HEBRANIK 9:14 - BUKUIT NE TILIIL Sireet ne Dutero Kanon

¹⁴ kotiliili anyun ne tya korotiigap Kristo, ne ki igoochigei Kamuktaindet eng' Kabuuset ne po koigeny, koma tinyei peruut, kotiliil kabwaateng'wong' eng' poisyosyek che meiyotiin si oboisyechi Kamuktaindet ne sabei!

Bukuit Ne Tilil

¹⁴ kotiliili anyun ne tya korotiigap Kristo, ne ki igoochigei Kamuktaindet eng' Kabuuset ne po koigeny, koma tinyei peruut, kotiliil kabwaateng'wong' eng' poisyosyek che meiyotiin si oboisyechi Kamuktaindet ne sabei!

BUKUIT NE TILIL

¹⁴ kotilili anyun ne tia korotikab Kristo, ne kiigochigei Jehovah eng’ Tamirmiriet ne bo koigeny, ko matinyei berut, kotilil kabwateng’wong’ eng’ boisiosiek che meiyotin si oboisiechi Jehovah ne sobei!

HEBRANIK 9:14 ပူးပေါင်းရင်းမြစ်များ

2 SAMUEL 4:11

Siirei ne tya ye kabar piik che yaacheen chiito ne po iman eng' koonnyi komi itogunnyi, ko tos ma mage korotiikyik eunekwok ak aistook eng' ng'wony?”

2 LAITORINIK 19:16

Ee Kamuktaindet ne Toroor, ep iit ak igas, yaat konyeguk ak igeer, kas ng'aleegap Sennacherib, che kaiyogune chiito konyo kochot Kamuktaindet ne Toroor ne sabei.

Kitabuutap JOB 15:16

kotam nee ineendet ne kewechei ak ko samis, chii ne eei tengekto ko uu peek!

TIENWOGIKAL 51:2

Iundoena inne tengektonyu, ak itiliilo eng' ng'oogistonyu.

KOMONG'U 12:5

Egu arweng'wong' mengit ne libwoop ne ma siirei kenyiit agenge. Oleweni arwanooto eng' keechiirek anan ko ng'oroorek.

ISAIAH 42:1

Ogeero otwogindennyu, ne agimiiti, nenyu ne ki alewen ne poiboitune saboondanyu; kande ineendet saboondanyu; ipchin kirwoogetap iman pororyosyek.

ISAIAH 53:9

Ak ki yachi ineendet kererit kobooto kiptengegiinik, ago ki kitup eng' meennyi kobooto mogoreek; nganda ki ma yai koroomnateet age tugul, ama mang'une kutinnyi ng'aalseet age tugul.

ISAIAH 57:15

Amu mwaei ko uu ni ineendet ne mi parak ak ko toroor ne menyei koigeny, ne Tiliil kainennyi kole, amenye ole toroor ak ko tiliil, kobooto ineendet agine ne kigonyeratkei eng' muguleldo, ak koming'ingei, si kobiit kisoop muguleldap ne iming'inegei, ak kisoop mugulelwegap che inyeratigei.

ISAIAH 61:1

Mi kobooto Kabuuset ne Tiliil ne po Kiptaiyat Kamuktaindet ne Toroor; amu ki ila Kamuktaindet ne Toroor si kobiit aamji logoiywek che myach che nyerootiin; ki koyookta anyaa che ilyotiin mugulelwek, si kobiit aamji luulenik katyaget, ak kityaach che ratotiin.

JEREMIA 10:10

Ago Kamuktaindet ne Toroor ko Kamuktaindet ne Toroor ne po iman; ineendet ko Kamuktaindet ne Toroor ne sabei, ak ko laitoryat ne po koigeny. Bbotani ng'wony amu nereegekyik, amaimuuchi komuita pororyosyek eng' nereegekyik.

EZEKIEL 45:18

Mwaei Kiptaiyat Kamuktaindet ne Toroor kole: Eng' arawet ne po tai, eng' peetuut ne po tai ne po arawanooto, igetu kirgit ne libwoop ne parnotyot, si ianyiny ole-tiliil.

