HEBRANIK 8:9 - BUKUIT NE TILIIL Sireet ne Dutero Kanon

⁹ Ma ko uu kayomiset ne ki kiyomiske ak kwanisyekwak eng' peetuut ne ki anam eunekwak si amut komong' eng' emetap Misiri; amu ki ma koteptoi kayomisennyu, ak ki ma amage kiy icheek, mwaei Kiptaiyat.

Bukuit Ne Tilil

⁹ Ma ko uu kayomiset ne ki kiyomiske ak kwanisyekwak eng' peetuut ne ki anam eunekwak si amut komong' eng' emetap Misiri; amu ki ma koteptoi kayomisennyu, ak ki ma amage kiy icheek, mwaei Kiptaiyat.

BUKUIT NE TILIL

⁹ Ma ko u kayomiset ne kigiyomisge ak kwanisiekwak Eng’ betut ne kianam eunekwak si amut komong’ eng’ emetab Misri; Amu kima koteptoi kayomisennyu, Ak kima amage kiy ichek, mwaei Kiptaiyat.

HEBRANIK 8:9 ပူးပေါင်းရင်းမြစ်များ

TAUNET 19:16

Ki igagei ineendet komanda; amu ki igagei, ko ki nam pichooto eunnyi, eutap kwondonyi ak eunegap tiibiikachik aeng' komaanda eng' nganaseet ak kobagaakta eng' saang' amu ki riiree Kamuktaindet ne Toroor.

Kitabuutap JOB 8:20

Keero, ma eesyoi Kamuktaindet chiito ne ititaat, ama tiyei yaigap yaityo.

TIENWOGIKAL 105:43

Ak ki imut piikyik komong' eng' poiboiyet, ak chechiik che kigelewen kotyenonu.

TIENWOGIKAL 77:20

Ki imut piiguk ko uu akweetap keechiirek, Eng' eutap Musa ak Aron.

TIENWOGIKAL 78:57

Ak kiweektagei let, koosup ng'aalseet ko uu kwanisyekwak: Ki kiweekta koba taban ko uu kwanget ne ma litit.

KOMONG'U 32:8

Kagosip komasta kometo ooreet ne kiga ang'atyi. Kagoyachigei kanamwet ne po moita ne ki kitaany, ak kogutung'ji, ak kagoeng'ji tiseiywot, ak koleen, ‘Kanamoniguk chu, inyee Israel, che ki imutun imang'une emetap Misiri.’ ”

KOMONG'U 34:10

Kowol Kamuktaindet kole, “Keero, kaayai arorutyet. Ayae kwang'utik eng' taitap piiguk tugul, che kitom keyaei eng' ng'wony komugul anan eng' pororyet age tugul. Keerei piik tugul che imi kwenunnywa poisyetap Kamuktaindet ne Toroor amu kiit ne ki iywei ne ayae eng' inyee.

TYENDO NE SIIREI TUGUL 8:5

Ng'oo ni togosu eng' surkwen, ne tiegei chamanennyi? Ki ang'eetin eng' kelutap keetitap logoek. Ole ki ame moet kamenng'ung' komachei kosichin, kimi yooto koamei moet si kosichin.

ISAIAH 40:11

Paei keechiirekyik ko uu mestowot, iyumi eunnyi aaregap keechiir, ak komute tegeennyi, ak kondochi mutyo che aboen.

ISAIAH 41:13

Amu aname eung'ung' ne po tai, anee Kamuktaindet ne Toroor Kamuktaindeng'ung', aleenjinin, Meiywei; atoretiin.

ISAIAH 51:18

Ma mi ne indochin ineendet eng' weeriik tugul che ki sich; ama mi ne namoti ineendet euut eng' weeriik tugul che ki igui.

ISAIAH 63:9

Ki kinyalil ineendet eng' nyalilwogikwak tugul, ak ki sar icheek malaikaiyandennyi ne ki mi tainnyi: ki ityaach eng' chamyennyi ak rireenennyi; ak kigesen ak koganap peetuusyek tugul che po keny.

