HEBRANIK 9:15 - BUKUIT NE TILIIL Sireet ne Dutero Kanon

¹⁵ Ak amu ng'olyoondoniito ineendet ko katuiyoindetap kayomiset ne leel, si kobiit konyoor che kigeguur, arorutyetap poroteet ne po koigeny, ye kingo kagobiit meet agobo katyagetap pistaosyek che ki miitei eng' kayomiset ne po tai.

Bukuit Ne Tilil

¹⁵ Ak amu ng'olyoondoniito ineendet ko katuiyoindetap kayomiset ne leel, si kobiit konyoor che kigeguur, arorutyetap poroteet ne po koigeny, ye kingo kagobiit meet agobo katyagetap pistaosyek che ki miitei eng' kayomiset ne po tai.

BUKUIT NE TILIL

¹⁵ Ak amu ng’olyondonito inendet ko katuiyoindetab kayomiset ne leel, si kobiit konyor che kigeguur, arorutietab borotet ne bo koigeny, ye kingo kagobiit meet agobo katiagetab bistaosiek che kimitei eng’ kayomiset ne bo tai.

HEBRANIK 9:15 ပူးပေါင်းရင်းမြစ်များ

TIENWOGIKAL 37:18

Ingen Kamuktaindet ne Toroor peetuusyegap che ititaatiin, ak po koigeny porotennywa.

MATAYO 19:29

Ak age tugul ne ki kobagakta kooriik, anan ng'eetap kametwagik, anan chepkametwagik, anan kwanda, anan kamet, anan lagok, anan mbareenik, agobo kainennyu, kotaachei konyil pogol, ak koboor eng' saboondap koigeny.

MATAYO 22:3

Ki iyookto otwogikyik koguur icheek che kiga kemwachi agobo igoortap katunisyet; ago ma cham kobwa.

MATAYO 25:34

“Yeityo komwachi `Laitoryat icheek che mi eunnyi ne po tai koleenji, ‘Obwa, okweek che oberuurotin che oo po Abba, onam laitornatet ne kigechobwok kobooch ko kagilumda ng'wony;

MATAYO 25:36

ki ami aach ngor ak ki olaaksewo, ki amyani ak ki obwa ogeero, ki ami korgoreet ak ki orutecho.’

MARIKO 10:17

Ak ye kiwendi eng' ooreet, kolabatyi chiito age ineendet ak kogutung'ji, ak koteebe kole, “Kaneetindoni myee, ayai nee si anyoor saboondo ne po koigeny?”

LUKA 18:18

Ak ki teebe ineendet pounindet age, kole, “Kaneetindoni myee, ayai nee si kobiit anyoor saboondap koigeny?”

LUKA 22:20

Ko uu nooto kigombet agine, kingo kagobata amitwogik che po lagat, kole, “Kigombani ko arorutyet ne leel ne po korotiikyuk, che kitumdoi agobo okweek.

JOHANA 10:28

Agoochini icheek saboondap koigeny; ak ma koi lusyo, ama rebena chii icheek eng' eunnyu.

POISYONIGAP CHE KIYOKTOI 20:32

“Ara anyun, kabagakyok nguno eutap Kamuktaindet, ak ng'olyootap myeeindonyi, ne imuuchi koteechak, ak kogoonok poroteet kobooto icheek tugul che kitiliili.

ROMANIK 5:10

Amu ye kita ko ki puunik, ko ki kituiyech ak Kamuktaindet eng' meetap Weeriinnyi, ne siirei miising' anyun, koga kituiyech, kesarwech eng' saboondanyi.

ROMANIK 5:6

Amu ye kita ko kinyalulyotin, kome Kristo agobo che yaacheen eng' peetuut ne kiga kelewen.

ROMANIK 5:8

Ago iboorwech acheek Kamuktaindet chamyennyi, amu ye kita ko ki kiptengeginik, kome Kristo agobo acheek.

ROMANIK 6:23

Amu melektap tengek ko meet; ago konunetap chamyet ne po Kamuktaindet ko saboondap koigeny eng' Kristo Jeso Kiptaiyandennyo.

ROMANIK 8:28

Ak kingen keele, eng' icheek che chamei Kamuktaindet, kotuitos tuguuk tugul si kobois koreu che myach eng' icheek che kigeguur ko uu magennyi.

ROMANIK 8:30

ak icheeget che kisip kolewen, koguur chooto; ak chooto che kiguur, ko ki ityi imanda: ak chooto che kiityi imanda, ko ki itoroor.

ROMANIK 9:24

agot acheek che ki kuurech, ma eng' Yahudik kityo, ago eng' Pororyosyek ak icheek?

2 KORINTOEK 3:6

ne kiyaech keegu che yamei, kiboitiinik che po arorutyet ne leel; ma che po ng'atuutyet, ago po Kabuuset ne Tiliil; amu parisyei ng'atuutyet, ago Kabuuset ne Tiliil ne igoitoi saboondo.

GALATYEK 3:20

Katuiyoindet anyun koma po agenge; ago Kamuktaindet ko agenge.

EPESOEK 1:7

ne ki tinyei eng' ineendet katyagennyo eng' korotiikyik, nyoetap kaat ne po chalwogikyok, ko uu mogornatosyegap myeeindonyi,

2 THESSALONIKEK 2:14

kiguurok anyun eng' chooto eng' logoiywekyok che myach, si kobiit onyooru toroornatetap Kiptaiyandennyo Jeso Kristo.

