HEBRANIK 9:11 - BUKUIT NE TILIIL Sireet ne Dutero Kanon

¹¹ Ago Kristo, ye kingo kagonyo, ne ineendet tisiindet ne oo ne po tuguuk che myach che tuun pwoonei, eng' emait ne oo ak kogesunotkei kosiir, ne ma kiyae eunek, ye kiweech, koma po ng'wonyuni,

Bukuit Ne Tilil

¹¹ Ago Kristo, ye kingo kagonyo, ne ineendet tisiindet ne oo ne po tuguuk che myach che tuun pwoonei, eng' emait ne oo ak kogesunotkei kosiir, ne ma kiyae eunek, ye kiweech, koma po ng'wonyuni,

BUKUIT NE TILIL

¹¹ Ago Kristo, ye kingo kagonyo, ne inendet tisiindet ne o ne bo tuguk che miach che tun bwanei, eng’ emait ne o ak kogesunotgei kosiir, ne ma kiyae eunek, ye kiweech, ko ma bo ng’onyuni,

HEBRANIK 9:11 ပူးပေါင်းရင်းမြစ်များ

TAUNET 49:10

Ma istoegei Judah kirokto ne po pounateet, ak ma petei ne igoitoi ng'atuutik eng' iyotennyi, agoi koit Shiloh; ak kase iit piik tugul ineendet.

TIENWOGIKAL 40:7

Amwa anyun ale, “Keero, kaanyo; ki kisir agobo anee eng' bukuit ne ki kimaman.

ISAIAH 59:20

Ak konyo katyagindet Zion, ak konyonji icheek che po Jakobo che metoi pistoet, mwaei Kamuktaindet ne Toroor.

JEREMIA 33:8

Ak aun icheek eng' tengektonywa tugul, che ki koyaiywo; ak anyochi kaat amu tengekwogikwak tugul, che ki koyaiywo, ak che ki kongeleljinena.

MALAKI 3:1

Ogeero, ayoogu chiinyu, kayooktoin si kochop ooreet eng' tainnyu. Ak nyoonei matiny hekalunnyi `Kiptaiyat ne ocheeng'e. Nyoonei kayooktoin ne po arorutyet ne oboiboitune, mwaei Kamuktaindet ne Toroor ne po lugoosyek.

MATAYO 11:3

ak koteebe ineendet kole, “Tos ii ineendet ne nyoonei, anan kiganye age?”

MATAYO 2:6

‘Ak inyee Bethlehem, emetap Judah, ma ii ming'in miising' eng' kandoigap Judah, amu mong'unenen pounindet, ne tuun egu mestowotap piikyuk Israel.’ ”

MARIKO 14:58

Kigegas komwaei ineendet koleen, Ang'eme hekaluni ki kiyae eunek, ak ateech age eng' peetuusyek somok ne ma kiyae eunek.

JOHANA 1:14

Ak ki ek Ng'olyoot poorto ak komeny kwenunnyo (ak ki kigeer toroornatennyi, toroornatet ne uu ne po ne ki kisich ineegei kobunu Kwanda), ko nyiitaat myeeindo ak imanit.

JOHANA 4:25

Koleenji kobogoryot, Angen ale nyoonei Mesia (ne keguure Kristo): ye nyo ineendet, komwaiwech tuguuk tugul.

POISYONIGAP CHE KIYOKTOI 7:48

“Ago ma menyei Ineendet Ne Toroor Miising' kooriik che kiyae eunek; ko uu ye mwaei maotyot, kole,

2 KORINTOEK 4:18

ye ma kigeere tuguuk che taagu, ago tuguuk che ma taagu, amu tuguuk che taagu kosiirtoi; ago tuguuk che ma taagu ko po koigeny.

2 KORINTOEK 5:1

Amu kingen keele ngo putok koot ne po ng'wonyuni ne poorwekyok, ketinye teekseet ne punu Kamuktaindet, koot ne ki ma kiteech eng' eunek, po koigeny, eng' kipsengwet.

KOLOSAIK 2:11

ki kimuratanak eng' ineendet eng' kamuratanet ne ki ma kiyae eunek, eng' istoetap poortap panyeek, eng' kamuratanetap Kristo;

HEBRANIK 10:1

Amu tinyei Ng'atuutyet urwetap tuguuk che myachen che pwoonei, ma itoondap tuguuchooto, ma imuuchi koyai icheek che riikyin koek che ititaatiin, eng' tiseiywechooto igoitoi icheek kotugul eng' kenyiit age tugul.

HEBRANIK 12:27

Ago ng'olyoondoniito, kamwa kole, “Ta konyilei agenge,” kobooru istoetap tuguuk che kimuuchi kitumdum, ko uu eng' tuguuk che ki keyai, si kobiit kong'et tuguuchooto che ma kitumdumi.

HEBRANIK 13:14

Amu ma ki tinyei eng' yu nganaseet ne tebyei koigeny, ago kicheeng'e nin nyoonei.

HEBRANIK 2:17

Eng' nooto anyun kinyolji keyai ineendet eng' tuguuk tugul kogergeit ak tupchosyekyik, si kobiit koek tisiindet ne oo ne po rireenetapkei ak ko po iman eng' tuguuk che tokyingei Kamuktaindet, si kobiit koyai tisiisyet agobo tengekwogigap piik.

HEBRANIK 3:1

Nooto anyun, che kitupche che tiliileen, yamdoigap kuurseetap kipsengwet, obwaat miising' Kayooktoindet ak Tisiindet ne oo ne po ng'ang'ennyo, ineendet Jeso;

HEBRANIK 4:15

Amu ma ki tinyei tisiindet ne oo ne ma imuuchi kogaswech nyalulnatosyekyok; ago ne ki kiyoom ko uu acheek eng' tuguuk tugul, ama yai tengek.

HEBRANIK 7:1

Amu Melkisedeki-niito, laitoryatap Salem, Tisiindet ne po Kamuktaindet Ne Toroor Miising', ne ki tuiyo ak Abraham ye ki weeksei kobunu ole ki pare laitorinik, ak koberuur ineendet,

1 JOHANA 5:20

Ak kingen keele kigonyo Weeriitap Kamuktaindet, ak ki kogoonech kaguiyet, si kobiit kenai ineendet ne po iman, ak kemi eng' ineendet ne po iman, eng' Weeriinnyi Jeso Kristo. Niito ko Kamuktaindet ne po iman, ak saboondap koigeny.

2 JOHANA 1:7

Amu ki komong'ji ng'wony keniik che chaang', icheek che mang'aanyei kole ki nyo Jeso Kristo eng' poorto. Niito ko kenindet, ak ko kirindoindetap Kristo.