JEREMIA 31:32

ma ko uu kayomiset ne ki kiyomiske ak kwanisyekwak eng' peetuut ne ki anamanu icheek amutu komong' eng' emetap Misiri; kayomiset nootonyu ne king'em icheek, nganda ki aa manong'otyot eng' icheek, mwaei Kamuktaindet ne Toroor.

RIREKAB JEREMIA 4:16

Ki koseerseer `Kamuktaindet ne Toroor ineendet icheek; ma koiti `Inee icheek kogeny; ma koiti tisiik koek kiy, ama kotinyei konyit poisyek.

EZEKIEL 16:59

Amu mwaei Kiptaiyat Kamuktaindet ne Toroor kole: Ayaun ko uu ye koiyai, ne koisas kayasyoet ibut kayomiset.

EZEKIEL 16:8

Ak kinga pun ye imi, ageerin, keero, peetuusyeguk ko ki po peetuusyegap chamyet; ak ki atugunen ngoryennyu ak atuch aach ngoryeeng'ung': ee, ki ayosyeun, ak ki koyomiske ak inyee, mwaei Kiptaiyat Kamuktaindet ne Toroor, ak ki ibunjo.

AMOS 5:22

Ee, agot ngo koono kagoochinoikwok che kibeelei ak kagoochinoikwok che po peek che ng'ootiin, ko mataache; ak kagoochinoikwok che po kaalyeet, che po che kiyagi che akwaen koma iiti.

MALAKI 2:13

Ak ni kiit age ne oyae kogeny, otumjini peegap kong' kaptisisyetap Kamuktaindet ne Toroor, eng' riirek ak kateeiyet, kot koma koiti kogeny kagoochinet, ama kotaachei eng' chamyet che ogoochini eng' eunekwok.

MARIKO 8:23

Ki nam eutap kipkoratyandanooto ak komut komandae nganaseet; ak ye kingo kagong'utyi konyekyik ak kogonoor eunekyik ineendet, koteebe kole, “Igeere kiy?”

POISYONIGAP CHE KIYOKTOI 13:11

Ak keer nguno anyuno, mi eutap Kiptaiyat paragung'ung', ak eng' peetuusyo iegu kipkoratya si mata igeer asiista.” Ak ki ibutyi sainooto mirmirindo ak mesundeito, ak kiwendot kocheeng'at piik che namoti ineendet euut.

POISYONIGAP CHE KIYOKTOI 7:36

Ki imut chiichi anyun icheek komanda, ye kingo kagoyai kwang'utik ak kaboorunoik eng' Misiri, ak eng' araraita ne piriir, ak eng' kenyiisyek artam eng' surkwen.

POISYONIGAP CHE KIYOKTOI 9:8

Ki ng'eet anyun Saulo, ak kingo kagoyatagis konyekyik, koma kogeerei kiy; komut anyun `icheek ineendet konamoti euut agoi Damasko.

GALATYEK 4:24

Tuguuchuuto ko kalewenet: amu chuuto ko arorutik aeng'; ki punu age tulweetap Sinai, ne sichei lagok eng' otwoknateet, nooto ko Hagar.

NG'ATUTIK 29:1

Chu ng'aleegap kayomiset ne ki ng'at `Kamuktaindet ne Toroor Musa koyai kobooto piigap Israel eng' emetap Moabik, kotese kayomiset ne ki iyomiskei ak icheek eng' Horeb.

NG'ATUTIK 29:12

Si kobiit oarorchigei ak Kamuktaindet ne Toroor Kamuktaindeng'wong' ak kayosyennyi, ne yaei Kamuktaindet ne Toroor Kamuktaindeng'wong' kobooten rani.

NG'ATUTIK 29:25

Kole anyun piik, ‘Amu ki pagaakta kayomisetap Kamuktaindet ne Toroor, Kamuktaindetap kwanisyekwak ne ki yai kobooto icheek ye ki imutu komong' eng' emetap Misiri.