ATEPTAP LAWIK 22:20

Ago amat ogoite ne ma libwoop, amu ma kitaachei nooto agobo okweek.

KAITOSYEK 28:11

“Eng' taunetap arawet age tugul, ogoochi Kamuktaindet ne Toroor kagoochinet ne kibeelei: kiruugik aeng' che mengeechen, mengit agenge ak aarek tisap che mengichik che libwoben, che ma siirei kenyiit agenge.

KAITOSYEK 28:3

Ileenji icheek: Ni kagoochinet ne punei maat ne ogoochini Kamuktaindet ne Toroor; aarek aeng' che libwoben che mengichik che ma siirei kenyiit agenge, kobunji kagoochinet ne kibeelei kotugul eng' peetuut age tugul.

KAITOSYEK 28:9

“Igoite aarek aeng', che mengichik, che libwoben, che ma siirei kenyiit agenge eng' peetuutap sabato, kobooto keruutik aeng' che po peek che ng'ootiin, kobunji kagoochinetap peek, che kiburuktoi mwaita kobooto kagoochinennyi ne kieei.

MATAYO 12:28

Ago ngaon oik eng' Kabuusetap Kamuktaindet, ko kagoitwak anyun laitornatetap Kamuktaindet.

MATAYO 16:16

Ki wol Simion Petero kole, “Ii Kristo, weeriitap Kamuktaindet ne sabei.”

MATAYO 20:28

agot ko uu nooto ko ki ma nyo Weeriitap chii keboisyechi, ago si kobois, ak kogoito saboondanyi koek kiit ne kityage che chaang'.”

MATAYO 7:11

Ngot ongen okweek anyun nga oo yaach ogoochi lagokwok kagoochinoik che myach, ko tos yaei myeein ne tya Kwandang'wong' ne mi kipsengwet. Tos ma igoochin che soomei ineendet tuguuk che myach?

LUKA 1:74

si kobiit kogoonech, ko kagosarwech eng' eunegap puunikyok, keboisyechi ineendet ama eng' kaiyweisyet,

LUKA 12:24

Obwaat chepkuginik, amu ma kolei, ama kesei; ama tinyei ole konoree anan choget; ago Kamuktaindet ne paei: osiire toriitik konyil ata!

LUKA 12:28

Ago ngo laaksechin Kamuktaindet ko uu nooto susweek che po keeweet che mi ra, ak mutai kewiirchi ma, kotos siirei ne tya anyun kolaaksewok okweek, che otinye kayaneet ne ming'in!

LUKA 4:18

Mi Kabuusetap Kiptaiyat kobooto, Ami ki ila si kobiit aamji kibananook logoiywek che myach: Ki iyookwo si kobiit aamji luulenik katyaget, Asi kobiit kogeerto kipkoratinik, Ak atyach che ki kiguoten.

JOHANA 3:34

Amu ng'alaali ng'aleegap Kamuktaindet ineendet ne ki iyoogu Kamuktaindet; amu ma koonu ineendet Kabuuset ne Tiliil eng' karagendoet.

POISYONIGAP CHE KIYOKTOI 1:2

Ki atet anyun chooto tugul agoi peetuut ne ki kimuti kwo parak, ye kingo kagong'at `inee eng' Kabuuset ne Tiliil che kiyooktoi, chooto kiga kolewen.

POISYONIGAP CHE KIYOKTOI 10:38

ongen ole ki iil `Kamuktaindet Jeso ne po Nazareth eng' Kabuuset ne Tiliil ak eng' kamuktaet; kiwendot ineendet ak koyaei ne myee, ak kosoobi tugul che ki inyaliili chesawilyet, amu ki mi Kamuktaindet kobooto ineendet.

