HEBRANIK 9:22 - BUKUIT NE TILIIL Sireet ne Dutero Kanon

²² Ak eng' Ng'atuutyet ko uu keele, kitiliili tuguuk tugul eng' korotiik, ak ngo ma mi tumdaetap korotiik koma mi nyoetap kaat.

Bukuit Ne Tilil

²² Ak eng' Ng'atuutyet ko uu keele, kitiliili tuguuk tugul eng' korotiik, ak ngo ma mi tumdaetap korotiik koma mi nyoetap kaat.

BUKUIT NE TILIL

²² Ak eng’ Ng’atutiet ko u kele, kitilili tuguk tugul eng’ korotik, ak ngo mami tumdaetab korotik ko mami nyoetab kaat.

HEBRANIK 9:22 ပူးပေါင်းရင်းမြစ်များ

EZEKIEL 43:18

Ak ki leenjo, Ee, weeriitap chii, Mwaei Kiptaiyat Kamuktaindet ne Toroor ko uu ni kole: Chu ko ng'atuutigap kaptisisyet eng' peetuut ne tuun kayai icheek, si kogoitoe kagoochinoik che kibeelei, ak koisee korotiik.

ATEPTAP LAWIK 14:14

Namei tisiindet korotiik alak eng' che po kagoochinetap chalwokto, ak konde walitap itit ne po tai ne po ineendet ne kitiliili, ak eng' mornet ne oo ne po eutap tai, ak eng' mornet ne oo ne po keldanyi ne po tai.

ATEPTAP LAWIK 14:25

Yeityo koeny arwanooto po kagoochinetap chalwokto, ak ingoip tisiindet alak eng' korotiigap kagoochinetap chalwokto, ak konde walitap itit ne po tai ne po ineendet ne kitiliili, ak eng' mornet ne oo ne po eunnyi ne po tai, ak eng' mornet ne po keldanyi ne po tai.

ATEPTAP LAWIK 14:6

Namei tisiindet toriityon ne sabei ak keetitap taragonik, ngoryeet ne piriir ak husop, ak korooch chooto tugul kobooto toriityon ne sabei, korotiigap toriityanooto kagibar eng' paragutap peek che rootei.

ATEPTAP LAWIK 17:11

Amu mi saboondap poorto korotiik. Ki agoonok korotichooto oyachinegei kagaigaet eng' kaptisiisyo amu saboonwekwok. Amu korotiik che yaei kagaigaet agobo saboondo.

ATEPTAP LAWIK 4:20

ak koyachi kirgooto ko uu ye ki yachi kirgit ne po kagoochinetap tengekto. Eng' niito anyun koyae tisiindet kagaigaet agobo icheek ak kenyochigaat.

ATEPTAP LAWIK 4:26

Ak kobeel mwanikyik tugul eng' kaptisisyet, ko uu ye kiyachin mwanigap tiseiywot ne po kagoochinoigap kaalyeet. Yaei kagaigaet ko uu niito tisiindet agobo ineendet amu tengektanyi, ak kenyochigaat.

ATEPTAP LAWIK 4:35

Ak kobut mwanikyik tugul ko uu ye kibutei mwanigap keechiiryet ne po tiseiywotap kagoochinoigap kaalyeet. Ingobeel tisiindet chooto eng' kaptisisyet ak konde paragutap kagoochinoigap Kamuktaindet ne Toroor che punei maat. Eng' niito, koyaei tisiindet kagaigaet agobo ineendet amu tengektanyi ne koyai, ak kenyochigaat.”

ATEPTAP LAWIK 5:10

Yeityo kogoito ne po aeng' koek kagoochinet ne kibeelei, ko uu ye ki king'at, ak koyai tisiindet kagaigaet agobo ineendet amu tengektanyi ne kogoyai, ak kenyochigaat.

ATEPTAP LAWIK 5:11

“Ago ngo ma imuuchi koal cheptugenik aeng' anan ko aarek aeng' che po toriitik, koip anyun kagoochinennyi ne po tengektanyi ne kogoyai, koip keruutyet agenge ne po peek che ng'ootiin che tambulul koek kagoochinetap tengekto. Amat konde mwaita anan tuguuk che nyamdut, amu niito ko kagoochinetap tengekto.

ATEPTAP LAWIK 5:12

Ak koipchi tisiindet, si komugut tisiindonooto peechooto ng'ootiin konyi euut si koek kabwaatet ne po chooto ak kobeel eng' kaptisisyet, eng' paragutap kagoochinoigap Kamuktaindet ne Toroor che punei maat. Niito kagoochinetap tengekto.

ATEPTAP LAWIK 5:18

Ketu anyun mengit ne libwoop ne punu akweetap keechiirek kogetyi tisiindet, ko uu kamanuutyet ne irogendochini, si koek kagoochinetap chalwokto. Yae tisiindet kagaigaet agobo ineendet amu lelutyet nooto ki yai ama eng' kwetyinet, ak kenyochigaat.

ATEPTAP LAWIK 6:7

Yae tisiindet tisiisyet agobo ineendet eng' taitap Kamuktaindet ne Toroor, ak kenyochin kaat eng' kiy age tugul ne koyaei si konamei lelutyet.”