1 TIMOTEO 2:5

Amu miitei Kamuktaindet agenge, katuiyoindet agenge agine kwenutap Kamuktaindet ak piik, nooto chiito, Kristo Jeso,

2 TIMOTEO 2:10

Nooto anyun amuitoi eng' tuguuk tugul amu che ki kilewen, si kobiit konyoor ak icheek yetunet ne miitei eng' Kristo Jeso kobooto toroornatetap koigeny.

TITO 1:2

eng' kamang'unet ne po saboondap koigeny, ne ki iyomis Kamuktaindet, ne ma imuuchi kolembechaan, kobooch kenyiisyek che po koigeny;

TITO 3:7

si, ye kagiityech imanda eng' myeeindonyi, keyaech keegu che namei tuguuk ko uu kamang'unetap saboondap koigeny.

HEBRANIK 10:34

Amu ki oriree icheek che ki ratotiin, ak ocham eng' poiboiyet kerebenak tuguukwok, amu ki ongen ole otinye mogornateet ne myee kosiir chooto ago ne tebyei koigeny.

HEBRANIK 10:36

Amu nyolu otinye muitaet, si ye kaoyai mageetap Kamuktaindet, omuuch otaach arorutyet.

HEBRANIK 11:13

Ki pek chuuto tugul eng' kayaneet, ama taach arorutichooto, ago kiga kogeer ak koboiboitu kota komi ole loo, ko kagong'aany kole ki toek ak ko kiprutoinik eng' ng'wony.

HEBRANIK 12:24

ak Jeso katuiyoindetap kayomiset ne leel, ak korotiigap iset, che ng'alaali ko myee kosiir che po Abel.

HEBRANIK 13:20

Ingoyaak Kamuktaindet ne po kaalyeet, ne ki imut mestowot ne oo ne po keechiirek komong' eng' che ki pek, eng' korotiik che po kayomiset ne po koigeny, ineendet Kiptaiyandennyo Jeso,

HEBRANIK 2:14

Amu yamdoi anyun lagok korotiik ak poorto, ki nam chooto ineendet agine ko uu nooto; si kobiit kong'em eng' ooreetap meet ineendet ne tinyei kimnateetap meet, nooto ko chesawilyet;

HEBRANIK 3:1

Nooto anyun, che kitupche che tiliileen, yamdoigap kuurseetap kipsengwet, obwaat miising' Kayooktoindet ak Tisiindet ne oo ne po ng'ang'ennyo, ineendet Jeso;

HEBRANIK 6:13

Amu ye kingo yachi `Kamuktaindet Abraham arorutyet, ko amu ki ma komi age ne oo kosiir ineendet ne ki imuuchi koyasyechi koyasyo agobo kei,

HEBRANIK 6:15

Ak uu nooto, kingo kagomuita, konyoor arorutyet.

HEBRANIK 7:22

Ko uu nooto anyun ki ek Jeso tononjinindet ne po arorutyet ne myee kosiir.

HEBRANIK 8:13

Amu ki mwa kole, “Arorutyet ne leel,” ki koyai koosit ne po tai. Ago nooto ositu ko kagotebi keny, ko neegit kogeskei.

HEBRANIK 9:12

ama eng' korotiigap kwesik ak moek, ago eng' korotiikyik icheegei, kwo anyun ole-tiliil konyil agenge ak koyam, ye kingo kagonyoor katyaget ne po koigeny.

HEBRANIK 9:16

Amu ole miitei arorutyet ne po nametap tuguuk ko kanyool komiitei meetap ineendet ne kiyaei.

HEBRANIK 9:28

ko uu nooto Kristo agine, kingo kagigoito konyil agenge si koip tengekwogigap che chaang', ko tuun taagu ne po aeng', ma agobo tengek, ago agobo icheek che igeni ineendet agoi yetunet.

JAKOBO 1:12

Paibai chiito ne muitoi eng' yoomseet: amu ye kagoterteer, kotaachei kuutweet ne po saboondo, ne ki iarorchi Kiptaiyat icheek che chamei ineendet.

1 PETERO 3:18

Amu kime Kristo agine konyil agenge agobo tengekwogik, ineendet ne po imanda agobo che ma po imanda, si kobiit komutyech Kamuktaindet; ne ki kibar eng' poorto, ago ki kisoop eng' saboondo;

1 PETERO 5:10

Ak ingochobok, ak kolumdak, ak kogimitok Kamuktaindet ne po myeeindo tugul, ne kiguurchok liilindanyi ne po koigeny eng' Kristo, ko kaonyalilse eng' peetuusyek che matya.

1 JOHANA 2:25

Ak ni arorutyet ne ki iarorwech ineendet, nooto ko saboondap koigeny.

NG'ANG'UTYET 5:9

Ak kotyeni tyendo ne leel, koleen: “Nyoljinin inam bukuit, ak iyat ng'ooksosyekyik, amu ki kibarin, ak eng' korotiguk ko ki ialji Kamuktaindet piik kobun pororyet age tugul, kutit age tugul, piik alak tugul ak emet age tugul.