POISYONIGAP CHE KIYOKTOI 14:15

“Choronochu, kalya si oyai tuguuchu? Ki piik agacheek che kergei ak okweek, ak kagiibwok logoiywek che myach, si kobiit oweeige omete tuguuchu ma tilei kiy ak obwonji Kamuktaindet ne sabei, ne kiyaei kipsengwet ak ng'wony ak araraita ak tugul che mi olooto.

POISYONIGAP CHE KIYOKTOI 15:9

ak ki ma ibesyech ak icheeget, ye ki itiliili mugulelwekwak eng' kayaneet.

ROMANIK 1:20

Amu ki keerei komyee tuguukyik che ma taagu kobooch yaetap ng'wony che naoksei eng' tuguuk che yaotin, agot kimnateennyi ne po koigeny ak ineendet iman ko Kamuktaindet; si ma ek icheek che tinyei lotania; Kiguitos ak kotaagu komyee kimnateet ne po koigeny ak piteetap Kamuktaindet che nga ma taagu kobooch yaetap ng'wony, kiguitos ak kotaagu eng' tuguuk che ki yai Ineendet; si ma ek icheek che tinyei lotania;

ROMANIK 1:4

ne ki kimwaita keele Weeriitap Kamuktaindet eng' kimnateet, ko uu Kabuuset ne po tiliilindo, eng' ng'eetyeetap che ki pek; Jeso Kristo Kiptaiyandennyo,

ROMANIK 11:12

Ngot koegu kabutennywa mogornatosyegap ng'wony, ak koek luseennywa mogornatosyegap Pororyosyek; kosiirei ne tya anyun nyiennywa?

ROMANIK 11:24

Amu ngo kigetilin eng' mseituni ne po timiin eng' piteennyi, ak ki kinamnyenen mseituni ne myee ne ki ma ko po timiin eng' piteennyi: ko siirei anyun ne tya kinamnye mooriik che ki po ye kinye emdinnywa!

ROMANIK 6:13

anan ogoochi tengek kebeberwegap poorwekwok koek kariik che ma po iman; ago ogoochigei Kamuktaindet, ko uu che saptos che kamang'une che ki pek, ak ogoochi Kamuktaindet kebeberwegap poorwekwok koek kariigap imanda.

ROMANIK 6:22

Ago nguno ko kagityaachak eng' tengekto, ak kaoegu otwogigap Kamuktaindet, otinye logoekwok agoi tiliilindo, ak kagesunet ko saboondap koigeny.

1 KORINTOEK 15:45

Ko uu nooto agine, ki kisir keele, Ki ek chiito ne po tai, Adam, chiito ne sabei. Ki ek Adam ne po let Kabuuset ne igoitoi saboondo.

2 KORINTOEK 5:21

Ineendet ne ki ma kongen tengek, kogiyai ineendet koek tengek amu acheek; si kobiit keegu imanda ne po Kamuktaindet eng' ineendet.

2 KORINTOEK 6:16

Ak ting'egei nee Hekaluut ne po Kamuktaindet ak kanamonik? Amu ki Hekaluut ne po Kamuktaindet ne sabei; ago ko uu ye ki mwa Kamuktaindet kole, Amenye icheek, ak awendotee icheek; Ak aegu Kamuktaindet nenywa, Ak koek icheek piikyuk.

GALATYEK 2:19

Amu anee, ko ki amechi Ng'atuutyet eng' Ng'atuutyet, si kobiit asap eng' Kamuktaindet.

EPESOEK 2:5

agot ye ki kibegunotin eng' yaitwogikyok, ko ki isaabech kobooto Kristo (kigesorwok eng' myeeindo),

EPESOEK 5:2

ak obendate chamyet, ko uu ye ki chamaak Kristo agine, ak kogoitogei agobo acheek, koek kagoochinet ak tiseiywot eng' Kamuktaindet ne ng'uu ne nyamdut.

NG'ATUTIK 15:21

Ngo ma libwoop, ngo ng'wali anan ngo koraat, anan ngo tinyei peruut age tugul ne ya, ko matyeng'ji nooto Kamuktaindet ne Toroor Kamuktaindeng'ung'.

