ati, ak koik che po arorutyet;

BUKUIT NE TILIL

⁴ ne tinyei kapkorosutab tahabu, ak moingetab arorutiet ne kigiliige tahabu komoswek tugul, ole kimi teret ne bo tahabu ne kimi mana, ak kiroktab Aron ne kiing’ati, ak koik che bo arorutiet;

HEBRANIK 9:4 ပူးပေါင်းရင်းမြစ်များ

1 LAITORINIK 7:50

kigombok, magasisyek che kitile ole lalei eng' taisyek, taabook che mengeechen, kechigosyek, tereenik che ki ibe maat, ki po thahabu che tiliileen; kobooto kariik che namei kereiywotap kurgeet, che po kereiywegap kurgotigap koot ne po oriit, ole-tiliil miising', ak che po kurgotigap koot, nooto ko Hekaluut, ki po thahabu.

1 LAITORINIK 8:21

Koachop eng' yooto ole tebee moinget, ne mi arorutyetap Kamuktaindet ne Toroor oriit, ne ki yai ak kwanisyekyok, ye ki imutu komong' eng' emetap Misiri.”

1 LAITORINIK 8:9

Ki ma komi kiy moingonooto oriit kobatee koik aeng' che lebeleen che ki indoi Musa eng' Horeb, ye kingo yai Kamuktaindet ne Toroor arorutyet ak piigap Israel, ye ki mong'u eng' emetap Misiri.

2 ATEPTAP PEETUUSYEK 5:10

Ki ma komi kiy moinget oriit kobatee koik aeng' che lebeleen che ki indoi Musa eng' Horeb, ye kiyaei Kamuktaindet ne Toroor arorutyet ak piigap Israel, ye kiga komong' eng' Misiri.

KOMONG'U 26:33

Isonginine anganooto kapkelyenutap kariik che kiname angook ak iibu moinget ne po paornateet inde koot ne po oriit ne tilate angeet, si kopcheiywok anganooto ole-tiliil ak ole-tiliil miising'.

KOMONG'U 31:18

Ye kingo kagogees Kamuktaindet ne Toroor ng'alaalet ne ki ng'alaali ak Musa eng' tulweetap Sinai, kogoochi Musa koik aeng' che lebeleen che po paornateet che ki kisire mornetap Kamuktaindet.

KOMONG'U 32:15

Ki weigei Musa kochoortagei eng' tulweet, koibe eunnyi koik aeng' che lebeleen che po paornateet. Ki siraatiin koichooto komoswek tuwai, amu kiga kisir tai ak patai.

KOMONG'U 34:29

Ye kingo choorgei Musa eng' tulweetap Sinai koibu koik aeng' che po paornateet eng' eunnyi, koma nai inee kole iluu iriryotap togeennyi amu kigang'alaal Kamuktaindet ne Toroor ak ineendet.

KOMONG'U 37:25

Ki yai kapkorosuut ole kibeelee nyamdutik koyae keetiigap chebitoik. Ki mitainik artam ak muut koindonyi ak ki mitainik artam ak muut tebeesindanyi, ak ki mitainik tamanwogik sogool tononennyi. Kiga namgei kapkorosuut ak kuinoikyik koek kiy agenge.

KOMONG'U 39:35

moingetap paornateet, keetiikyik che ki ibe, ak kerwetap rireenet,

KOMONG'U 40:3

Inde moingetap paornateet koot oriit ak ituch eng' ngoryonooto kioiye koot.

ATEPTAP LAWIK 16:12

Ak konem tereet ne nyiitaat ng'etetyot ne punu maatap kaptisisyet ne mi taitap Kamuktaindet ne Toroor, ak ko nyiitaat eunekyik nyamdutik che ng'uu ne anyiny che ki kitui komengegitu, ak koip koba koot ne po oriit, ne ki kioiye angeet.

KAITOSYEK 17:10

Ki leenji `Kamuktaindet ne Toroor Musa, “Ketite kirokto ne po Aron kwo taitap paornateet, si kegonor koek kaboorunet eng' piik ngelelik, si kobiit iwong'u kang'unyng'unyennywa ne ing'unyng'ung'jino, si ma pek.”

KAITOSYEK 17:5

Yeityo kong'at kirokto ne po chiito ne aleweni, ak awong'u eng' tainnyu kang'unyng'unyet ne ing'unyng'ung'jinok piigap Israel.”

KAITOSYEK 17:8

Eng' peetuut ne ki isubi, kwo Musa emaitap paornateet oriit, ak kooro kole, kogong'at kirokto ne po Aron ne po ooreetap Lawi, ak koyesyo taaptook, ak kogoi lagoek che ruryotiin che kiguure almond.

NG'ATUTIK 9:11

Ye kingo pata peetuusyechooto artamu ak kemousyek artam, kogoono Kamuktaindet ne Toroor koichooto aeng' po kayomiset.

NG'ATUTIK 9:9

Kinga togoste tulweet ibataach koik che lebeleen, che chooto ko koigap kayomiset ne ki yai Kamuktaindet ne Toroor kobootok, ko ki atebi eng' tulweet peetuusyek artam ak kemousyek artam, ak ma am amit amaee pei.

NG'ANG'UTYET 11:19

Ak ki kiyaat hekaluutap Kamuktaindet eng' kipsengwet; ak ki took eng' hekalunnyi moingetap arorutyennyi; ak ki piit kalyelosyek, ak kutusweek, ak tuloosyek, ak potaneetap ng'wony, ak koik che eecheen che po ropta.

NG'ANG'UTYET 8:3

Ki nyo malaikaiyat age kotinyei tereet ne po thahabu ne kibeelee nyamdutik, konyo kotonone ole po kapkorosuut. Ki kigoochi nyamdutik che chaang' che kibeelei si kogoito kobooto saautigap che tiliileen tugul eng' kapkorosutap thahabu, ne ki mi taitap ng'echereetap laitornatet.