HEBRANIK 9:28 - BUKUIT NE TILIIL Sireet ne Dutero Kanon

²⁸ ko uu nooto Kristo agine, kingo kagigoito konyil agenge si koip tengekwogigap che chaang', ko tuun taagu ne po aeng', ma agobo tengek, ago agobo icheek che igeni ineendet agoi yetunet.

Bukuit Ne Tilil

²⁸ ko uu nooto Kristo agine, kingo kagigoito konyil agenge si koip tengekwogigap che chaang', ko tuun taagu ne po aeng', ma agobo tengek, ago agobo icheek che igeni ineendet agoi yetunet.

BUKUIT NE TILIL

²⁸ ko u noto Kristo agine, kingo kagigoito konyil agenge si koib tengekwogikab che chang’, ko tun toogu ne bo aeng’, ma agobo tengek ago, eng’ ichek che igeni inendet, agoi yetunet.

HEBRANIK 9:28 ပူးပေါင်းရင်းမြစ်များ

ISAIAH 25:9

Ak tuun kimwaei eng' peetuunooto keele, “Ogeero, niito ko Kamuktaindennyo; ki kigen ineendet, ak sarwech ineendet. Niito ko Kamuktaindet ne Toroor; ki kigen ineendet, kigasigei ak keboiboitu eng' yetunennyi.”

ATEPTAP LAWIK 10:17

“Amu nee si moam kagoochinetap tengekto eng' ole-tiliil? Amu tiliil miising' kot; kagogoonok ineendet nooto koip tengektap tuiyet, si koyai kagaigaet agobo icheek eng' taitap Kamuktaindet ne Toroor.

SEKARIA 14:5

Ak omwei obun atebweetap tuloonookyuk; amu itei atebweetap tuloonoogap Asel: ee, omwei, ko uu ye ki omwei ye kibotani ng'wony eng' peetuusyegap Uzziah laitoryatap Judah: ak konyo Kamuktaindet ne Toroor Kamuktaindennyu, komi piik tugul che tiliileen kobooto ineendet.

KAITOSYEK 18:1

Ki leenji `Kamuktaindet ne Toroor Aron, “Oibe tengektap ole-tiliil, inyee ak weeriiguk ak kootap kwanisyeguk. Oibe okweegei tengektap tiseinateng'wong', inyee ak weeriiguk.

KAITOSYEK 18:23

Ago yaei Lawiik poisyetap emait ne kituiyechin, ak koip tengektonywa. Egu niito ng'atuutyet ne po koigeny eng' ibinwekwok tugul. Ago ma nyooru poroteet icheek eng' piigap Israel.

KAITOSYEK 7:33

kirgit agenge ne neran, mengit agenge, ak mengit agenge ne ma siirei kenyiit agenge kobunji kagoochinet ne kibeelei;

MATAYO 20:28

agot ko uu nooto ko ki ma nyo Weeriitap chii keboisyechi, ago si kobois, ak kogoito saboondanyi koek kiit ne kityage che chaang'.”

MATAYO 25:31

“Ye nyo Weeriitap chii eng' toroornatennyi, kobooto malaikaisyek tugul, kotebee anyun ng'echereetap toroornatennyi.

MATAYO 26:28

amu chu ko korotiikyuk che po arorutyet, che kitumdoi agobo che chaang' ak agobo nyoetap kaat ne po tengekwogik.

JOHANA 14:3

Ak ye awe achobwok kooret, anyoone kogeny amutok; si ole ami omite ak okweek.

POISYONIGAP CHE KIYOKTOI 1:11

ak ki mwa kole, “Okweek piigap Galilaya, kalya si otononse ak onyali kipsengwet? Jeso niito, ne kagimut kwo kipsengwet, ko tuun nyoonei ko uu yu kogeere kowendi kipsengwet.”

ROMANIK 3:25

ne ki inde Kamuktaindet koek kaptisiisyo eng' kayaneet, eng' korotiikyik, si kobarta imandanyi, amu kachundaetap tengekwogik che ki kisip keyai, eng' muitaetap Kamuktaindet;

ROMANIK 5:15

Ago ma uu pistoet, konunetap chamyet. Amu ngo ki pek che chaang' eng' pistoetap agenge, ko kitesak miising' kosiir eng' che chaang', myeeindap Kamuktaindet, ak konunet eng' myeeindap chiito agenge, Jeso Kristo.

ROMANIK 6:10

Amu meet ne kime, kogimechi tengek konyil agenge ak koyam; ago sabeet ne sabei ineendet kosabei eng' Kamuktaindet.

ROMANIK 8:23

Ak ma uu nooto kityo, ago agot acheek, che ki tinyei tongoanigap Kabuuset ne Tiliil, ketigendosi agacheek eng' oriit, kigeni keyaech keegu lagok, nooto ko katyagetap poorwekyok.