NG'ATUTIK 17:1

“Ameeng'ji Kamuktaindet ne Toroor Kamuktaindeng'ung' eito anan keechiiryet ne tinyei peruut, anan kiy age tugul ne ya amu wechei nooto Kamuktaindet ne Toroor Kamuktaindeng'ung'.

NG'ATUTIK 31:27

Amu angen ngelelnateng'ung' ak uuindap kaating'ung'. Ogeero, kongelelji Kamuktaindet ne Toroor kota asabe ami kobootok peetuuni. Oyae anyun ne tya ye kaamei?

NG'ATUTIK 33:27

Meng'ateng'ung' Kamuktaindet ne po koigeny, ak kanabin eunek che po koigeny. Toortoi puunik eng' taing'ung'. Ineendet ne leen, ‘Ng'em icheeget.’

NG'ATUTIK 5:26

Chii ng'oo eng' piik tugul ne ki kas kutitap Kamuktaindet ne sabei kong'alaali eng' maat ko uu ye ki kigas ak kosap?

1 THESSALONIKEK 1:9

Amu icheeget che iboortoi agobo acheek ole ki kibwanunde oldang'wong'; ak ko uu ye ki oweekyigei Kamuktaindet olakte kanamonik, si kobiit oot Kamuktaindet ne sabei ak ko ne po iman,

1 TIMOTEO 1:17

Ingobunji anyun nguno Laitoryat ne po koigeny, ne ma ng'emaksei, ne ma taagu, Kamuktaindet ne ineegei, teegisto ak toroornatet koigeny ak koigeny. Amen.

1 TIMOTEO 3:15

ago ngot agagei, imuuchi inai ole kanyool kotepto piik eng' kootap Kamuktaindet, nooto kanisetap Kamuktaindet ne sabei, toloita ak irimeetap imanit.

TITO 2:14

ne ki igoitogei agobo acheek, si kobiit kotyachech eng' tengekto tugul, ak kotiliiljigei piik koek chechiik, che lewenotin, che igiilegei eng' poisyonik che myach.

HEBRANIK 1:3

ineendet ko kakweng'eetap liilindanyi, ak itoondo ne po indennyi, ak kotononi tuguuk tugul eng' ng'olyootap kamuktaennyi, kingo kagoyai kaundoetap tengekwogik, kwo kotebee eutap tai ne po etunateet eng' parak;

HEBRANIK 10:10

Ki kitiliilech anyun eng' ma ko nooto eng' kagoitoetap poortap Jeso Kristo konyil agenge ak koyam.

HEBRANIK 10:12

ago tisiindoni, ko ye kingo kagogoito tiseiywot agenge agobo tengekwogik agoi koigeny, kotebee anyun eutap tai ne po Kamuktaindet;

HEBRANIK 10:2

Nda ki uu nooto, ko tos, ki ma kebagaaktoi kigoito? Amu ye kingo kagitiliil saaik konyil agenge, ko kimatata kotinyei kabwaatetap tengekwogik kogeny.

HEBRANIK 10:22

ongeriikte anyun eng' muguleldo ne po iman eng' nyiietap kayaneet, ko kageis mugulelwekyok kemete kabwaatet ne ya, ak kiuun poorwekyok eng' peek che tiliileen:

HEBRANIK 11:21

Ki iberuur Jakobo eng' kayaneet, weeriik tuwai che po Joseph, ye ki neegit kome; ak kosa kotiegei walitap kiroktonyi.

HEBRANIK 13:12

Nooto anyun, kinyalil Jeso agine eng' ormariich saang', si kobiit kotiliil piik eng' korotiikyik.

HEBRANIK 3:12

Oriipkei anyun che kitupche, si ma piit chii age tugul eng' okweek ne tinyei muguleldo ne ya ne po pistoet, koistoegei Kamuktaindet ne sabei:

HEBRANIK 6:1

Nooto anyun ongebagaakte mata ongeng'alaale ng'aleek che po tai che po Kristo, ak ongigiilgei agoi keit ne ititaat; amata onginde lumeiywot ne po siguunet ne punu poisyonik che meiyotiin, ak ne po kayaneet eng' Kamuktaindet,

HEBRANIK 7:16

ne ki kiyai, ago ma eng' ooreetap ng'atuututigap poorto, ago eng' kimnateetap saboondo ne ma igeesugei:

HEBRANIK 7:27

ne ma nyoljin kogoito tiseiywek peetuut age tugul, ko uu tisiichu ki eecheen, che igoitoi korook agobo tengekwogikyik, ye ibata kogoito agobo piik: amu ki yai niito konyil agenge ak koyam, ye ki igoitogei.

HEBRANIK 9:12

ama eng' korotiigap kwesik ak moek, ago eng' korotiikyik icheegei, kwo anyun ole-tiliil konyil agenge ak koyam, ye kingo kagonyoor katyaget ne po koigeny.

HEBRANIK 9:26

amu nda ki uu nooto anyun ta kinyooljin konyalil konyil che chaang' kobooch ngelumda ng'wony; ago kagong'ang'ak nguno konyil agenge eng' kagesunetap kenyiisyek si kobiit koisto tengekto eng' tiseiywot ne ki ineendet.

HEBRANIK 9:7

ago, kiwendi tisiindet ne oo ineegei emait ne po aeng' konyil agenge eng' kenyiit, ama wendi ama tinyei korotiik, che igoitoi agobo kei, ak agobo lelutigap piik.

HEBRANIK 9:9

ne kalewenetap peetuusyechu; ki kigoitoi eng' kalewenonooto agine kagoochinoik ak tiseiywek, che ma imuuchi koyai chiito ne saaei koek ne ititaat eng' kabwaatennyi,

1 PETERO 1:19

ago eng' korotiik che po kamanuutyet ne oo, ko uu che po aarwet ne ma tinyei peruut ak ne ma tinyei tisya, chooto ko korotiigap Kristo:

1 PETERO 2:22

ineendet ne ki ma yai tengek, ama ki nyoorchi kutinnyi ng'aalseet:

1 PETERO 2:24

ineendet ne ki ip tengekwogikyok eng' poortanyi eng' keetit parak, si kesapchee eng' imanda; acheek che kiga kebekyi tengekwogik; ki kisaabenok pirutikyik.

1 PETERO 3:18

Amu kime Kristo agine konyil agenge agobo tengekwogik, ineendet ne po imanda agobo che ma po imanda, si kobiit komutyech Kamuktaindet; ne ki kibar eng' poorto, ago ki kisoop eng' saboondo;

1 PETERO 4:2

si ko mata osapche eng' poorto eng' peetuusyekwok che ng'etunotiin eng' maguutik che yaach che po piik, ago si osapche eng' mageetap Kamuktaindet.

1 JOHANA 1:7

ago ngot kebendote lapkeiyet, ko uu ye mi ineendet eng' lapkeiyet, keting'egei yamdaet, ak kotiliilech korotiigap Jeso Weeriinnyi eng' tengekwogikyok tugul.

1 JOHANA 3:5

Ak ongen ole ki king'aany ineendet si kobiit koip tengekwogik; ama mi tengek eng' ineendet.

NG'ANG'UTYET 1:5

ak che punu Jeso Kristo, paoryat ne po iman, taita ne po che ki kobek ak ko pounindetap laitorinigap ng'wony. Ingobunji ineendet ne chamech ak ne kiityaachech eng' tengekwogikyok eng' korotiikyik,

1 SAMUEL 17:26

Ki ng'alaalji `Daudi piik che kitonondos eng' ye mi ineendet koleenji, “Kiyachin nee chiito ne parei Philistindoni ak koisto teweernatani eng' Israel? Amu ng'oo Philistindoni ma kimuratan kot koreeny lugosyegap Kamuktaindet ne sabei?”