ROMANIK 8:3

Amu kiit ne ki ma imuuch Ng'atuutyet koyai, amu nyaluletap poorto, koyook Kamuktaindet Weeriinnyi eng' kergeindap poortap tengek si koek kagoochinet ne po tengekto, kogikyi tengekto eng' poorto:

1 KORINTOEK 1:7

si moletu eng' konunotyot age tugul; ogeni ng'ang'utyetap Kiptaiyandennyo Jeso Kristo.

1 KORINTOEK 15:54

Ago ye tuun kagolaach niito nunei, ne manunei, ak ko kagolaach niito meei ne ma meei, kosulda anyun mwaet ne ki kisir keele, Kagelugui meet eng' kabelisyet.

1 THESSALONIKEK 1:10

ak ogeni Weeriinnyi ne punu kipsengwet, ne ki ing'eet komong' eng' che ki pek, ineendet Jeso, ne sarwech eng' nereeknateet ne nyoonei.

2 THESSALONIKEK 2:1

Kisoomok anyun, che kitupche, agobo nyonunetap Kiptaiyandennyo Jeso Kristo, ak kayumennyo pogei ne kiyumjinigei ineendet;

2 TIMOTEO 4:8

kobooch nguno ko kagegonorwo kuutweet ne po imanda, ne tuun koono Kiptaiyat, kirwoogindet ne po imanda, eng' peetuunooto: ago ma aneege, ago icheeget tugul ak icheek che ki kocham tagunennyi.

TITO 2:13

kigeni kamang'unet ne iberuurot, nooto ko tagunetap toroornatetap Kamuktaindet nenyo ne oo ne Yetindennyo Jeso Kristo;

HEBRANIK 1:14

Tos malakaisyek tugul koma saboonwek che mi poisyet, che kiyooktoi kobois agobo icheek che tuun nyooru yetunet?

HEBRANIK 10:10

Ki kitiliilech anyun eng' ma ko nooto eng' kagoitoetap poortap Jeso Kristo konyil agenge ak koyam.

HEBRANIK 12:14

Ogiilgei otebi eng' kaalyeet kobooto piik tugul, ak tiliilinooto ne ngo ma tinyei chii koma imuuchi kogeer Kiptaiyat:

HEBRANIK 2:3

kechilildoi ano anyun, ngemete yetunet ne oo ne tee ni? Ne kiga kisip kemwa eng' Kiptaiyat, ak ki igimitwech icheek che ki kas;

HEBRANIK 4:15

Amu ma ki tinyei tisiindet ne oo ne ma imuuchi kogaswech nyalulnatosyekyok; ago ne ki kiyoom ko uu acheek eng' tuguuk tugul, ama yai tengek.

HEBRANIK 5:9

ak kingo kageyai koek ne ititaat, koek ineendet ne kitaunegei yetunet ne po koigeny eng' icheek tugul che kase iit ineendet;

HEBRANIK 7:27

ne ma nyoljin kogoito tiseiywek peetuut age tugul, ko uu tisiichu ki eecheen, che igoitoi korook agobo tengekwogikyik, ye ibata kogoito agobo piik: amu ki yai niito konyil agenge ak koyam, ye ki igoitogei.

HEBRANIK 9:25

ma si kogoitogei konyil che chaang': ko uu ye wendi tisiindet ne oo ole-tiliil eng' kenyiit age tugul koibei korotiik che ma chechiik;

1 PETERO 2:24

ineendet ne ki ip tengekwogikyok eng' poortanyi eng' keetit parak, si kesapchee eng' imanda; acheek che kiga kebekyi tengekwogik; ki kisaabenok pirutikyik.

1 PETERO 3:18

Amu kime Kristo agine konyil agenge agobo tengekwogik, ineendet ne po imanda agobo che ma po imanda, si kobiit komutyech Kamuktaindet; ne ki kibar eng' poorto, ago ki kisoop eng' saboondo;

2 PETERO 3:12

ogeni nyonunetap peetuutap Kamuktaindet, ak ogiili, amu nooto anyun chotoos kipsengwet eng' maat, ak kochootyo tuguuk tugul che ki kiyae parak eng' maat ne koroom?

1 JOHANA 3:2

Chamanichu, ki lagogap Kamuktaindet nguno, ak tomo keng'aany kiit ne tuun ki uu. Kingen keele, ye tuun kaging'aany ineendet, kegergeitu ak ineendet; amu tuun kigeere ko uu ole uu ineendet.

1 JOHANA 3:5

Ak ongen ole ki king'aany ineendet si kobiit koip tengekwogik; ama mi tengek eng' ineendet.

JUDA 1:21

Oriipkei eng' chamyetap Kamuktaindet, ogeni rireenetapkei ne po Kiptaiyandennyo Jeso Kristo kot koit saboondap koigeny.

NG'ANG'UTYET 1:7

Ogeero! Nyoonei kobooto poolik; ak tuun keerei ineendet konda age tugul, kobooto icheek che kiga toor ineendet; ak koteiyo pororyosyek tugul che po ng'wony amu ineendet. Ee, uu nooto! Amen.